#قصة_طلاقي
لاية الراوي
الجزء الثالث
خوش لعد ....اني رايح ....وطلع
اي روح منو لازمك .....اووووف
شوي ماما اجتي ....راح صهيب ؟
اي ماما راح .....
ليش ولج مو اتفق وية ابوج ياخذج ....
اني ما ردت اروح ....وطلع حضرته زعلان
وعلويش هالتصرفات ...شنو هالمزعطة ...حجينة وياه وابوج لامه هواي.....وكاله اذا تريد ندى تبقى على ذمتك .....عدنا شروط ....والولد ما عارض،.....
بالله وشنو هالشروط .....
انتي ليش ناوية عالشر ....لج والله ابوج بكد ما تعاندين هو يعاند ....فكري بعقل ولا تتخبلين ....
ماما شنو الشروط ........فهميني
ابوج ساله شون تكون عيشتكم ووين تكعد زوجته ....كاله ندى ببيتها وزوجته ببيت اهله .....وكاله انت تعرف شنو زوجات اثنين يعني مناگر ومشاكل واني بنتي ما اريدها تعيش بمغثة ولازم تكون عادل حتى تعيشون حياة مستقرة شكد ما تكدرون ....
الله ....بس عوزه اعيش وياها ....لا ليش هيج نحرج .....سهلة انتم هسة تكولون لازم ارجع واني حرجع ....بس ما اظمنلكم نبقى زوجين فترة طويلة .....
لا اله الا الله ....لج والله مو بالعناد ....بالتفاهم ....ليش ما رجعتي وياه ....لج رجعي وتصرفي عادي باجر يحس بغلطه ....هسة بعده ماكو مشاكل ولا مناگر باجر هو يتندم ....
هههههه واني لازم اتحمل الى ان يعرف غلطه .....ماما اوعدج ارجع بس مو هسة .....قنعي بابا يفك عني شوي .....اريد ارتاح
لو ما الي حق ابقى ...
انچبي .....شون سوالف ....كومي غسلي وتعاي نسوي عشاء ....
الله يحلها ...
وشون بابا هسة يسويلي محاكمة
هسة اكله ....اتفقوا تبقى هنا هالفترة ....بعدين ترجع ...
اوك
رحت غسلت وبدلت وطلعت اساعد ماما ....ودخل ايمن ....وصارت سوالف وضحك ويشاقيني ...بعده ما يعرف بالسالفة ...
كملنا وصبينا .....وبابا اجة ووجهه مگلوب علي ....وايمن يسولف ومنطلق وكل شوي يسأله شبيك بابا مو على بعضك ....واني اباوع من جوة ليجوة ....الى ان ماما كالتله شغلة بعدين افهمك ....
ساعدت ماما بالمطبخ ....وكملت ورحت للغرفة ....غلقت فوني ووصيت ماما تكعدني لان فوني مغلق .....
الصبح طلعت واني ما الي خلك ولعبانة نفسي من الدنيا كلها ....والدوام ملل واغلبه شاردة وافكر بمستقبلي وية صهيب ....حتى المدرسات لاحظن بس ما حجيت شي ....ما صدكت يخلص الدوام دارجع تعبانة .....
