#قصة_طلاقي
لاية الراوي
كعدت كدام السبلت اريد اتبرد احس روحي راح انفجر اكو بركان بداخلي ....وماما بدت تسأل واني ما بية حيل اجاوب ....شوي ونهاريت ....
كااااافي ماما كااافي ماكو داعي لهاي الأسئلة الموضوع منتهي عمتي خااااطبتله وزواجه متوقف على اخذ موافقتي ....
اي وانتي شنو رأيج ؟
موافقة ...
شنوووو ؟ من كل عقلج ....لج هذا صهيب الي خابصتينا بي من يوم خطبج الى حد هسة كايمة كاعدة بذكره ....تردين تقنعيني توافقين وحدة تشاركج بي ....
لا طبعا ....
لعد شون موافقة ؟ .شبيج ندى ؟
ما بية شي .....بس اني راح انفصل عنه واخلي يعيش براحته وية الي تجيبله اطفال ....هو مو يريد اطفال اي من حقه بالعافية عليه ....
تخبلتي والله ابوج ميوافق لو مدري شيصير ....متعرفي شون عصبي وعنده خط احمر هالسوالف
لا بالله ....شنو هو تعذيب لو زواج ....مثل مو من حقه يدور اطفال ...وقرر يزوج غيري ...اني هم من حقي انفصل عنه واعيش براحتي ....
ودنحجي وصوت سيارة بابا طبت للكراج ....
اشش اسكتي طبي غسلي وجهج ....كومي ولا تحجين شي هسة .....
كمت مو لان خايفة لا ....اني جنت مقررة اكول لبابا على قراري حتى اذا يعارضني وما اسكت ابدا .....بس حتى اطيه مجال يكعد ويرتاح واحجي مطول وياه .....غسلت
واسمع بابا يكول هاي ندى هنا ....طلعت
هلو بابا ....شونك وبوسته ....
هلو نداوي ....ما عندي علم بجيتج اليوم ....
اي مو قبل ساعة قررت اجي حتى ماما ما تدري ....رحنا للصالة
وسألني اي شونه صهيب ....
الحمد لله بخير ....هو اني جيتي بسبب صهيب ....ودا احجي وماما قاطعتي ....
اي احمد شخبار بيت اخوك .....وبدأ يسولف عن عمو عمار وشوي وبعد ما اتحمل ....وقاطعتهم
بابا ....صهيب راح يزوج ....
بابا لتفتت مستغرب ....شنو ؟ ماما رادت تحجي وسكتها
مين عرفتي ؟ هيج على غفلة قرر ...
عرفت من عنده هو .....مكمل كلشي بقت على موافقتي ....شايف هيج استهتار .ووقاحة بكل عين گوية يحجي وياي ....
بلا قلة ادب ....اذا يريد يزوج عليج ....تكومي تطولين لسانج ....هذا زوجج
لا بابا .....جان زوجي اني مقررة اطلك منه حاليا ....
بابا تغير شكله ...وشمر الريموت عالطبلة ....شنوووو وتحجي عن الوقاحة ....ماكو احد وقح بگدج شنو هالسان الطويل احترمي ابوج عوفج من زوجج ابوج ولج ما تحترمي اكو وحدة تجي تكول لابوها اريد اطلك عبالك طرطور كدامها مو هو لعب جهال مو زواج .....لج هذا زوجج واذا زوج ....
