#قصة_طلاقي
لاية الراوي
الجزء الرابع
تأخرت بالگعدة الصبح ....كعدت ورة العشرة بشوي ....سبحت وصحصحت شوي وسويت ريوك وما الي خلك بكلشي ....شوي وسمعت صوت هلاهل عمتي وعرفت وصلوا .....وراح تبدأ المعاناة مالتي شون راح اتعامل وية صهيب بجفاء وبرود
طلعت اوراقي والكتب وفرشتها على ميز بالصالة وبديت اخلي اسئلة لان الامتحانات ما بقالها شي ....فد نص ساعة اكثر وسمعت الباب نفتح ....توترت كلش ....بس حاولت ما ابين هالشي ....
السلام عليكم ....
رفعت راسي وبكل بررررود وعليكم السلام ...
ااااايه يا صهيب.........بعد ما جنت اخابرك من تسافر كل نص ساعة واطمئن عليك وما اصدك توصل بالسلامة واستقبلك اول وحدة هسة صرت واني كاعدة اجاوب .....وعبالك صارلك نص ساعه من طالع
هو تفاجئ ....يباوع باستغراب ....شونج ندو ....
الحمد لله بخير .....وانت ؟
تنهد بقوة .....وكعد عالقنفة ...الحمد لله اسأل عنج .....
رجعت اكتب واگلب بالكتب .....بقى ساكت ويگلب بفونه ...شوي وكال
ااااي ما كلتي ايمتة رجعتي للبيت ....
من اربع ايام .....تبهذلت بالكيات تعرف بيت اهلي بعيد عن مدرستي وابو الخط ما قبل يجيني لهناك ..وكلت اول تالي ارجع وجيت ....
اي زين سوين ...
بقيت مشغولة بالاسئلة هو يباوع تلفزيون ....كال
لازم اليوم ما ناوية سوين غدة .....تبينين كاعدة ....
اني تفاجئت جنت اتوقع يتغدة يم اهله .....
ليش راح تتغدة هنا ؟
لعد وين ؟ وين برأيج يتغدة الواحد .....غير ببيته
هااا لا بس ما مسوية غدة ....ما جنت اعرف موعد جيتك ....
بيين عليه الضوجة بس ما علق ...
اوك كايمة هسة بس شوي اتأخر ....اذا جوعان روح لبيت عمو احسن ...
لا انتظر ....فضيها
كمت وبديت اسوي شي سريع سويت ستيك وبطاطا فنگر ....ومقبلات وهيج وخليت وجبة وطبيت اصلي ....
طلعت هو طالع توقعت زعل ....اي بعد صهيب ما شفت شي من الحرب النفسية مالتي ....
كملت گلي ....وهو ماكو واخذت على گدي اكل وخليته عالميز بالصالة ....توقعته ما يرجع ....وهسة كعدت وطب يباوع
هاي شنو كلتلج سوي غدة وطلعت ما صدكتي اطلع خليتي الج وكعدتي تاكلين
لا مو قصة بس تأخرت كلت ما ترجع ....
