#قصة_طلاقي
لاية الراوي
الجزء العاشر
كملت العدة وبديت اداوم ..... وجنت البس ملابس عريضة حتى ما يبين تغير جسمي ......مرن كم يوم ....
بيوم رحت الصبح ....وبعدنا بالسيارة ...ولمحت صهيب واكف بباب المدرسة !!!!
ست امل كالت ....هذا مو صهيب ؟
هااا اي هو. ......ديوصل اخته اعتقد ....
ماكو اتصال بيناتكم ....
لا طبعا ....شنو يربطنا دنتواصل ....
نزلنا واني مخلية ايدي على گلبي بس لا وصله خبر .....جان واگف وية رنا من شافني ....تقدم بتجاهنا .... جان لابس نظارات شمسية بس تعابير وجهه هم مبينة مو طبيعية ....
صباح الخير ...
اني وامل ....صباح النور ...
شونج ست اخبارج ....
امل ....الحمد لله بخير وانت ....
الحمد لله بخير اشكرج
اني عيني عليه اريد اعرف شرايد ....
ممكن تطينا مجال عندي حجي وية ست ندى ....
ها اي طبعا اسفة اخذو راحتكم .....راحت ....وانتي بلعت ريگي وتأكدت واصله شي ....
رفع نظاراته .....والله وبارك الله بيج ست ندى ....عرفتي تحافظين على السر وما نكشف ....وبعينه الغضب
احممم ....يا سر ؟
لا تكفريني ندى ....
شبيك صهيب منا العالم ....البنات يباوعن ....
طبي اخذي اجازة وتعاي عندي حجي وياج .....
ماكدر ما صارلي هواي من داومت واصلا اخذت اجازة طويلة ....ما ترهم .....
لا بالله ....
والله صهيب ....خليني اطب بعدين نتفاهم .....
سهلة اني رايح ....بس حسابج العصر ....هيج هانت عليج العشرة .....بحيث حتى ما استاهل تفرحيني بخبر حملج ....خلفلة عليج ....وراح
اني طبيت بسرعة البنات يباوعن ....وتوتري خفت يسويلي شي .....ما صدكت يخلص الدوام ....رجعت
ماما بالمطبخ ....ماما منو ناطي خبر لصهيب ....دا احجي وسمعت صوت بابا
اني ندى باشا ....عندج اعتراض ....اشو من داومتي وترحين وترجعين ما يتأذى حملج وزوجج تتأذين اذا وصله خبر ....
اني نخرست .....معرف اجاوب ....واكلت هم شراح يسوي صهيب والله وجهه الصبح يخوف ..
اجة العصر وخلص وهو ما بين .....وللمغرب وماكو وبالليل تعشينا وبابا ضايج ما يحجي وياي ولا وية ماما ....
رحت دانام وشفت فوني .....واذا رسالة من صهيب .....
سألت شيخ عن شغلتنا .....وكال طلاقكم غير مأخوذ به .....كونچ حامل .....وماكو على الحامل طلاق ....وكال نعقد من جديد ...باجر العصر اجي اني واهلي والشيخ ....رضيتي رفضتي شغلة تخصج ....
