#قصة_طلاقي
لاية الراوي
الجزء التاسع
بقيت قريب الساعة ما نشفت دموعي ....طبت ماما ....وبقت تحجي وياي وتخفف عني ..
كالتلي كومي اسبحي وتبردي شوي ....هم تهدئ اعصابج ....
كمت طبيت للحمام ....من خليت المي على راسي ....حسيت بدوخة ....ولعبت نفسي .....ما صدكت اكمل واطلع ...
حجيت لماما كالت حالة نفسية طبعا نمردتي ....ليش قليل الي صار ....
لزمت عدة .....وجانت اول ايام صعبة كلش .....بقت الدوخة تتكرر ....واني وماما نظن انها بسبب القهر والتعب النفسي ......
الى ان بيوم كعدت الصبح ....بقيت دايخة الى ان تقيئت يلة رتاحيت ......بنفس اليوم صدفت اجت هدى ....وشافتني ممرود شكلي .....
وماما حجتلهة شون تصير عندي دوخة .....وشون تقيئت الصبح
هدى صفنت .....كالت
ندى انتي شكد بالشهر موعد دورتج؟
هااا وشنو اجة ببالج دسألين هالسؤال ؟
ماما بنفس اللحظة ....كالت ولج صحيح ما اجى ببالي هالشي ....ليش ما شكيت بحمل ....
ههههههههه حمل والله انتم ....شون سوالف ....صارلي 4سنين ونص ما يصير عندي هسة الما اطلگ يصير ....بابا كافي خيال واسع .....
هدى ....ما همها حجي .....كالت ....
ايمتة اخر مرة صار بينكم شي .....احجي فهميني ...
اشششش يمعودة شبيج .....لا يجي بابا او ايمن تخبلتي ....
ماما ....هسة دحجي ششلعين الگلب ...
اممممم....اخر ليلة ....
هدى .وماما .....عزززززة تخبلتي .....
شنو تخبلت ....هو هذا شرط انفصالنا ....هو راد هيج .....
ماما ....وافقتي ....شكد قليلة احساس انتي ....وبدت تعد وتصف ما خلت ....
هدى .....ماما رحمة لجدج بس اصبري شوي ...خلي نفهم ....كولي علة ...ايمتة موعد دورتج ؟
شكد اليوم بالشهر ....
11....فضيها
والله ....لج اني يوم 2 المفروض تجيني .....بس عادي تذكرين من اول سنة من زواجنا تأخرت بعدين عادي ما صار حمل ننتظر بلا تخيلات .....
هدى ....لا ننتظر ولا شي نسوي فحص ونتأكد ...
والله وشون بالله واني لازمة عدة ....
اي مو الا تطلعين نجيب شريط فحص ومن الصيدلية ونشوف
ماما كامت على حيلها .....هسة اروح للصيدلية واجيب شريط ...
ماما دقيقة ....بس انتظري نتفاهم ....
اسكتي انتي ...خليني اروح ...وراحت ....فد نص ساعة ورجعت .....وبهالفترة اكلت گلبي هدى من ورة سالفة اقبل بهيج شرط .....وترجع تكول ان شاء الله تكون سبب برجعتكم لبعض ....
