حب في الذاكرة

غربة وطن

لاتروح .لاتروح .لا لا. اوووف كابوس ثاني .اعوذ بالله من الشيطان الرجيم يومية نفس الكابوس يتكرر.رجعت اكتب شوي لان النومة طارت كعدت ع مكتبي وكعدت اكتب :تألم ولكن كي لاتسقط عليك ان تعرف
بين الشموخ والانكسار
هنالك "شَعره"
اسمها
~الحَنين~
تجبرنا على البكاء بعَظمه
تأخذنا بعيدآ عن واقعنا لنتكور حول
انفسنا ونجهش كالاطفال لانعرف لما البكاء والنحيب فالكل راحل ولاشي يبقى كل شي قابل للتغيركل شئ يرحل وافضل نعمة انعمها الله على البشر هي النسيان لكن الاشخاص الذين يمتلكون ذاكرة من حديد مساكين النسيان شي مستحيل يقف عاجز امام ذكرياته الاليمة نعم .انا عاجزة عن النسيان عاجزة ان انسى حياتي السابقة عاجزة على التكيف عاجزة عن الابتسام اني عاجزة حتى عن التنفس عاجزة عن مسح الالامي والبدء من جديد). احب اعرفكم عن نفسي اسمي دلشاد سعيد والدي سماني دلشاد تيمنا بالملحن الكوردي دلشاد محمد سعيد مبين من الاسم احنا عائلة كردية مقيمة بالسويد صار اكثر من ١٠سنوات يعني تقريبا من ولادة ابني (رزكار) ساكنة وحدي واخوية زكريا الصغير ووحيدي طبعا والي يقة من اهلي مزوج وحدة سورية من اصل كردي ايضا وعدهم ولد وبنت اصغر من رزكار من وصلت للسويد عفت الطب وركزت ع دراسة الفن التشكيلي والتجريدي .وطبعا هنا بالسويد وهو بلد حيل تختلط بيه الثقافات ومرح تحس بصعوبة بالحياة لان اغلبهم يحجون لغة انكليزية يعني بصعوبة رح تتعلم اللغة السويدية الا تدخل دورة لتعلم اللغة السويديةSFIبدعم من المنظمة الدولية لشوون اللاجئين تسحرك الاجواء والهدوء الي يتسم بي المجتمع السويدي مجتمع مغلق ولازم اذا كنت جزء من المجتمع السويدي لازم تاخذ استراحة القهوة(fica)يسمو وهذا الوقت اسرح بي وارجع بذكرياتي للوراء هذا الوقت اسرح بمخيلتي وارجع للاجواء الصاخبة بغداد صوت الجهال وااناس تروش حتة بالسنتين الاخيرة قبل لااسافر ورغم الضرووف مو شي بس العالم متهتم تطلع وتتسوق اما هنا فااقصى وقت ممكن توصل بي هنا الساعة ٥الشوارع تبدي تفرغ والكل تروح لبيوتهة الحياة هنا مملة جدا صح عبرت قارات بس عقلي بعدة هناك بيتنا القديم جوارينة صديقاتي ذكرياتي قبر امي وابوية الشي الوحيد الي يخليني متعلقة بالحياة هو ابني رزكار .صديقاتي هنا من شافوني وصلت مرحلة الالم والكابة ووصلت مرحلة اتمنى اموت اقترحو عليه اتوجه لعيادات الموت الرحيم عمود الواحد يخلص من المه .في يوم من الايام واثناء مجنت امارس شغلي حسيت بدوار فظيع والم وحسيت عيوني خلص غوشت وفقدت الوعي وكان الي مكنت متوقعة حدوثة بس منتظرتة .جتي الطبيبة وظلت تشرحلي ان الفحوصات المبدئية تشخص اصابتي بالسرطان واني ذيج الفترة مجنت مهتمة لنفسي وهملت روحي لهذا المرض وصل لمراحل المتقدمة وع الرغم اني بدولة متقدمة بس الطب يعجز احيانا عن انقاذ مريض رغبتة بالموت اضعاف رغبتة بالحياة هنا قررت اتوقف عن العلاج واعيش ايامي الاخيرة ويا ابني الي مفكرت شلون رح يعيش بعدي على الرغم اخوية زكريا يحبة مثل اولادة وزوجتة هم ماعدهة اي مشاكل خلص هي مواطننة سويدية هاي الاشياء عادية هناك بس من اول مجبت رزكار ردت اعلمة ع الدين الاسلامي وتعاليمة وع اللغة العربية مردتة ينسة اصوله ولاينسة دينة مااكدر ابقي يم زكريا لان مو مهم عندة ولاعند زوجتة الدين بالعكس حسيت انو هم قربو للعلمانية والالحاد ومالهم علاقة بالدين لهذا قررت ارجع لبغداد واعرف رزكار على اهل ابو جنت دائما احجيلة رزكار عن اهلة وعن العراق وعن ابو وحياتنة وانو في يوم رح اخذة واعرفه ع اهلة هذا الموضوع زكريا ميقبل بي ولايريد يسمعة وحتة من سافرت هو جبرني ومقبل ابقة وحدي لان بالنهاية اني بنية وظرووف العراق جانت حيل سيئة وصلنا مرحلة الطائفية والتصفيات والخطف ووالدي واحد من هواي كفاءات تصفت ورا السقوط حاول يطلعني من الكأبة بس ظليت لحد هاي اللحظة عايشة بيها حاسة روحي جسد بدون روح بدون نفس هائمة بلا رغبة.اول مفاتحتة بسفرتي عصب وكالي وين ترجعين ولازم التزم بالعلاج بس اني توسلت بي خلص زكريا ارجوك خليني ع راحتي لااخر مرة بنفسي اسوي شي ارتاح بي وخلي ابني يشوف اهلة خليني اموت واني مرتاحة ابني وسط اهلة.
زكريا:متمنيت منج تحجين هاي الحجاية واني موجود اني مقصر وياكم انتي لو رزكار والله احبة مثل ابني واكثر وتارة شفتي جكد تحبج وتحب رزكار شفتي غير هيج .
دلشاد:استحيت احجي كدام تارة ع اسلوب حياتهم وطريقة تربيتهم لااولادهم وهم متكيفين للحياة ردت اكله اني اريد يبقة ملتزم ومينسة دينة وهو يلح علية يريد يعرف السبب.
تارة:زاك اتركها ع راحتة لاتنء عليهة هو الصبي ابنهة وهي بدا هيك بدا الصبي يتعرف ع بيو واهل بيو شو نعمل وانت كمان لازم تئدر انة أم وبتعرف مصلحتة وين .دولي .اعملي الي بدك يا واتركك من زاك بس لاتخربي نظام الصبي الولد خلء هون كيف بدك طلعي من هالجو وتخلي يرجع لااهل بيو وهن مابدن ياكي من الاول فكري منيح ابنك هو ابني خلء وتربى وسط ولادي وانتي اختي ورفيقتي بس بدياكي تكون مرتاحة .
دلشاد:والله اعرف ومتاكدة انتو مرح تقصرون ويا بس خلوني اجرب حضي واعرفهم ع ابنهم زكريا رفض سفري ومقتنع لهذا اني حجزت وخابرتة من المطار زكريا اني مسافرة لبغداد اسفة مودعتك سامحني لان مسمعتك بس مااكدر ابقة عفت الرسالة عالانسر ماشين وسمعت نداء الطيارة للاردن ومناك سافرت لبغداد اني وابني وصلنا ساعة ٢الظهر جنا بداية شهر التاسع ٢٠١٥الجو زين مو حار رزكار جان تعبان اول مرة يسافر هيج مسافة حسيت بغصة بصدري وحنين وتعب قوي خلصت الاجراات اجرت تكسي بيت خالتي منال ومن وصلت ظليت ادك بس محد طلعلي طلعت جوارينهم كلتلي ترة رايحين للشمال وعايفين المفتاح يمي جلبت بية عمود افوت بس كتلهة تسلمين امرلهم من يرجعون كلت اروح بيتنا احسن ولو صار هواي متروك بس شسوي ماكو مكان اروحله وصوجي مخابرتهة قبل لااجي حسيت لحظات حياتي بدت تخلص مو مال انتظر اكثر كلت لاابو التكسي يودينا لبيتنا وجان الطريق طويل وازدحام والبنايات بيها الواكع وبيها ديرجعون بناءة بس حسيت بغربة مابعدهة غربة بس الغربة هنا غربة وطن واني بنص بلدي حاستهة.
للقصة بقية.