حب في الذاكرة

الوعد الصعب

بعد الي سمعتة من كلام كاظم وتجريحة وفوكاهة اخوية وابوية زعلو مني حقهم بس كسرة كلبي جانت حيل جبيرة صح جنت مراهقة وكلت بس اروح احاول انسى علي لان رح اظل عمري كلة متاذاية من حجي كاظم ومرتة .
علي:ورا مراحو عمي وزكريا متت من القهر اكيد حنونة رح توكع بيها بعد ماسوة كاظم الي راداة وفضح دلشاد وخرب زواجي ارتاح هو ومرتة صعب تتقبل واحد يعيش على الالام غيرة هاي يسموهة السادية بالتفكير ماطولة شايف نفسة صح والكل غلطانين .مو هامة كلبي انكسر ولا البنية تاذت اهم شي.يسوي الي بالة .صعدت لغرفتي باوعت شباكها مسدود .ذبيت حجار وماكو اي رد ظليت اريد بس تردلي اسمع منها ماكو كتبت رسالة واطيتها لاابتسام ردت بس تعرف جكد احبهة وبعمري منسيتها ورح اذب روحي بالنار اريد اعاقب روحي على الاذى الي صار مني وكفت الفجر بابهم بس اتمنيت اشوفها قبل لااروح بس ظلت غصة بقلبي التحقت بيومهة ومنزلت الا بعد ٦اشهر طبعا كل متقل اجايزك كلما تكون احسن وضعك مرتب بالجيش التحقت بالحرس الجمهوري وكتها وقررت اتحول من مكلف لمتطوع مو عاجبني انزل ولااشوف احد صدف عيد الجبير ومنزلت ولاعايدت احد زعلان عالكل اكثر شي تاذت امي .ودلشاد اخبارهة اختفت ماك. كطعت بية فد كطعة حتة مردتلي ع رسالة دزيتها معقولة نستني ونست حبي نست حضناتي الهة .مستحيل كلبي يخوني ظليت افكر بيهة طول الوقت .ونويت انزل بس عمود اشوفهة عسى مو لحظة تجمعنا بعد راضي اني بس كون تهدا نيراني
دلشاد: اصعب شعور ممكن يحسة الانسان هو الحبس القيود الي مجتفتنا منكدر نتحرك حتة الهوا غيرنا يختار لان مجتمع وعادات وتقاليد ماكو شي اسمة انسانية ظليت محبوسة بغرفتي وخلو عمتي الحارس علية .جكد انكسرت نفسي كمت اكره كل شي .وعلي حتة مكلف روحة يعتذرلي يبرر يحاول ولو بس الظاهر انجرفت ورا مشاعري والي عاشة وياي رغبة بلحظتها حسيت هو ماعندة شخصية كاظم هو يحدد وهو يختار وبس اني تاذيت وتعذبت اذكر حجاياتة وحبة كل شوي واكثر شي اذاني عيونة ونظراتة الي اخر مرة كلها حب ووفى ياربي شون اصدك اني الي صار اني الة شوي ردت اسلم نفسي بس مقبل .مقبل .افكاري جانت مشوشة ودراستي جانت في تراجع جنت بس اريد اسمع اخبار حلوة عنة ارجع ايام زمان جان يكمز على غرفتي ونعيش حبنا سوا بقة شهر وتخلص المرحلة الاولى.ونفس المنوال الصبح زكريا يوصلني والظهر ابوية يرجعني وفجاة شالو ايدهم عني يعني براحتي مرات ارجع ويا صديقاتي وكتة من سمعت خفت خوف مو طبيعي.سمعت زكريا وابوية يحجون بصوت ناصي .علي هسة بالحرس الجمهوري وكال مراد يريد يتحول من مكلف لمتطوع ورا ميخلص يقدم كلية عسكرية .
دلشاد:عرفت بوكتها انو علي متركني هو ذب روحة بالنار لان محصلني عمري مشكيت بي لحظة لان ايقاني بحبة اكبر من اي شي بالدنيا يمكن لهذا مااكدر انساه ولااعوفة بس اني انقهرت على ابويةواخوية ميستاهلون تجيهم حجاية .اخوية زكريا عندة اصبع ناقص برجلة لهذا هو معفي من الخدمة العسكرية ورا مخلصت السنة وعطلنا زكريا نوا يسافر لعمان يم عمي فترة جانت دوخة طويلة عماتحصل جواز وسافر ابويةكلي روحي ويا اخوج لعد خلصي العطلة يمهم.
دلشاد: بابا منو كلك اريد اروح مااعوفك واروح وحدك وعمتي هم رح تروح وابوية صحتة موشي.مكدرت اعوفة اخر شي اقتنع ابقة بس يوم الخفر اروح بيت خالتي منال كتلة ماشي اقبل.جان ابوية بس يريدني انسى علي وابدي حياة جديدة واكمل دراستي وازوج طبيب مثلي .بس بعد حبي لعلي بعد مااحب ولن انحب .
علي: استغليتهة فرصة انزل بلكي اكدر احصل شي منة افهمهة الصار وزكريا بالاردن وابوهة ممتواجد جنت اتخيلها طول طريقي من ديالى لبغداد واشتياقي شوفتهة حبيبتي صار ٧اشهر مشايفهة لو مزوجين جان هسة حامل باابني اتمنا ابن من حنونة يسوة الدنيا عندي ياخذ بياض وعيون امه مع انو الي يشوفهة يكول بشرتها خمرية تخبل. اخ منك ياحبيبتي شسوا بينا الدهر.خلاج بعيدة عني واني جنت احلم صيرين مرتي واشبع شم بيج .الصمت جان يعم. دموعي بس تنزل واني كاعده اقرة ذكرياتة ال علي وكتاباتة دموعي موكفت زادت. الزمن جكد قاسي وجكد يوجع صعب تفارك احباب هم كل حياتك. والاصعب تكمل وكل خطوة بحياتك بااسمه كانو روحك انتزعت منك .ظليت اجر حسراات وابجي واتمنة بس اعتذر عنك منك علاوي اني اسفة حبيبي اني جنت رايدة اعيش واموت ويياك بس حظي سي جدا متت وخليتني بعدك بدون روح وانت ميت ردت بس انام بصفك وهم الله مارايدهة الي علي ابنا اني خايفة علي طول هذا الوقت علمتة كل شي كتليا صلاة وصوم مع انو صغير حفظت مكانتك حبيبي. علي ابنة اي سميتة بااسمك انت كل مااصيحة ويردلي احس شوي الروح ترجع .بس ماكو شي بالدنيا يسوى بدونك علي .اتمنى اكون بكابوس واكعد منة الكاك يمي واني وياك عايشين ومرتاحين بس القدر خلانا هيج انت جوا التراب واني ميتة بالحياة .
ام كاظم: فاتت ودموعها بعيونها صمالله عليج يمة.
دلشاد :خالة ام كاظم😦
ام كاظم: يمة ليش تحجين هيج مردتي كلبي ورجعتي وجع يابو. وجع بحجيج هذا
دلشاد:من شوكت انتي هنا سمعتيني شكلت .جرتني من ايدي وكعدنا على جرباية علي ميحتاج اسمع اني قلبي عمرة ميغلط باابني وعلي نسخة طبق الاصل ابو صح ماخذ منج شوي بس اني ام ومااتيه ملامح ابني.
دلشاد بحزن:خالة اني اسفة ضميت عليكم طول هالسنين بس انتو خليتونا اني وعلي نسوي هيج واني ويا جنا ناوين على سفر بس صار ذاك اليوم وراح علي وراحت كل احلامي ويا حبي الله شمعة عمرها متنطفي ماكو احد بالدنيا يستاهل ياخذ بكلبي مكانة والي مصبرني ابني وعود اني كلت انفذ وصية ابو بس خالة عذريني الوضع ميساعد وابني متعلم ع دلال ولازم احد يتابعة مو مال ينظلم على ايد عمة .
ام كاظم: يمة حنونة .وكفت شوي اعرفك ضوجين احد يكلج حنونة دلشاد. خالة صح جنت اضوج بس هسة اتمنة اسمعه على لسانة مرة وحدة بس بس ماكو يومية اباوع عالباب بلكي اني بحلم وراجع الي راجع لحضني .بس لا الباب نفتحت ولا اني نسيت الوجع كان اكبر مني ولازال ياكل بية اني خايفة كلش على ابني .احسن شي ارجع مين ماجيت وخلي ابني يربى ويا خالة زكريا .
ام كاظم : ليش يمة ليش تكطعين بية وج يومية اعاين عالباب بلجي ينفتح وتفوتين واشوفج واشوف ابنج والله انكطعت ضحكتي لما جيتوا هسة تريدين تكسرين كلبي .
دلشاد: لعد تريدين ابني ينظلم مثل ابوه ظل عمرة كلة يتحسر عالفرحة مخلا يعيشهة كاظم نغص حياتة وحياتي مااكدر اعوف ابني هسة واطمن.
ام كاظم : لج يمة انتي ليش تحجين عبالك رح ترحين وتعوفي انتي بنتي ياما دللت وداريت لو نسيتي حبيبتي هذا بيتك ومحد يكدر يطخج لاانتي ولا ابنج .
دلشاد ظليت ابجي مو كادرة اكللهة ايامي معدودة ورح اموت واني مأمنة ع ابني .احس جبتة المذبحة مو لاهلة
هذا الحجي كاظم لاشافني ولاشفتة.
ام كاظم : اريد تحجيلي شون رجعتو سوة وشون ... وانتو ممزوجين .
دلشاد : ابني علي جبتة ورا ٨اشهر من وفاة ابو وعلي قبل لايموت كتلة .واذا ممصدكة اسوي فحص اثبات نسب اصلا اني بادية اجراات وان شاء الله يبين الحق.
ام كاظم: يمة انتي منهو الي كلج انتي جذابة توني دا اكلج يشبه ابو الخالق الناطق ليش يمة لج انتي بنتي والله لما المرض فلا اخليكم تتفاركون يوم بس امر الله ومرضي وكفوني وكتة .
(عودة للذكريات)
دلشاد فرغ البيت فجاة وبابا تاخر مكلي انو اليوم خفارة ولا وداني بيت خالتي جنت اسوي جاي بالمطبخ وسمعت صوت هلاهل وهلا يمة هلا بجيتك وراها سمعت صوت بجي البيوت جانت مطابكة وكل البجي والحجي ينسمع .خالة ام كاظم وكتها من وكعت صار عدهة شلل نصفي بسبب الضغط وابتسام اكيد ظلت محبوسة متكدر تطلع منو يداريها وعلي من نزل ابد مارجع ولا زار اهلة اسمع صوت بجي خالة وصوت علي يرن بااذني وكعدت على كرسي وكعدت ابجي وياهم عالصوت بجيت علة امي وبجيت على خالة وعلى حبي لعلي. نسيت تاخر بابا تعبت من الانتظار ادك بيت خالتي يدك محد يشيلة وابوية بحياتة متاخر هيج الا يخابر ويكللنا رح يتاخر بس هالمرة ولاكال ولاحجة بيت خالة ام كاظم هم هدوء مسمعت شي اصلا جنت مركزة باابوية ونسيت طبكت سيارة بابنا وواحد يدك الباب حيل خفت افتح وظل يدك علي هو ومراد بالصدفة ديمشون وشافو يدك ركضو علي انت شنو دا دك هيج متستحي بيت بي نسوان .
هو اني دا ادك عمود بنت الدكتور ابوهة تعرض ذبحة صدرية ولازم تجي هو نايم بالمستشفى.
دلشاد: سمعت صياح وعياط علي ومراد كلت زين خلصت كعدت اسمع لحد مكال ابوية نايم بالمستشفى هنا مشالتني رجلي .طلعت ركض بالشارع ورا الولد نسيت اني بهدوم البيت.وطلعت تكرمون بالنعال وين بابا وينة .
علي :ذاك الوكت اوووف كلبي جكد مشتاق الهة .٧اشهر مراحت من بالي لحظة .وهسة وجهة الحزين ودموعها موتني لزمتهة من ايدهة وكتلهة حنين احنا بالشارع روحي لبسي واني اوصلج .
دلشاد :نسيت اني طلعت بهدوم البيت من الصدمة على بابا خفت افقدة مالي غيرة .لكيت علي منتظر يوصلني. علي روح اطيت بابا وعد مااشوفك .
علي: مو وكتهة امشي خ يوصلنا مراد بسيارة ابو وراهة عود مالج علاقة بية.
علي طول الطريق اتلفت عليهة وعيونهة مابطلت دمع وجعت كلبي اووف ياربي امودي احضنهة حبيبتي بس خ نطمن على ابوهة ويصير خير.