حب في الذاكرة

نظرة على الاطلال

صار هواي من تركت بغداد تركتها مكسورة وتعبانة وحزينة تركتها وجانت مدينة اشباح جانت العالم تخاف تطلع برة تنكتل تنخطف طك عليهم مفخخة .بس شايفة العالم تروش ورجعت لحياتهة الطبيعية على الرغم انو الحياطين مليانة صور شهداء ومقتلوين كلهم شباب بداية عمرهم لزمت ابني وحظنتة جنت خايفة علي حسيت بخوف يكون حجي زكريا صحيح واني دا اخاطر باابني جيتة هنا رزكار حجية اغلبة كوردي بالبيت وبرة لو انكليزي لو سويدي يعني العربي قليل يعرف يحجي بدا يسالني عالصور والناس واختلاف حيل بالثقافة السايق انتبه ع ابني يحجي نص كردي ع سويدي كالي شو رجعكم هنا مبين انتو جاين من السويد باوعت ع ابني وخفت كتلة جايين زيارة وراجعين .السائق:صعب الواحد يعيش بلد مو بلدة اني هم سافرت فترة بس متحملت البرد والشمس ماكو طكت روحي اذا متصمطني الشمس صمط مااحس بالراحة عرفت راسا انو جان ساكن بمدينة كارولينا الشمالية بالجزء الشمالي للقطب الشمالي ويكون الجو بارد ويخيم الظلام طول موسم الشتاء وراهة تمر ٣اشهر يتمتع بهاالسياح بالاجواء المشمسة والدافية.ابتسمت وكتلة صح احنا العراقيين ممتعلمين على غربة لازم نعيش وسط اهلنا وناسنا .وصلني بيتنا ونزلت الجنط وفتحت الباب الخارجي شكلة مكسور والباب مدفوع دخلت الجنط وباوعت ع حديقتنة والطرمة وذكرت اول يوم فتت لهذا البيت جنت بعمر رزكار وجنت وكحة نار وجان البيت هوسة ويطببون بالغراض واني اكمز بين الرجلين وامي وابوية يصيحون علية:دولي .دولي كعدي عاد رح يوكع عليج شي واني مو يمي وكفت باب البيت وكعدت عالتيل واباوع عالجوارين والجهال حوالينا اجة ولد صغير وكالي انتو منو ؟دلشاد:وانت شعليك. ليش اخذتو بيت نورس وخليتوهم يروحون طلعتوهم من البيت .دلشاد :منو .نورس هاي .هذا بيتنا امشي رووح دفعتة ووكع وتااذت ايدة وهو هم ضربني وانهزم وظليت ابجي ركضت امي ع صوتي وكتلهة ع ابن الجيران وامي عصبت وراحت ع بيتهم تشتكي لاامة. ام دلشاد:السلام عليكم .مرحبا وطلعت خالة ام كاظم:هلا عيني مرحبا تفضلو .
ام دلشاد: لا والله بس جيت اسلم وابنكم سوا الواجب ويا بنتي وضربة هو واكف ورا امه واني جنت واكفة ورا امي واعيب علي .
ام كاظم:لك اخ منك علاوي ياشاذي لك خزيتنا جكد عيب والله لااموتة كتل اسمه علاوي وجنا اني ويا رويسية ماكو يوم اذا متعاركنا واذا رحت بيتهم كتلني واذا العكس كتلتة وامي وامه صديقات ويروحون ويجون علينا وناخذ وننطي بس محد خرب هالعلاقة غير هالجهال اووف اووف منهم رح ادزلكم الولد يشيلون الغراض وياكم.قطع ذاكرتي صوت رزكار وهو يجر ملابسي mamy these women wants uشنو رزكار يا مرة .انداريت شفت ابتسام بوجهي ومن شافتني (حنين) هاي انتي لج والله مامصدكة عيني انتي لج والله ممصدكة محسيت الابحضنة كلبت كل مواجعي ونزلت دموعي جكد صار سنين جنت ميتة قهر بس مو كادرة ابجي جنت بس من حضنتني ابتسام.حسيت خلص هسة لكيت وطني وهسة خلصت غربتي. ابتسام هي بنت خالة ام كاظم جوارينة اكبر مني ب٩سنين اختي الجبيرة بااعتبار وصديقتي المقربة كل شي يخصني تعرفة ماعندي غيرهة رجعت باوعت على رزكار وكالتلي هذا منو ابنج فدوة ماشاء الله وحضنت رزكار وهو يباوع علية ويسالني who is she mamyجان مستغرب حضنتها وبعدني ماحجيت ولا حجاية .
ابتسام :هيج حتة ابنج بس يسولف انكليزي نسيتي حتة عربي يحجي.
دلشاد:رزكار هذي عمتك صديقتي حجيتله بالانكليزي .
ابتسام:بس لاانتي هم نسيتي تحجين عراقي؟
دلشاد:لامنسيت ابتسام بس انصدمت من شفتج.
ابتسام:ليش عبالج متت!
دلشاد :صمالله عليج حبيبتي عبالي زوجتي.
ابتسام : ومنو يقبل يزوجني بعز شبابي محد تحمل خبالاتي هسة يتحملون بلة كاعدين نحجي عالباب امشي يلة امشي بيتنا اكيد تعبانة.
دلشاد:ابتسام خليهة ع غير مرة والله خل اعدل غرفة غرفتين واكعد رزكار تعبان خلي يرتاح وينام .
ابتسام:لج مخبلة انتي بيت متروك صار عشر سنين شتحجين امشي والله متباتين بي اليوم تباتين يمي وتسولفيلي جاية وحدك وزوجج وينة .رزكار:البابا مات.
ابتسام فدوة لج يحجي عربي العفو البقية بحياتك دلشاد حبيبتي بس لاتطلعينا من الموضوع امشي امشي يلا بيتنا امشي .دلشاد:ابتسام.
ابتسام لاتناقشيني وهسة اسولفلج محد موجود بس اني وامي تعالي هسة تفرح بشوفتك .صاحت احمد ابن كاظم وكلتلة تعال شيل هاي الجنط جيبهة سديت الباب وتمشينا بيت خالة ام كاظم وهنا بدت ذكرياتي ترجع ومشاكساتي ويا علي وداىما عرك وكفش الا شوية اهلنا يتخاربون من ورانة فات احمد ابن كاظم للبيت وفوت الجنط .ابتسام كلتلي خالة ام كاظم فاقدة شوي ومتحجي ويا احد لاتاخذين ع خاطرك اذا ... اول مفتت شفت خالة ام كاظم ركضت ونزلت فوطتها وحضنتني قوي ودموعها نزلت وكالتلي جيتي يومة والله جنت منتظرتج ياعيني ياريحة الغالي يومة وترجع تباوع وتحضن وتبجي وتشهك وترجع ليورى وابتسام مستغربة رزكار من شافهة خاف اجة لزم ايدي وكلي :mamy why she is cry and u why cry mamy?رزكار بعدة ميعرف اهنا العواطف جياشة يعني نفرح نبجي نضحك نبجي عكس المجتمع هناك كلة رسميات وسلام بارد برودة جو ستوكهولم .خالة ام كاظم باوعت ع رزكار وعيونهة يعدهة تدمع يمة حنين هذا ابنج ؟دلشاد :اي خالة هذا ابني رزكار؟باوعت علي وخلت ايدهة ع جتفة ورادت توكع ابتسام صاحت عاحمد جيب الكرسي لبيبيتك لزمناهة اني وابتسام دفعت ايدينة دتكول عوفوني مابية شي عوفوني وحضنت رزكار وكعدت تبجي وتنعي:

آنه الوالدة وجور الوكت ذبني وأحس الروح راحت من رحت يبني
‏*** ‏
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
‏*** ‏
تكبر والأمل يبني كبر وياك لدارك من تطبها بلهفة أتلقاك ‏
تصد عيني إعلى طولك والكبد يرعاك ماأدري تروح وتنفقد مني
‏*** ‏
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني‏
‏*** ‏
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
‏*** ‏
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
‏*** ‏
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
‏*** ‏
من بعدك أقضي بالحزن يومي يجيني الليل وأتوسد على همومي‏
كل لحظة أفز مرعوبة من نومي جنك مامتت آنه المتت جني
‏*** ‏
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني.

ظلت حاظنة رزكار وتبجي وابتسام جرتها يمة يلة فوتي هاي شون تلكيتيهة لحنين وابنها دفعت ابتسام وجرتني اني ورزكار فوتتنة واني اباوع على ابتسام وبنفس الوقت حجيهة حرك كلبي ودموعي بس ردتها تخلص موكفت فوتتني غرفتها وظلت تبوس باايدي وايد رزكار .كالتلي :تعاي يمة تعاي خل اشم ريحة عزيزي بثوبج خلي اشبع عيوني بشوفتك جنت اتاني بالباب واكللهم هسة هسة يجي وجايب مرتة وابنة وداخل محد صدكني يمة محد صدكني هسة بجيتج طيبت جروحي اوووفيش يمة وخلت راسها ع حضني وكالت خلي راسي بحظنك واحلفك لاتروحين يمة والله يرجع ظلمة البيت توة نور بااصحابة .
دلشاد حرت شكللهة واحجي واني اشوف ام محروق كلبهة ع ابنهة باوعت ع كنتور خالتي بعده نفسة هو جانت تفتحة وطلع الصندقجة :هاك يمة علاوي هذا الك وهذا لدلولة.علي:لا ما ماانطيهة .لك انت ليش هيج انت وياها رويسية جنكم .علي:ركض وامه تصيح علي .واذكر عندي عصا مديتهة وانجبح ووكع ساعتها اخذتال٢٥دينار مالتة ومالتي وكتلة عمود تعرف تاخذ شي مو الك يووو جكد جنا نتعارك وهو ظل يبجي وكتهة الله على ايام زمان جكد حلوة اشرلي رزكار ليش ابجي اشرتلة :هس. خلي بيبي تنام .مسحت ع راسهة جكد دارتني والله حالي حال علي مايوم صيحت عليه ولاعصبت عليه .انتظرته نامت خليت راسهة عالمخدة.وع كيفي جريت رزكار وطلعنا .ابتسام واكفة بالباب وخجلانة سديت الباب وهي ظلت تعتذرلي والله ياحنونة .مااعرف شكلج .دلشاد:شدتحجين انتي ابتسام انتو اهلي وعشت بهذا البيت من جنت بكد رزكار .
ابتسام :حبيبتي والله انتي وحدة من البيت تعرفين معزتك وهاي امي من يوم مات علي وهي على هالحال كلمن يدك الباب تكمز تكلي جا اخوج واهله.