حب في الذاكرة

عشقت الالامي لاني بقربك

فتحت الشباك علي:باوعت بوجههة والحزن مالي واحساسها بالذنب قاتل عبالك هي موتت امها اول مفتحتلي الشباك عبالك فتحتلي باب الجنة .الكل ملتهي وتعبان بالفاتحة.واني اول مفتت حضنتها ومااريد اهدها من الاشتياق. (القلب السعيد) انتي كل امالي كل امنياتي انتي فقط من ترتسم ابتسامتي برويتك عرفت ان غيابك هو غيابي عن الحياة انتي من ترسمين الواني انتي حبي الاول والاخير ياقلبي الوحيد.وكتهاعلي التحق بالجيش وكاظم مقبل يدفع البدل مالة كال عمود يصير رجال ويتجمل مسوولية صدك بذاك الوكت الي ميدخل عسكرية تحس مو رجال لان العسكرية وكته حيل شدة وتعب واكل تعبان ظل ٣اشهر منزل وذبو بمعسكر بديالى ع حدود ايران وكتة خفت علي حيل لان جان قصف وكتها ومرة من المرات حسيت كلبي انقبض وكعدت من نومي مفزوعةعلي طول بنزلتة فتحت الشباك باوعت ع غرفتة ظلمة حسيت بالوحشةمو عوايدة يطول هيج خاف صار شي ابوية جان دائما يسولف اكو مواقع عالحدود تنقصف .ظليت بواهس خاف صار بي شي مطرت بيومهة وذكرت من كمز وهو مبلل .دعيت رب العالمين يرجعة الي سالم والله موتني الاشتياق الة.وجه الفجر حسيت طكطكة عالشباك كلت هذا يمكن المطر زاد الصوت وسمعت صوت خافت (حنون)
(حنون) افتحي هذا اني جنت خايفة لااكون بحلم هلكد ماافكر بي.كعدت والهوا جان يهفهف وطار شعري وشفت علي .كلبي طار من الفرحة .علاوي وبصوت عالي .علي: لج فضحتينة وخري خل اطفر وخرت شوي دخل ويا دخلتة حضنتة حيل منتبهت مجروح بظهرة.علاوي: اااخ.حنون ظهري مضعضع اول مرة الجرح مو سببة كاظم جان نتيجة القصف زلك بالطين وتكردحت ايدة وظهرة وكعد يحجيلي عالتعذيب والنومة بالعراء ونغسل بمي النهر البارد ثلج وتمرض وكتها واضطرو ينزلو اجازة كالي الامر وجعك مو وجع مرض وجع كلبة ملجوم والحب عمى علي بذيج الفترة تغيرت شخصيتة كلش مو ذاك العلي متهور هدا وعقل حتة مشاكل ويا كاظم ماكو بيومهة ماهديتة من احضاني ردت اشبع بي وظل يحجيلي عن اشتياقة الي .ويكولي طول الليل اسرح بالسما اشوف وجهك ولمعة خدودج وحمرة الشفة مشتاقلهة حيل .دلشاد جكد جنت متهورة اني ويا محسبنا حساب اهلنا والناس والعادات والتقاليد .نسيناهم بوكتها ماكو غير اني ويا وظلمة الليل .اقتربنا حيل بس علي رجع كالي دلشاد اذا خطبتج هسة اهلج يقبلون ينطوج.دلشاد:شنو علي انت تريد تخطبني.
علي:طبعا لعد دنلعب .
دلشاد:رجعت حضنتة قوي ممصدكة حجية وخر ايدي وكلي سالتج سوال اذا خطبتج تزوجيني حنون تقبلين تزوجين واحد ماعندة شهادة؟
دلشاد:علي انت شتكول تعرف جكد احبك وجكد منتظرة هاي اللحظة ننجمع بيهة .علي :خلص الصبح احجي ويا أمي.خ تجي تخطبك وصير شي رسمي مااريد طفر عالحياطين بعد خليني افوت من الباب وزكريا وابوج يفتحو الي مااريد اعيش دور الخاين لصديقة واطفر مثل الحرامي ع الحياطين انتي حبيبتي انتي مرتي من هاللحظة حنون .اسمي دلشاد دلشاد علي احفظ اسمي عاد ليش هيج سوي.
علي:هو اكو احلى من حنون وكرصني من خدودي وباس خشمي .شنو دلشاد اني مسالتج شنو معنى ؟
دلشاد يعني القلب السعيد. شفتي حنين بنت خالتة هههه جكد ضحكنا ذاك الوكت وجكد جنا حابين بعض وارواحنا وحدة ماكو كذب ماكو خداع بس حب ووفاء بالعهد .جلبت بي علي لاتروح ظل يمي ابوية يطلع من الصبح وزكريا بيت خالتي وعمتي متكعد قبل الظهر.الله يخليك ابقى مااريدك تروح
علي:دلشاد انتي ليش توازيني غير وزة والله اموت يمج اني دقايق انوب انام بحظنك لا الشيطان ثالثنا اكيد خليني اروح ووفري طاقاتك للعرس محتاجهة يلة تصبحين على خير حبيبتي عفت ايدة وراح وظل يباوع بوجهي بيومهة كاظم جان متحضرلة صار هواي ممحاسبة ولاطالع صوتهم
علي:عبرت ع غرفتي لكيت كاظم كاعد ومنتظرني ها كملت هسة جيت .لك متستحي علة روحك تكمز عالحياطين لك انت ماعندك غيرة شون تقبلها على روحك وهاي جنت يمهة مو هامهة لاسمعة ولااهل اخوهة معلك كرون وابوهة المي يمشي من جوا رجلة بس انت ابن عاىلة متستحي على روحك احنا عائلة محافظة اهم شي سمعتنة شون تجي تالي وكت وتوسخهة .
علي:لاتغلط وتتجاوز الي دتحجي عليهة رح صير مرتي
كاظم:مرتك .ع شنو رح تاخذك ماكو شهادة ولاوظيفة ابوها هم رح يكولك كبع واخذ
علي:انت مدخلك هاي حياتي اني حر بيهة مثل مدخلني بحياتك انت هم افهم اني مو صغير عمري ١٩سنة مو من حقك تدخل وعلى الصوت وظلو يتعاركون واني اسمعهم كوا تفاككو هاي اول مرة علي يمد ايدة على كاظم. وكاظم عبالة علي طفل يتحكم بي معرف علي خلص جاوز هالمرحلة ومن حقة يحدد مصيرة واني صدك من سمعت حجية ضجت شون يحجي علية وعلى سمعتي ويعرف اهلي جكد شديدين بتربيتهم وكرهت روحي لان محسبت حساب دخلة ولد تالي الليل متنحسب غير من زاوية وحدة اكو شي.والبنيةاهم شي سمعتها.بس بوكتهة حسيت جكد غبية والعركة مازالت مستمرة مرة كاظم ظلت تحجي وتكول ملكيت غير هاي الطالعة عن الطريق تزوجهة وتضرب اخوك جانت صلفة وتلاسن اخواني وامي جنت اعصاب كتلها انجبي هي اشرف من عشيرتج ياجلبة لج الله يغضب عليج ولايوفقك انتي كلة من وراج ورا حجيج وزنج هو هيج صار علينة عتريس يلة طلعو من غرفتي طلعو ساعة السودة نزلت .جتي امي تتوسل بية يمة انتو شنو متكدرون تعيشون بلا عراك انتو اخوة تتعاركون على مرة النسوان تالي العمر تفرقكم .استهدى بالرحمن يمة .منو هاي البنية اخوك يحجي عليهة.حنون يوم حنون تعرفين جكد احبهة واريدهة من زمان.ام كاظم: ساعة المباركة يمة بس خاف ابوهة مينطيهة تعرف مدلله وصغيرة ومستقبلها طبيبة شون رح يقبلون .علي:يوم بس روحي خطبيها الي وريحيني والله رجعتلج من الموت بس عمود ارجعلها اوعدك بس اخلص عسكرية ارجع اقدم سادس وافوت كلية .يمة انت من يمتة هيج كبرت ومحسيت بيك وصاير ناضج ودور دراسة باجر الصبح يهدا اخوك واشورة واروح اتوكل .
علي:يوم لعد ليش تعاركنا اني وكاظم غير من ورا هاي الشغلة ورا هاي مرة كاظم تمشي وتشمر ع حنين تكول عليهة مو خوش يوم مو على ايدك تربت حنون.شفتي تصرف محلو منهة اذكر كاظم شون هي شمرت رقمهة علي وعلكتة وهي بنص الحضرة كاعد تزور المتدينة الله يسلمها .
اذن الفجر...ام كاظم :يمة ميخالف ..يهدى واحاجي .دلشاد كعدت ع صوت الاذان وسمعت صوت رجلين جاية بااتجاهي فتت دحست روحي جوا الجرباية.انعلك الضوةسمعت خالة ام كاظم تقول:صباح الخير عليك يمة اجوي مرتك وابنك هياتهم جوني وصلت امانتك حبيبي من ريحتك يالغالي جوي وعلكو بقلبي الامل قلبي جان مفحم من القهر هسة ردت روحي ييمة ربي لايكطعلك نسب ولايخلالك صوت .شالت صورتة وباستهة ورجعت سدت الباب ونزلت شفت خالة نزلت ردت اروح لغرفتي باوعت التربان وجهي دموع وتراب صارو طين فتت للحمام اغسل واتوضا من طلعت صارت بوجهي هايمة صباح الخير عليج انتبهت باوعت ع بجامتي متوسخة كالتلي هايوم تتريكين وياي .عندي سوالف الج اريدك سولفيها.دلشاد: خالة اسمحيلي اليوم لأ خليهة ع باجر لازم انام شوي عمود اطلع اكمل شغلاتي .من رخصتج خالة حسيتها رح تسالني عن رزكار واني مااريد احجي واضوجها .رحت لغرفتي كتبت شوي ذكرت شعر نازك الملائكة عن الالم اي الالم الي حاسته يشبه الم الي تحجي علي ماكو اوجع من حب انسان عايش داخلنا وصاحبة مموجود يومية عندي احساس خلص رح يجي يفتح الباب ويكلي جيتج هياتني.

من أينَ يأتينا الألم?

من أين يأتينا?

آخى رؤانا من قِدَمْ

ورَعَى قوافينا

إنّا له عَطَشٌ وفَمْ

يحيا ويَسْقينا

3

أليسَ في إمكاننا أن نَغْلِبَ الألمْ?

نُرْجِئْهُ إلى صباحٍ قادمٍ? أو أمْسِيهْ

نشغُلُهُ? نُقْنعهُ بلعبةٍ? بأغنيهْ?

بقصّةٍ قديمةٍ منسيّةِ النَّغَمْ?

**

ومَن عَسَاهُ أن يكون ذلك الألمْ?

طفلٌ صغيرٌ ناعمٌ مُستْفهِم العيونْ

تسْكته تهويدةٌ ورَبْتَةٌ حَنونْ

وإن تبسّمنا وغنّينا له يَنَمْ

**