اكرهة وغصبوني عليه عنوان ل قصتين باللهجه العراقيه

جزءالاول البارت اﻻول

مساء الخير
قصه رقم واحد
للكاتبه ذكرى المندﻻوي
بعنوان
اكرهة وغصبوني عليه
****
دخل علي للبيت وهو يلهث
وبدون ماياخذ نفس صاح

يابه يابه الحك خابرني

عمي جعفر وكلي عمك محمد هو ومرته توفوا بحادث بطريق البصرة

وصاحت نسوان البيت بعد مسمعت الخبر اويلي شنوا هلمصيبة اللي جتنه شلون بهل ال الفاجعة وظلت تلطم علة وجهها
جان محمد هو ومرته رايحين لعرس اخت مرته خلود بلبصرة
وماتوا وهمه بعز شبابهم وتركولهم طفله بعمر ٦ سنين 👩‍⚖
اسمها
امل يم سعاد عمتهة ﻻن السفر يتعبهة وهي طفلة ومتتحمل وسعاد تحبهة وهي مربيتة تقريبا ويه امهة
هواي تتركهة يمهة وجانت تكيف عليهة

كظت الفاتحة ٧ايام
وكعدت الزلم يتفقون يمن اتظل امل ومنوا يتحمل وصايتهة من عمامهة

صاحت سعاد اني اتكفل بتربيت بت اخويه محمد
بس جعفر رد عليهة
وكال احنه منقبل بناتنة تتربه يم غربه (رجل سعاد غريب مو من العشيرة ) شنو من قلت اعمامهة

اني عمهة واخذ الوصايه ( جان جعفر ومرته طامعين بورث محمد )اللي راح تصير لبنته بعد متبلغ ويصير عمرها18سنة
وهي١٠ دونمات وعمارتين وبيت جبير ابغداد400 متر

كالت سعاد بس انت عندك زلم
اكبرهم سعد عمره ١٥
وانه اخاف على بنت اخوية وهي بنية بوسط الزلم
صاحت خلود ( مرت جعفر وهي مرة معروفة بسيطرتهة على جعفر وحجايتهة ماشية بلبيت والكل يخاف منهة وهي مرة قاسية وظالمة)
ولدي متربين وماعدهم هل الشغلات العوجة الي ابالج سعادة
للكاتبة ذكرى المندلاوي
سعاد اندارت على اخوته وكالت
اريد واحد يضمنلي تبقى اللبنيه محافظين عليه اليمه تكبر وتاخذ حقوقه هاي امانه بركبتنه

وهنا
صاح بوجه جعفر اني اظمنلج وعلمود اخوتي هم يتاكدون ويرتاح بالهم
اني اخذهة السعد ابني واعتبري مقري فاتحتهة الامل من اليوم والحد ما تكبر ويصير عمرها 18 سنة يعرس عليهة وساعتهة زواجهم يكون بحضوركم انشاء الله وجعفر من يكول كلمه تعرفوهة كدهة اشكلتوا؟؟
الكل رضا على حجاية جعفر الة سعاد كامت ادك وتلطم علة وجهة وتكول وينك اخوية امحمد بنتك المدللة امل صارت بيد خلود الظالمة
كام جعفر وضربه وطردهة من البيت وكللهة اذا دخلتي هذا البيت بعد اكسر رجلج
جعفر جان اكبر اخوته والكل يسمع كﻻمة وميخالفوا
وصارت امل بيد خلود الظالمة وهي طفلة
جانت متنام الليل كلة اتريد امهة وابوهة
لحد ميطلع النهار وهي جوة الفراش تبجي بخنكه وتخاف لعمهة ومرته يسمعون وتجي وتضربه وتنيمهة مثل كل ليلة
والصبح تتريك علة فضالات جهالهة والطفلة تلعب نفسهة ومتاكل ﻻن متعودة على الدﻻل واﻻكل النظيف والمرتب جانت البنيه نازكه معلمتهة امهة توكلهة بعد متسبحهة وتظفرلهة ظفايرهة الشكرة وتبوس خدودهة الوردية (بت دﻻل وعز)بس وين تصير ويه خلود هيج حجي ميصرفلهة
وكامت تمشيهة عل الكفخات والتكرص
وكبرت امل وصار عمرهة 7سنوات والكل يروح للمدرسة الة هي وفد يوم جتي عمتهة سعاد وكلبت البيت كﻻب علة جعفر ومرتة وهددتهم تروح للمحكمة وتاخذ الوصاية منهم اذا مسجلوهة بلمدرسة
واظطر عمهة يسجلهة وجانت هاي اول فرحة ﻻمل وهي تروح وتتعرف علة بنات بعمرهة وتخلص من مرت عمهة والبيت وشغل البيت والمسح والكنس
مرت اﻻيام والسنين وصار عمر امل 13سنه وصارت مﻻك بوسط غابة بيهةوحوش بشرية
خلود يوم علة يوم يزداد ظلمهة ﻻمل

وهي ماعدهة وسيله غير البجي واليوم عدهة امتحان صعب
وهي متخليهة تقرة اﻻمتحان البكلوريا علمود شغل البيت كمشت خلود الصونده وتركض ورة امل تريد تضربهة وهي ومتدري وين تروح وهنا اجه سعد
من برة وجتي وختلت وراه محد بلبيت يوكفلها ويصد خلود عنهة غيره التجأتله وعيونهة مليانه دموع تتوسل

دخيلك سعد خلصني من عمه خلود تريد تكتلني

سعد
بدينه اللعبان النفس اني تعبان وكضيان انتوا شنو مترحمون يومية مشكله
هو جببر اهله بعد ابوه بس جان ميخاف من امه بلعكس امه التخاف منه وحجايته الماشيه بلبيت ولد مثقف تعبان علة روحة بس ابن عرب وميحب العوجة ومعدل وغيور وعصبي اﻻهم من هذا جانو بنات هن الي كاتﻻت نفسهم عليه يوميه وحده تخابرهة وحدة احلة من اللوخ
سعد ولد طويل ضخم اسمراني معضل صاحب لحية وشوارب واي وحدة تشوفة تنعجب بي
اله امل اللي جانت بغير دنيه هي بهمهة شلون تخلص من هل العائلة الظالميهة وماخذين حقهة
صاح سعد
بعد ماجلبت ابقميصه تريد ينقذهة من الحية لتاكلهة(خلود)
مثل الحمامة المجروحة
يعني شلون كل ما اجي للبيت الكي هل الهوسه كدامي دعوفيهة للبنيه فكي ياخه منهة متشوفيهة راح تشكه للقميص وهو مهامه القميص الي هامه حركته بحركتهة
**********

مﻻحظه
للي يسال عن الجزء اﻻول هو هذا الجزء اﻻول وهي بدايه القصه والقصه امبينه للبطله من صغرهة الحد متكبر (القاصه ذكرى المندلاوي)
تصويييتتت