اكرهة وغصبوني عليه عنوان ل قصتين باللهجه العراقيه

السابع

مساء الخير
قصه لذكرى المندلاوي
اكرهة وغصبوني عليه
البارت السابع

بدت الغيرة بكلب امل هي مرة شناقصهة جمال ادب وفلوس
ليش يباوع علة غيري
طبعا تذكرت يوم عرسهة وسوت وشعملت بيه وهو شاب ممقصر اخﻻق وسامة وابن عشيرة ويكدر يزوج بدال الوحدة عشرة
وبنات الناس اشكال بيهة اللي تكلب عقلة وتخلي يحبهة ويتزوجهة اصﻻ هي وياه مثل ا ﻻخ واﻻخت بلبيت
من يوم الي تزوجت هو ينام بغرفة الخطار وهي بغرفته
اكيد يعرفلة كم وحده
وهنا كبت عدهة وكالت ا حاسبه من يجي اليوم للبيت

اجه الليل وامل تنتظر جيت سعد وصارت الساعة بلوحدة
وهنا نعست ومتحملت وهي منتضرته بغرفة الخطار
اجه سعد ولكاهة نايمة بماكنه وهز جتفهة علمود يكعدهة
وهي فزت وفركت عيونهة اللي متورمة وحمره من التفكير والسهر
سالهة
شو  كاعدة اني مو كلتلج لتنتظريني
روحي نامي بغرفتج ليكعد احد من اهلي  ويشوفج
امل
هااا
كامت تمتمت متعرف شدكول
واشر باصبعة
باعي اذا هم سالفة الورث  هم راح اكولج مالي دخل بفلوسج
انتي حرة شدسوين بيهن سوي
وهنا طفرت بحجاية وامل من تطفر بلحجي بسرعة بدون متفكر
شون نتائجهة
لعد خوش راح اخلي خالد هو اللي يتابعلي هذا الموضوع بكيفك بعد مو ادكولل ان٠٠٠
بعدهة ممكملة اجاهة الراجدي متعرف شلون غفل
كمشت خدهة االي صار احمر
صاح بعلو صوته انعل اوراقج يابو ورثج كله
باجر  احرك شكو اوراق عندج يخص الورث واروح لخالد وارمي بطلقةو براسة علمود اخلص  وتخلصيني
وهنا رادت تصرخ بس مكدرت ليكعد البيت كله وهم تصير هوسة
وبصوت اشبه للهمس
زين لعد ليش انت تروح وية زينب بنت الجيران وتخلي بنات
عمك يضحكون ويستهزئون بي
عيونه صارن دم كمشهة من ايدهة وهزهه
ولج انتي تردين اتسوين وحده بوحدة
وجاهة راجدي ﻻخ
اتقرب من يم اذنه وهمس
انتي هم حاسبة روحج مرة(بس امل صدك مرة محد يكدر ينكر
لكن هو محترك كلبة ويريد يحرك كلبهة عنادا)
امل رادت تحرك كلبه
طبعا محاسبة روحي مرة ﻻن ماعندي ***
وبعدهة ممكمله
كمشهة من شعرهة وركعهة بلحايط وهي كاتمة صرختهة وهنا طلع خبالاتهة
كامت عل حيلهة وراحت لغرفتهة تركض
جابت شكو قمصان ومﻻبس تخصه وذبتهن بغرفة الخطار وطشرتهن بلكاع كدان عينه

هاك انته مازالك نايم بلخطار استلم مﻻبسك
وانت رجال نام بغرفتك وركضت للغرفة وسدت الباب عليهة
وهو يدك بلباب ويصيح الة اكسر الليلة الباب على راسج
واعلمج منو الرجال
هذا التعرفة بس اتمد ايدك علية ليش الرجولة بلكتل
ومعرف شي يجاوبهة ورجع لغرفة الخطار اللي صارت
حالتهة حالة وكعد وايده علة خدة وهو يكول
امبين هوايه راح اربيهة هي راح تربيني

ذكرى المندلاوي