اكرهة وغصبوني عليه عنوان ل قصتين باللهجه العراقيه

العاشر

مساء الخير
اكرهة وغصبوني عليه
قصه لذكرى المندلاوي
ردت امل
اني ما اريد اطلع
لعد شتردين
لتروح ولتسافر وخلي واحد ابدالك يروح للايفاد.

اي مو اني بكيفج امشي

الله عليك لتروح
انطيني سبب لرفضج
هيج ما اريدك تروح وبس(امل تستحي تباوع بوجه ابن عمهة
وتكلة مااتحمل فراكك )
وهو
مجان حاس بشعوره هذا وكبريائه رافض
مرد عليهة وسد الموضوع وكللهة روحي جيبيلي
استكان جاي راسي بدة يوجعني

راحت تنفذ طلب للاستاذ وهي بلمطبخ سمعت خلود مرت عمهة ادكول لوحدة بلتليفون
اي خوش العرس بعد يومين
ﻻﻻ سعد كال اوديهة لبيت عمته سعاد

وهنا شاطت امل شعور بس هيه تحسه
شنو راح يزوج عليه بعد يومين
؟؟، وهذا عرسه مو ايفاد ويردوني
اطلع من البيت علمود يجيب مرته الجديدة
وراحت تركض على خلود
وهيه تصرخ وتهدد
شوفي كل الي سويتي بي واني صغيرة ولحد هسة من ظلم
واذية محيتهن من ذاكرتي وكلت كافي
ﻻن اني بنت اصول ومترباية
لكن اتزوجين ابنج سعد والي هو رجلي لغير وحدة ﻻ والله ﻻسويهة سواية بهل البيت واعلمج منية امل

لكن خلود مرادت اتبرر الموقف بلعكس شعلتهة نار اكثر
ياياااا اشبيج انتي جااا
هو بعده شاب وشرع اللة محلل اربعة
متحملت امل وراحت لسعد للغرفة وكسرت شكو تحفيات
واثاث كدامهة وملخت شعرهة وكامت ادك وتلطم
سعد خطية تفاجأ بهل الموقف(انصدم مجان متوقع من امل
الهادئة الرزنة والناسكة تطلع منهة هيج طلعة وراد يعرف شصار وخﻻهة توصل لهل المرحلة من الجنون خطيه
ميعرف النسوان من اتجن جنونه والمسأله توصل الى وجودضره تشاركهة بسعد
ظل سعد منتضرهة تخلص دك ولطم
تعبت وتخربطت
حاول يهديهة ويمسح وجهة بلماي
سعد(امل اكعدي احجيلي اصاير خلي افتهم شنو القصة)
لكن وين امل ظلت متخربطة بحظنة (ﻻزم عجبهة الوضع)
وهو يحاول يمسح وجهة ويلم شعرهة

فتحت عيونه
سعد
ولج شبيج هسه جنتي زينه وشحلاتج
امل
رفعت راسهة تباوع على سعد وتكولة

مكافي عذاب التعذبة الي مو اني انسانة من دم ولحم
رد سعد
واني شمسوي( ياعيني مسكين)
امل
كافييي بهمس
اني تعبتتتتت لهنا وبس اتريد تزوج علية اذا اتريد غيري اتركني اعيش حياتي وطلكني
و
هذا الحجي وهو حاضنهة وهي نايمة على ايدة
ومنو كلج اني راح اتزوج منين دتطلعين هاي السوالف
وكمزت من حضنة وهي تصيح رجعت لحالتهة الهستيرية وجن جنانهة
لتنكر ولتجذب اكثر اني مو طفلة علمود تلعب عليه
ورجع سعد ولزم ايدهة وكعدهة بحضنة ورجعة
وهمس باذنهة
اني لو اريد اتزوج جان سويتج زوجتي شرعا من اول ليلة مو صايرين مثل جاسم وجبار

فزت امل ودفعته وكامت من يمه

ولئن السالفه صارت بيهة زوجتي وشرعا كب وجه نار وخدودهة صارن حمر

يتبع