اكرهة وغصبوني عليه عنوان ل قصتين باللهجه العراقيه

الثالث عشر ج2

صاحت اوكف اني شنو ذنبي حبيتك
رجع اتقرب منهة وكال
انتي انتي تسألين عن ذنبج
اكولج صار تدللين

ذنبج دمرتي كلشي حلو بحياتي
ابوج كتل ابني الوحيد  وانتي اخذتي اوﻻدي
الي جنت امني روحي بيهم

وبسبج ماتت زوجتي وام بناني بحسرتهم

هذا كله ليش
؟؟؟ﻻن اني حبيتج مكدرت اسيطر علة عواطفي

انتي انسانة انانية ومتستحقين اتعيشين جيتي برجلج
لجهنم
ليلى
انت اتهددني
كمشهة من وجهة وعصرة عصر لحد ما دماهن
شوفي
اني لو مو اوﻻدي يوكفون اكبالي ﻻكتلج وادفنج اهنا
وشو يا كلب ابن كلب يطلعلي

ولزمه من ايدهة وهزهة هز وشمرهة بلكاع
كامت علة حيلهة
وعيونه تنزف دم و دموع
صرخت
اكتلني يالله اشمنتضر واتقربت منة حتة صارت مقابيله
اكتلني وخلصني من هل العذاب الداعيشة والي عشته
من يوم ااي شفتك
عذاب ؟؟؟ لتحاولين اتوهميني انتي تعذبتي
متحمل كذبهة
لزمه من شعرهة وهزهة بكل قوه وبعده قرب وجهة منه وهو يتفحص عيونهة ويدور على الحقيقه
بس لااء هاي تكذب اكيد لتصدك محمد هاي حيه جايه بلعله جديده لتخلي عيونه البريئه تخدعك
هه
همس قريب منهة
انتي اشفتي بعدج راح اخليج تتندمين ﻻنج فد يوم من الايام عرفتيني راح اصير كابوسج
شمرهه وكعت بلكاع وهيه تلطم وتبجي
رجع مهدد وهو يصرخ
باعي طلعة من البيت ماكو واذا اتصلتي باهلج راح اتكون
نهايتج ونهايتهم
وهذا وسام الحرمة اﻻ اشرب من دمة

عافهة وهي ادك علة وجهة وتبجي
بعد ساعات وليلى

ظاله
بغرفته لحد مصار ثاني يوم العصر
والبنات يخافون يتقربون منهه باوامر من ابوهم

حته اوﻻدهة وداهم لبيت اجدادهم ومخﻻهة تشوفهم حرمهة منهم
والعصر
انفتح الباب واجه وجايب وياه عشة من برة
دخل للغرفه
خله عشاهة علة الميز
وهي تراقبه بكل يأس منتضره القادم
رجعت تصفن عليه مثل قبل وكلبه يدك معقوله هو نفسه الي حبته والي بقه حبه سنين بكلبهة
صفنت بمحمد وعلى التغيير الطارئ عليه
وهو يفتح اكياس الاكل المسلفنه
تنهدت
اه ه محمد بهمس
صار اضخم واطول واحلى من قبل لو يتهيألي

عضﻻته مثل ممثلين السينما صاير هاي شلون ؟؟؟
هذا اﻻحضته من محمد ليلى ﻻن جان ﻻبس فانيلة بيضة
وبارزة عضﻻت جسمه طبعا ﻻن هو بلجيش يتمرن اكثر وقته
ولحيته مطوله متعرف ليش يمكن علمود مرته ايمان

بس ﻻيكات كلش عليه وﻻ كانه اب لست اوﻻد
واتمنت يعرف الحقيقة بس مكدرت مينطيهة هو مجال ولا ديصدك بكل كلمه منهة طبعا حقه

واتمنت تحضنة وتشم عطرة ويرجعون مثل قبل
واحد يبرهن للاخر مدى حبه

بس وين هو ماخذ عليه فكرة هو بوده لو هسة يذبحهة ويخلص.منهة
من عارهة
قصته وياهة والي سوتة بيه خلته علج بحلك اليسوه
والي ميسوه
والناس تعيرة كامت حتى لو مو كباله
محمد
تعاي اتعشي

ما اريد

تاكلين لو اخلي اﻻكل بحلكج بلكوة

ما ا اريد ما اشتهي يااخي عوفني واخذ الجايبة وروح
لكن هو كان جوابه

شال وحدة من الكبابيات وراحلهة وخﻻهة غصب بحلكه.
دفعته وذبت اﻻكل من حلكه

كمشهة من فستانهة الي جانت ﻻبسته وهزهة قوي لحد ما انصكت سنونه وهمس بأذنهة وهو متقصد يضوجه بهل الحركة
هي متحملته وهو قريب منهة  قرب اتذكرته بأيام ااسعاده الي عاشته وياه جان يهمسله وهي تذوب  بعطر انفاسة تخليهة تنسى هيه منو وبت من فقط هيه حبيبه محمد

محمد
اني مو علمودج اتمنى اكتلج هليوم قبل باجر

نزلت دموعهة تتوسل
  عوفني اترجاك الي كاعد تسوي غلط

انت بهاي تصرفاتك كاعد اتعذب روحك اكثر متعذبني

صفن بوجهة شويه ومتعرف سبب صفناته الي كثرت
جر حسره اووو
عافه بعدهة وطلع بعد ماركع الباب بقوه
*****
مرت ايام ومحمد يروح ويلزم خفارات وميجي للبيت
وخال اخو بلبيت امكانه يحرسهم ويشوف طلباتهم

وبعد مرور اسبوع
دخل محمد للبيت واستقبلوها بناتة وحدة تنزع حذائة
وحدة سترته والخ اتحمي واتصب ا ﻻكل(ابو البنات مدلل)

وراد يروح يسبح مابين هم يصبون اﻻكل مكللهم وهم ميدرون
طب للحمام
ونزع مﻻبسة وسحب ستارة البانيو

لكاهة تارسة البانيو وهي عايمه بي راسه كله
وهو
جن جنانه
وبسرعة راح وطلعة من الحمام  اخذت نفسهة بقوه
لكته على راسهة
حاولت تفتح عيونهة زين حته تشوفه حقيقه هو كدامه لو كذب
محمد
ليششش مخبله انتي اشكاعده تسوين بروحج

جرته عليهة وحضنته شهكت وبجت
وهيه ادكول
اني اسفه محمد على كول الي صارلك
صدكني مو ذنبي اني هم مثلك ضحيه
اخخ لو تعرف الي صارلي اني واولادي
ليلى مستحيل تخونك
ليلى ليليتك مستحيل اتصير الغيرك
كافي الي انسوي ابعض ومنحصل غير العذاب

اني بعد
ما اتحمل بعد الم فراكك كافي بعد اتعذبني
افهمني
يتبع