اكرهة وغصبوني عليه عنوان ل قصتين باللهجه العراقيه

الثاني

صاحت امة وهي تاشر على

امل كامشتلي الكتاب حجه
والبيت وسخ واني مرة وحدي وانتوا صرتوا زلم كبار تردون اكل زين ولبس نظيف وفراش مرتب ومحد يساعدني واني بعد كبرت مو مال شغل
هاي كلة وسعد عينة علة ايد امل وهي امجلبه ابقميصه بعد شويه وينشك عليه من قوه السحبه
رفع عيونه ويباوعلهة وهي تبجي وتريد الخﻻص

سعد
زين روحي ساعديهة و بعدهة صبيلي غده واوعدج من انام وارتاحلي شويه اكعد اقريج بنفسي بعد شتردين
امل بتوسل
بسسس وكت ماعندي بعد يومين امتحاناتي
سعد يريد يطمنهة
حتى ولو ماانام الليل راح اسهر وياج بس خلصيني موووو انشككك القميص
مرت الايام
وبالف دفرة خلصت اﻻمتحانات وجان سعد عد وعدة قراهة لحد مخلصت
وطلعت النتيجة ناجحة ودرجاتهة عالية امل ذكيه وتستوعب بسرعة
واليوم بلاعدادية وعيون الكل عليهة من تروح

وتجي من المدرسة
الى ان
فد يوم اجة حسين صاير عصبي من برة يصيح وسمع الكل ابو جعفر وسعد واخوته البقية وامة وهو يكول
احنة مو زلم اهنا حاسبينة شنو احنة خراعين خضرة صاح علية سعد
شبيك شو انتة صاير متعرف تحجي
حسين
متشوفهة الهاي
بت عمك واللي وكعت براسنة كوة تمشي بلشارع واحد وراهة ﻻحكهة للبيت
اهنا طلعت غيرة سعد متحمل وطلع

يركض حافي للشارع وهو بلباب اتصادم وي امل
وعيونه دم احمر
منوا هذا الوصلج ؟؟؟
انصدمت امل
منوا وباوعت وراهة ملكت احد
لزمهة سعد من ايدهة ودفعهة داخل البيت وامل تحلف وتصيح مااعرف احد وﻻ ادري منو هذا وتقسم بس محد يصدك بيهة
سعد بصياح
بعد من باجر خلي احد من الولد يوصلهة متروح وحدهة
بعد ماكو مدرسة خلي تكعد بلبيت صاح حسين
خنزر عليه سعد
دنك اخو بعد مكدر يحجي ﻻن سعد اكبر اخوته وحجي الجبير ماشي وهو الي اله حكم عليه اكثر منهم

زين اني راح اوصلهة بس من ترجع والصبح ياهو يوصلهة
محد جاوبه
سعد رد كال
مو مشكلة من اروح للكلية راح اوصلهة اني
وظل سعد
كل صبح يوصل امل لمدرستهة وعيون صديقاتهة
عليهة يتحسدوهة علة ابن عمهة
وفد يوم سالتهة وحدة هذا شيصير منج
ردت امل ابن عمي
لمى
صحيح اكو عﻻقة بيناتكم
ﻻ شنو هل الحجي هو مثل اخويه متربين سويه(امل متعرف اﻻتفاق اللي دار بين اﻻهل من توفوا ابوهة وامهة ومحد كايللهة) خوا سر الحين ماتكبر
لمى
خوش اطيج رقم تليفوني وانتي انطي ﻻبن عمج وخلي يخابرني
ردت امل بغضب
اشفتيني كالولج اني مرسال المحبين دروحييي بابا
لمى
فدوة اروحلج اني معجبة بيه هوايه وصارلي فترة اشوفة واريد اصارحه ومااكدر ومااعرفلة عنوان لحد مشفته وياج وانقهرت هوايه عبالي بينكم شي بس اليوم ريحتيني بكلامج
امل رفضت
لمى
ظلت تتوسل لحد ما خلته توافق
امل لعنت الساعه الي سمعت كلامه
لان ظلت متردده و تخاف متعرف شلون تنطي الرسالة
سعد يدري بلي صار بين اﻻهل وانو امل هي بحكم زوجته ﻻنو جان جبير بوكته من قروا الفاتحه هو مراضي ولكن خلة المسئله الوكته
جتي امل وبدلت مﻻبس المدرسه وراحت تحمي اﻻكل للولد ولعمه ﻻن راح يجون وهمة جوعانين
دخل سعد المطبخ
شنو اليوم غدانة
بامية وتمن
يلة صبيلي بسرعة اني جوعان وعندي شغلة وراح اروح واتاخر ليظل بالكم
وظلت امل واكفة علة راسة وهو ياكل تريد تنطي الرسالة وهي مترددة

شبيج شو تفترين داير مدايري اكو شي امي هم ضربتج لو تردين فلوس لو درس صعب بسرعة احجي اني اعرفج وحافظج ﻻزم اكو شي ابالج وتريدن تكولي
ها ماكو اي شي
متاكده
ﻻ موووو صديقتي اليوم شافتني وكالت وسكتتت امل وظلت صافنة
شوفي عيد ميﻻد صديقتج ماكو
ﻻﻻﻻﻻ مو عيد ميﻻد
وهنا عاف اﻻكل ودفر الماعون وهو يصيح بوجهة
احجي
وهنا طلعت امل رسالة وحطتهة بيده وهي تتنفس كوه وكانما جانت غركانه وهستوهة اتنفست
اتعجب سعد
وهو يلاحظ عيونه حافظهة حفظ
فتح الرسالة وقراها ومن خلص باعت امل بعيونه وهي تجدح نار
شنو هذا
رسالة
ادري رسالة ( سعد عبالة الرسالة من امل اله )
شنو هل الجراءة
ماادري المكتوب اني مقريتهة بس كالتلي وصليهة وما على
الرسول
وهنا قاطعهة سعد امين جبتيهة ؟؟؟،
من طالبة معجبة بيك وتريد اتشوفك وظلت تلح عليه والله مو صوجي (تفرك بأصابعه بقوه)
وهنا ضحك سعد بصوت عالي
امل
ركضت ولزمت حلكة ليسمعون اهل البيت ويكتلوهة
وظلت ايد امل علة حلكة وهو يضحك ويهز برجله ***

قصه لذكرى المندلاوي