اكرهة وغصبوني عليه عنوان ل قصتين باللهجه العراقيه

الثاني عشر ج2

مساء الخير
بعد مرور ٣ سنوات
تسريع للاحداث

محمد بلشغل ويتصلون بي
منوا
مكالوا سيدي
محمد
الو نعم
الو اهﻻ وسهﻻ سيدي اني الضابط وليد

اهﻻ وسهﻻ

يمي امراة عراقية تكول هي زوجتك بس جوازهة
مشتبهين بي لان الاسم مذكور هنا بلحاسبه من ضمن
المطلوبين
محمد
وهي وين هسة
اهنا يمنه بلمطار
وحدهة احد موجود وياهة
الضابط
اوﻻد اثنين ادكول هم اوﻻدك

محمد
شنووو
اي نعم واحنه هنا مصدكنه طبعا بس هيه اصرت
تقابلك
عرف محمد
انوا المراة هي زوجته ليلى الي سافرت قبل 3 سنوات
وضحكت عليه واخذت اوﻻده
اي نعم نعم
خليه يمك (يعني احجزهة يمك) الحد مااجي
وفعﻻ بقت محجوزة
لساعات بلمطار
وبعد مرور خمس ساعات جاهة محمد
وهو بكامل اناقته اوقاره صاح
وين المراة
هنا بغرفة الحجز واﻻوﻻد يمهة مقبلت تتركهم
وطب عليه شافه فعﻻ هي ليلى
ركضت عليه تحضنه بعده بيده بكل هدوء وهو عيونه دم
ليلى
احمد الله انو شفتك
هه
شعندج هنا مو وليتي ويه اهلج اشجابج لو مورطيج
بقضيه وجايه حته افكج منهة
ليلى انطته العذر بعد الي صار لازم يكون هذا استقباله الهة
كالت بتنهد
يكولون جوازاتنه مزوره اذا مزوره اشلون طلعت من امريكا وجيت لهنا ؟؟؟
وصارلي ساعات محجوزة اني واﻻوﻻد
التفت بسرعه على اطفاله الي جان ناسيهم بس شافهة شوفتهة نسته حته عشيرته صفن عليهم

سحب جكارته واخذ نفس قوي
ياعيني يخبلون واحد صدك نسخة منة
واﻻخ يشبه امه هواية مثل ما كالت المرحومة ايمان
زوجته

وهيه مستمره تحجي وياه وتشتكي الحاله

دك على الضابط
نعم سيدي
جيب الجوازات
وجابهن اخذهن وكلب بيهن

صحيح الجوازات مزورة ﻻن اانتي كاتبة اﻻوﻻد باسم شخص
اخر وهمه باسمي اني ابوهم محمد
لو هم نسيتي

واتذكر لما عرف طريقه هروبهم من العراق بجواز مزيف زورت جو ازاتهم وكتبتهم باسم وسام حتة
اطلعهم خارج العراق ﻻن ميصير سفر القاصرين اﻻ
بوجود الاب
ليلى بيأس وهيه تباوع بعيونه الي يحاول ينهزم منهة ولا تصد بعيونهة
رجعت سألت
هسة شلون يعني راح يحجزوني؟؟؟،

محمد بغضب وخبث
ﻻ راح يسجنوج
شهكت وهيه
مصدومه بكﻻمة باين عليه الا مبالاه

صفنت عليه لاااء
مو هو محمد الي تعرفة شخص اخر
عيون محمد جانت كلهة حنية ومشاعر حب وعطف بس هذا الكدامهة لااااء مو هو مستحيل
ليلى بيأس مستنجده بحل يرضي الطرفين
متعرف هيه زيدت الطين بله

زين والحل؟ اخابر ابوية يشوف معارفة بلكد يسون حل؟
محمد وهو مكور ايده يحاول يهدئ
الحل تردين حل ؟؟؟
ياابتت ٠٠٠٠٠ استغفرك ربي صار
راح انطيج حل وهذا كل الي عندي
كوليي عليه اترجاك
بخبث
ابو اﻻوﻻد الحقيقي الي هو اني اتنازل على قضية اختطاف اولادي
وطبعا
وهذا من سابع المستحيﻻت
ليلى دمعت عينه هو سد كل الابواب بوجهة

ترضاهة اوﻻدك ينامون بلمطار للصبح وبهل البرد
محمد
ﻻ طبعا همة راح يرحون ويايه منو كلج اعوفهم هنا

ليلى فكت عينه هلى وسعهن شافهة غمض عينه
بقوه وتنهد
همست خجلانه من الموقف الي ذبهة بي وطبعا تستاهل هيه الي جابته الروحه
بس الحقيقه محد يعرفهة

واني زوجتك ؟؟؟اني الي بعدني على ذمتك متزوجت (صحيح ﻻن
محمد مقبل يطلكهة)
وعفت اهلي ماعندي احد غيركم
محمد

مو محمد الي يسجن حرمه على ذمته ماعندي خست ونذاله ابوج الج خيار اما تجين كم يوم البيتي ويه بناتي الحد مااشوفلج بيت وتولين بي اولتدي مستحيل تشوفيهم همه ادزهم الاجدادهم
شكلتي ماعندي وقت عفت اللدوام وجيتج باوع بلساعه
وبسرعة جاوبتة
طبعا اني وية اوﻻدي وين ميرحون

وراح وكمل اﻻجراءات ورجعهة لبيته
ولمة
دخلت للبيت استقبلوهة البنات وهن يبجن

وحضنوا اخوتهم وباسوهم وهمه يبجون

بس الغريبة هو و ﻻ حضن واحد بيهم
معقوله كلبه متحجر الهل الدرجه حتة على اولاده الي مشايفهم ٣ سنين
عﻻوي ومحمد هم اوﻻد محمد
سمت واحد علي واحد محمد

بقت واكفة ابمكانهة تنتضر يكول شي
بس هو ابد وجه وجه حايط.
فرت البيت بعيونه اتذكرت زوجته سألته

لعد وينهة ايمان
مجاوبهة عافهة وطلع

وبعد ساعات رجع وبيدة جنط
جنطهة هي والاوﻻد
وراح لغرفته يبدل وويستريح من الشغل
جانت
فرصة تسأله اكيد هسه هده شويه
دخلتلة الغرفة وهي ادكول
البقية بحياتك عرفت هسة بايمان الله يرحمهة اكيد
فراكهة جان صعب عليك
رفع راسه وخنزر بيهة
كملت
اني طول ما اني هناك واتذكر لحضاتنة الحلوة
حبنه مشاعرنه البعض مستحيل انسه الي صار بينه وانتضرت شوكت اخلص الدراسة واجي بس متحملت عفت كلشي وراية
وجيتك
هو متحمل كلامهة كأنما خنجر وتطعن بيه هيه اجكاعده تسوي تستهزء لوو جايه بلمعوب لاخ

اتقرب منهة وباوع صفن بعيونهة يحاول يفهم هاي الجذابة ﻻن بعد ميصدك بيهة مستحيل تحاول تخدعه للمره الثانيه مستحيل
رد مستهزء

وهذا وسام مملة فراغج لو طلع مو رجال؟؟؟هاااا
كولي ليششش عفتي وجيتيني تركضين
اكيد طول هل الفتره محاول يلمسج اوو الله اعلم
اجنتي تلعبين وياااه خطيبج السابق الي عفتيني علموده وهسه جايه ليششش جايه مدكوليلي ؟؟؟
هااا لازم عرفتي اخيرا مو رجال وجيتي اليوم تركضين
حته اشبعين غريزتج الجنسية
متحملت
ضربته كف
وتريد اتجيب بﻻخ كمش ايدهة
لو مو اعرفج زين جان كلت هاي بت اشراف ومتحملت كلامي
صرخت بوجهة
اني اشرف من كول الي عرفتهن لتصور اني مااعرف اشجنت اتسوي بهل الفتره
محمد افندي انت مجنت راهب
كل اخبارك جانت توصلي
لدكولي وفيتلي انت متعرف شي حته تحجي صدك تتندم
ولي من يمي لا اكسرج جايه تحاسبيني
علي سويته
والله ثم والله حالفلج انتي واهلج
لا اخليكم تتندمون على كل يوم راح واولادي بعيدين
عني
حته المسكينه ايمان
راحت بحصرتهم
اتقرب منهة وعصر حنجهة بقوه
وشمرهة بلكاع
يتبع