عساها ببخت كل عگال بالديوان 😞😢😔

تمسكي بك رغم الألم💔

تمسكي بك رغم الألم
فرغم كل ما أعاني سأتمسك بك سأبقى بجانبك
ليست لأنك تحتاجني
بل لحاجتي لك وعدم قدرتي على تخطي ما أنا عليه بدونك ولكل منا فكره في ما حدث

بعد ما حدث في ذلك اليوم من مواجهتي مع حنين عدنا الى البيت جميعا

#هنادي
رجعت للبيت وكلني
قهر -ألم-خوف-إنكسار
ماجان گدامي طريق غير أحاجي أحمد
أحمد سندي عوني أخوي
بهذه اللحضات خفت
خفت من گلبي خفت خاف أحمد يعرف بحبي
بس بحياته أحمد طول ما نعرف بعض أبد ما عاملني بأهانه بالعكس على گد معاملته وخوفه علية كأخت اله ومحافظته علية صرت أحس بأحتقار لنفسي لان أحبه
أي نعم أحبه وأكره حبي اله لان هو يستحق مني كل خير مو حب بوقت وظرف خطأ
صرت أخاف من الصار أخاف من مشاعري من المواجهه من كل شي حواليه
بس عندي أحمد يهدئ كل خوف بية من رحت فدوه لطوله

المحادثة
#هنادي :- أحمد خلص أني بعد ما اگدر ليش هيج فدوه أحمد شسوي يالله خايفة والله خايفة لك أني اهئ اهئ أني الي عمري كله أخاف من الشباب تالي صديقتي هيج تسوي بية هاي لان ما سريتها لان نكرت عندي حبيب لان ما خنت أهلي وما ضعفت تحت أصرارها...

#احمد :- اشششششش
اش لج شنو هالحجي من شنو خايفة عيب عليج أخوج وياج وتخافين لج أني وياج أني أخوج لتخافين
هنادي أهدئي لا تكونين ضعيفة واذا أذتج بشي گليلي وخليج مثل ما أعرفج قويه ودموعج محد يشوفها
كافي كومي غسلي وتغدي وگعدي درسي ولتهتمين وباجر لتنطخين بيها
ماشي

#هنادي :- ماشي بس..
#احمد :- بس شنو گولي لا تخافين
#هنادي :- أخاف تفهمني غلط وتزعل علية والله ما عندي غيرك

#احمد :- هنادي يا خبله اكو واحد يزعل من أخته بعدين من شوكت أحنه بيناتنه تفهمني غلط وأفهمج صح وهل سوالف أحجي ولتخافين

#هنادي :- أحمد بداعة أمك بداعة أعز أنسان بحياتك أنت راويت المحادثة فد يوم لأحد واثق باحد ومسولفله شي؟
او أحد ماخذ موبايلك يجوز فاتح المحادثات
وعنده صله بحنين
فدوه لا تتأذه مو قصدي قلة ثقه بس حتى نعرف شمدريها

#احمد :- لو ما أعرفج جان گلت قلة ثقه بس أعرف خوفج والي تمرين بي
وأريد أذكرج بشغله أن اني كل محادثة ألنه أمسحها وأراويج هذه شغله

أما الشغلة الثانية
فأني ألي يلزم موبايلي يبتلي على عمره أولا ما أقبل
ثانيا بي رمز ثالثا خصوصي وأني ما أهده فأطمئني
أما شلون عرفت عادي وسهلة وبسيطة
أي أثنين يحبون بعض او حسب أعتقادها انتي تحبيني وأني أضحك عليج فبيناتهم محادثات وأتصالات وهذا الشي أكيد للصبح ويصير صور
فلا تاخذين على نفسج وأن تعرف وكذا لان أنتي ما دزيتي صور ولا بينه علاقة مثل تفكيرها
أهدئي وفكري عدل ولا تهتمين

#هنادي :- اگلك شغله
تدري أني ليش عندي ثقه بيك
أو أكثر شي خلاني لسه واثقه بيك شنو

#أحمد :- شنو ؟
#هنادي :- أن يوم ألي خابرتك بالليل وكان أتصالي صوت وكنت منهارة وأبجي وأحجي بالي أشوفه من علي
أنت ما أستغليتني بالعكس هدئتني وخليتني اگوم واصلي واقره قران
كنت كلش زين تگدر تستغلني وتتونس وياي وأنت أكيد فاهمني وتعرف وضعي بذيج الفترة
أحمد أنت حافظت علية حتى من نفسي أنت أعتبرتني صدك أختك كنت تخاف علية ومتسمح لدموعي تنزل
كنت تسمعني وكلك ثقه بية وأي خطأ يصدر مني كنت توجهني مو تستغلني
أحمد أني لو كنت طايحه بيد شخص ثاني مكنت موجودة هسه