عساها ببخت كل عگال بالديوان 😞😢😔

تتزوجني؟👫

#هنادي:-
ظليت ساعه يم أحمد سولفلي بيها عن حبيبته
وبحكم معرفتي بي أعرف ظام عليه كومه حجي بسبب تقديره وخوفه عليه بسبب مشاعري
بس أني ما أكدر أتركه هيج فگلتله

#هنادي:-
أحمد يعني لشوكت تبقى هيج وضعك كله مو عاجبني شنو هالضعف شنو هالتعب بعدين أنت مريض وتارك علاجك ميصير هيج
أحمد فدوه أكل ارجع اسمن
أترك التدخين اذا تعزني

أحمد أنت دا تموت على البطئ واني ما أتحمل أشوفك هيج أموت وراك والله فكر بيه

#أحمد:- أووووووووف ولج هنوده

#هنادي:- سلامتك من الأوف
أحجي فضفض بس لا تبقى هيج
وين أحمد القوي وين أحمد وضحكته
وين الي وكف وياي وحاماني
ليش باقي بلا روح وين روحك الحلوه

#أحمد:- هنادي اني اكو شي ما أگدر أگوله الج بالذات
أخاف على مشاعرج لان أعرف انتي شتحسين

#هنادي:- (دنكت للگاع وگلتله أحجي ردت يطلع أي شي بداخله عسى يرتاح)
أحمد أحجي لا تخاف على مشاعري اني مبيه شي بس رايده راحتك

#أحمد:-هنادي أني روحي راحت من راحت ذيج البنيه ما أريد أجرحج بس أني أنتهيت

#هنادي:- غلطان أحمد أنت لازم تعيش صار شهور على هالسالفه لازم تتزوج وتعيش وخلي الراح ذكرى حلوه
ذني البنات كدامك أشر على أي وحده تعجبك واني اروح أحاجيلكياها

#أحمد:-الله كريم
أ ني ما أفكر بهل أشياء بعد
تعرفين أني مريض منو تقبل بواحد سكط اني أدمرت لا روح لا كلب لا ظهر
لج أ ني طفل ما أكدر أشيل ظهري أنكسر هنادي
أي وحده تريد رجال يساندها ويسعدها ويحمل كل ثكل عنها ويحققلها حلمها وتكون أم
(أحمد صار عنده تلف وانزلاق بالفقرات الخمسه الأخيرة من ظهره تهشمن )

#هنادي:- الله كريم الله موجود خلي عينك بعينه وأبدأ من جديد الله يشفيك ويرزقك ويشفي كل جرح بيك بس أنت لتيأس

أحمد:- ان شاء الله
امشي هسه خل نروح راح الوقت

#هنادي
ومرت أيام وليالي وأشهر على شوفتي لأحمد
وبعده مكسور ومتأذي وأني ما أگدر أعوفه هيج
وابوه يلح على زواجه
يريد ياخذله بنت عمه وبيت عمه يردوه
واني واكعه بنارين
أعرف ظرفه المادي والعاطفي والجسدي ووضعه وان ميريدها وأعرف ملحة أهله وأعرف ان هو بعده بجرحه ومناسي
راسلته بعد تفكير أسبوع بالسالفه

#هنادي:- أحمد رايدتك بشغله

#أحمد:- كولي هنوده

#هنادي:- احم تره هي شغله كلش صعبه عليه ولا تفكر سهله بس أني ما أ گدر أظل هيج أشوفك تتعذب وأسكت
راح اگولها وصدكني لا مفكرة لا بذل ولا بكرامه ولا بأي شي
افكر أن بس شي يريحك ويسعدك أسوي

#أحمد:- هنادي شكم مره أكول بلا مقدمات ؟!
سولفي يا عيني وأني أكيد افهمج

#هنادي:- أحمد تتزوجني ؟
أحمد اني تخرجت وبعد ما عندي حجه أرفض وكل يوم صايرتلي سالفة وي أهلي علمود موضوع الزواج وأني ما أريد أتزوج
وانت هم متريد تزوج بالوقت الحالي وأهلك هم دا يلحون عليك
شوف
زواج على ورق وما أريد لا ذهب لا بيت
بس گدام اهلنه احنه متزوجين ونبقى أخوه وشوكت ما عجبتك اي وحده اني أزوجلكياها
واني طلبي بس أخلص دراسه وتساعدني أصير كاتبه
كل شي ما أريد من هالدنيا غير هالشي
ونشتغل أثنينه ونتساعد
شتگول ؟

#أحمد:- 👏👎
براااافو

#هنادي:- أحمد فدوه شبيك؟
شنو يعني ليش هيج اجاوبني ؟
أنت تعرف سعادتك وراحتك أهم عندي من حياتي

#أحمد:- هنادي لج طلبج على راسي وكل يوم تكبرين بعيني بسبب صراحتج بس مو معناها اني هيج اتصرف وياج
اني مو حقير أسوي هيج
مو ما أحس بيج أني مستحيل بيوم أحرمج من شي تردين أحرمج حياتج وسعادتج !!
بعدين شنو أني مو رجال حتى ما تردين؟ ونتساعد وكذا لج شنو هالكلام!!
وحق الله لو جانت غير وحده كايله هالكلام جان صارلي تصرف ثاني
بس لاني اعرفج راح أسكت
وأني أتشرف بيج وأنتي عزيزه عليه بس مو معناها اقبلها عليج اقبل بأذيتج مستحيل هنادي
اني ما يهون عليه بيج هاي مو طريقة حتى تساعديني

#هنادي:- لعد شلون؟
واهلك مو يردوك تتزوج و أمك وحدها ومريضه وتريد وحده تعينها
أني مستعده أكون هيج أساعدها وأخلصك من كلامهم لحد ما تستعد وتريد تزوج
اني ازوجك بنفسي

#أحمد:- هنادي كافي شنو أني لهل درجه ظالم برايج؟!
وتردين احرمج من أبسط شي
ما اگدر هنادي مستحيل أئذيج وسدي هالموضوع وانسي

#هنادي:- تمام... وأني أسفه

#أحمد:- لا تتأسفين وشكرا على تفكيرج بيه حيل متعبج

#هنادي:- لا تگول هيج يكفي أگلك كلمه بس لا تاخذ على خاطرك
أنت روحي والانسان ما يتعب شما سوه لروحه

بعد مرور فتره
#هنادي
أجوني خطابه وسولفت لأحمد. وكان يشجعني أن أشوفه لان بالعادة اني ارفض قبل ما أعرف اي شي عن الولد
واقتنعت بكلامه بس من بلشت تصير صدگ فركشتها متحملت گلبي بعده يم أحمد ما اگدر اكون لغيره وهو بكلبي

#أحمد:- هنادي من الاخير ليش رفضتي؟
جذبج على أهلج عوفيني منه مال معجبج بالصورة لو جبير لو اي سبب گايلته
سولفيلي البكلبج

#هنادي:- من الأخير أحمد ما اگدر حاربت نفسي حتى أوافق وافرحك لان أعرف شايل هم بسببي بس ما اگدر
ما اگدر اتقبل احد وانت بكلبي أحمد كون يجيني انسان يگدر يكون بگلبي وبالي بمكانك حتى اگدر

#أحمد:- ااااخ هنادي انت لو تبطلين سالفه تقارنين بيه ترتاحين وتقتنعين بس شحجي وياج
الله كريم

#هنادي:- اني أسفه بس مو بيدي
گلبي مو بيدي لو بيدي جان ريحتك من زمان

#أحمد:- لا تگولين هيج اني ما أحرمج من أبسط شي وهو مشاعرج
بس صدگيني أني ما أستحق هالشي

#هنادي:- اششش انت تستحق أكثر
رجاءا خلص سد الموضوع ما أريد تلوم نفسك وتتاذه بسببي

#أحمد:- هذا هو براحتج

❤❤الحب❤❤
هو أن تضحي بكل ما تملك من أجل من تحب ❤
حتى لو لم تكن تملك سوى روحك😊
فاهدها له 😉
~هنادي~

~ان كان حبي لك ذنباً فـ دعُني احبك ليلاً وﺎستغفر نهاراً❤️.

~‏وانك مصيبتي .
‏وبلائي .
‏ومعركتي .
‏وعِراكي .
‏وتعبي.
‏و مُتعبي.
‏وجهنمي .
‏وغضبي.
‏وتناقضي .
‏وإختلافي الفضيع .
‏وحبيبي..حبيبي دائماً.♥️

~كون يمـك
مااريـد هـواي منك

#بـس_اشمنك_وامـوت

الكاتبة.. هنادي
.............................................................
اني أسفه على التأخير
تفاعل وتصويييييت*****
حتى انشرلكم البارت الجاي😍😍
البارت الجاي طويل
ويمكن يكون الخاتمه 😉😊