عساها ببخت كل عگال بالديوان 😞😢😔

بداية النهاية😭

#هنادي
وجان نوصل للمرحله الرابعه
مرحلة النهاية مرحلة الفراق مرحلة الذكريات
مرحلة أحزاني وكل ألم بية
المرحلة الي خلاص معندي بعد شي أخسره وقررت أترك الكل المرحله الرابعة
تعالو نشوف شنو صار ؟😲

بهذه المرحله خسرت بنين خسرتها للتالي والسبب علاقتها بعلي صرت ما اشوفها كله وي علي طول الوقت😞

#هنادي:- بنين خل نطك صورة
#بنين:- ها اي هسه أجي
#علي:- روحي طگي أنتي والبنات بنين ماراح تجي

بعد مرور فتره
(بحث التخرج مشترك بين هنادي وبنين )

#هنادي:- بنين محتاجتج على الحاسبه اكو شغله مدا افهمها تعالي نروح للنت حتى نتناقش،بيها تره ما عدنا وقت
#بنين:- يالله امشي نروح

بالطريق
#علي:- ها بنين وين رايحه؟
#بنين:- رايحين للنت علمود البحث عدنا شغل
#علي:- لا لا ماكو هيج حجي
هنادي روحي أنتي كملي الشغل وشوفي أحد يساعدج أريد بنين

#هنادي:- بس بنين شلون هيج بعد ما ظل وقت
#بنين:- شسوي هسه الله كريم روحي وشوفي

#هنادي..
تعذبنه كلش بسالفة الحاسبه بنين ما عدها واني ما عندي ومضطرين نشتغل بالكلية وما عدنا وقت 😞

في يوم آخر
كنه نشتغل بالمختبر على بحث التخرج واجانه علي ومن شافنه نشتغل سوه باوعني وگال

#علي:- اهوووووو هم هنا
وراح لبنين وگللها خل تهويلنه
اني غلست وسويت نفسي ما أسمع وملتهيه بالبحث

تعذبنه هواي بالبحث بحيث داومنه بكل العطله لان هواي فرص بالدوام ضيعناها بسبب علي

وبيوم اني ومها وحنين كنه نريد نطك صوره كلنه سوه گتلهم خل نصيح لبنين
ومن رحنالها
علي مخلاها تجي ويانه
وصوره ثانيه جانت كل الكروب علي هم مخلاها تجي ويانه
ومنا بلش ابتعاد بنين عني وما أعرف السبب
صارحتها وحاجيتها بالتليفون أن ليش مبتعده وما توصلت لنتيجه

*صور التخرج
هه ما عندي صورة وي بنين ما عندي صوره وي اختي وروحي بس الصور الجماعية وما خلاها توكف يمي💔
وكل هذا اگول ميخالف أهم شي سعادتها وعادي الي تتزوج وتنخطب وتحب تنشغل بس مو معناها تلغي أنسان من حياتها إنسان مقامه بمقام الأخو وهي لغتني من حياتها
وتعرفون شنو الي أذاني ان علاقتها بحنين صارت كلش قوية تغير لبسها وتغير شكلها صارت تجي للكليه كانه جايه للحفل وصار الكلام عليها أشكال الوان والكل يكول كبلت من تالي
كنت أسمع وانسال واگول انخطبت خطبها من امها وهو ماكو هيج شي
كعداتهم صارت مو طبيعية كلش قراب من بعض بمكان ختله جوه الشجر والايد على المتن وواحد يضرب الثاني
واني خايفه عليها

•اما مها الانسان الي حبته من الطفوله اجه وحاجاه وحاجاني كالي

#حبيب مها:- هنادي اني أدري بمها تحبني حنين گلتلي وأني ما أريد اخسرها بنت منطقتي وأعرف اخلاقها وأنتي صديقتها بس اني ما عندي امكانية زواج وما أدري لشوكت
اذا اجاها نصيب زين اني ما اوكف بطريقها رايدها بس مو بيدي لشوكت اخليها نتنظر عفيه حاجيها ما أريد اجرحها