عساها ببخت كل عگال بالديوان 😞😢😔

أعترافي له بحبي💕

مرت الأيام ورجعنا أني وأحمد كل فتره نتراسل وأسولفله مشاكلي ويهديني ويخفف عني ويعلمني أشياء أجهلها

بس بيوم صار الشي ألي ما حاسبه حسابه
كنت تعبانه كلش أكثر من أي وقت مضه علية كنت بحاله يرثى لها بسبب مواقف ذكريات طفوله
وبسبب مشاعري ألي دا تكتلني
أحتاجيت شخص أفضفضله أحتاجيت أحد ما أخاف من أحجيله ولا أستحي بس ما عندي
فكلت أتسله شويه وي أحمد نلعب ونشاقه بلكت أرتاح بس كنت غلطانه كلش
هو يعرفني حتى من أكون أراسله يعرف اذا ضايجه..مرتاحه..فرحانه..حزينه يعرف كل شي داخلي
بعد ما تراسلنه سألني شبيج حاولت أخدعه إن ما بية شي بس ظل بشك
فحتى أخلي يصدك خابرته حتى يسمع صوتي ويطمن
بس ما راعيت نفسي وما فكرت شيصير بية لو أسمع صوته كنت مفكرة أني قويه بس صار العكس
بعد ما صار الإتصال وسمعت صوته

#احمد:- هلا هنادي حياج الله
شبيج خيتي شجاريلج ؟

#هنادي:- هلا أحمد الحمد لله اني بخير أنت شلونك؟
#احمد:- الحمد لله زين بس صوتج مو عاجبني كلج مو عاجبتني من شوكت تضمين عليه گولي شبيج؟

#هنادي:- هههه(ضحكه بخوف بدمعه تنزل ومتسيطر عليها) ما بية شي سلامتك

#أحمد:- لج أني ما اعرفج من شوكت تظمين علية
اذا متردين تسولفين گولي عادي بس لتجذبين وتكولين ما بيه شي

#هنادي............
#أحمد:- الو هنوده جاوبيني أعرف دا أسمعيني وينج صار بيج شي؟

#هنادي:- اهئ اهئ اهئ اهئ

#أحمد:- هاي شنو هنادي دا تبجين لج خوفتيني شصاير؟
#هنادي:- أحمد فدوه روح روح ما أريد احجي أني تعبانه واذا بقيت يمي راح احجي كلام أندم عليه وأخسر كرامتي وأخسر كل شي فدوه أتركني روح

#احمد:- هنادي احجي خبلتيني
على شنو تندمين ومن شوكت بيني وبينج كرامه لج احجي

#هنادي:- أحمد اذا احجي ما أريد أشوفك بعد ما اگدر اشيل عيني بعينك
ما أريد احجي وياك بعد وتسامحني فدوه

#احمد:- شليتيني لج احجي شبيج مو راح تخبليني شصاير
#هنادي:- أني گتلك روح وانت الي مقبلت
لك شسوي أني وحده ضعيفة بلا كرامه أني وحده حقيرة اني.....

#أحمد:- اششش لتغلطين على نفسج اش ما أريد بيوم أسمع هل كلام
أنتي أشرف بنيه أشوفها أنتي ماكو مثلج ومثل أخلاقج وطيبة گلبج اششش شبيج ولج

#هنادي بصراخ :- لالالا أني أصلا مو خوش
اهئ اهئ أني ما أعرف شسوي أتمنى اموت أريد أموت دخيلك ساعدني فدوه

#احمد:- هنادي..هنوده خيتي فدوه احجي گولي شبيج ولج احجي وفهميني

#هنادي بهدوء:- ما أريد اگول أندم واخسر كرامتي واحتقر نفسي

#أحمد:- ما عاش الي يذلج وأني موجود كرامتج دوم محفوظه وتبقى محفوظه
احجي اني اسمعج

#هنادي:- بصوت باكي ومنكسر
أحبك أني أحبك
وأكره نفسي أكره كل شي بية عرفت شبية
لك أحبك ومن زمان ومن قبل ما تعرفني
أحمد خلص أني تعبانه روح وأبريلي الذمة سامحني ما گدرت أظم عليك وبنفس الوقت حبيتك وأنت گلبك يملك بنيه أسفة مو بنيتي شي بس أني ما اگدر أسكت بعد أني جاي أموت
وهسه ما أعرف شراح يصير وشراح تگول عني بس قبل ما أروح أريد اگلك شغله
أحمد
#أحمد:- ها
#هنادي:- أحبك وأموت عليك أنت أول حب بحياتي ومراح يكون اكو بعده
أحبك سامحني وتأكد راح أختفي من حياتك