عساها ببخت كل عگال بالديوان 😞😢😔

النهايةThe end

وصلنا الى نهاية القصه

#اني هنادي.. صاحبة القصة

تخرجت من الجامعه وخرجت وياي حب كبير منها
تعلمت دروس ما راح أنساهه
أني هنا ما أملك غير الكتابه وگلبي الي مملوء بالحب لإنسان مشفت منه بحياتي
أنتظر مصيري وراحتي من ربي لأن أملي بالله كبير
أحمد
أحبه ولهل لحظه بس الحب هذا خلص توقف بعد ما اگدر أشوفه غير أن أخويه الي ولدته الدنيا اليه
حمودي
ربي يشافيك ويرزقك ويقويك
وربي يحفظك لكل شخص يحبك
واذا بيوم ضاگت الدنيا بيك باوع للسماء وتذكر اني وياك جواها بس گول هنادي أدعيلي
صدگني گلبي راح يحس بيك وأدعيلك 

النهايه...
أحمد خطب وما أعرف شوكت أسمع بزواجه الله يعيني على ذاك اليوم
الله يوفقه ويسعده ويريحه وينسي جروحه

رسائل مهمه الى كل قارئ 💕💕

1~الطفوله

الى كل أم او أب او أخ كبير او أخت كبيره
الى كل إنسان واعي وفاهم
لا تتركون أطفال يلعبون وحدهم من دون ما تعرفون شنو نوع اللعب
تره التربيه والعائله والعشيره والصيت مالهم علاقة بخلاص أبنك من الغلط
ممكن أبنك شايفك ويحب يجرب الي تسوي
ممكن داخل على مواقع بالنت تصنع عنده الفضول
الأطفال ما عدهم غريزه بس عدهم فضول
حافظو على أطفالكم من الغلط
لكل أم علمي بنتج ان أكو أماكن خاصه وميصير أحد يشوفها بس هي علميها تصارحج من أحد يحاول يشوف مفاتنها او يلمسهم لا تعلميها على الخوف منج

شغلتين راح تنتج اذا الطفل تعرض لتحرش جنسي

1- الخوف والاكتئاب والكره والخيال
وهذه حالتي كدامكم

2-حب الإستمرار يعني راح يبقى للكبر يتحرش بالأطفال

كلام قوي وممكن جرئ وميعجب بعض الناس
لكن هالكلام واقع بحياتي ومأثر عليه لحد الكبر
وما أتمنى أي طفل ينعاد بي الشفته

2~المراهقه

حصرا للنساء
رجاءا في سن المراهقة صادقي بنتج وفهميها ووعيها وخليها تكبر على أيدج لتستحين منها هذه قطعه من روحج
اذا تركتيها لا تلوميها من تشوفيها راحت للصديقه وخصوصا اذا كانت صديقة سوء
سن المراهقة يحتاج صديقة
كوني صديقة بنتج

3~دخول الجامعه

صادقي بنتج وعلميها الصراحه وياج
من يجيها شخص تحجيلج من تتعرض لأي موقف خليج سند الها
ومن تحب كوني بيت أسرارها
وانتو يا شباب
اذا شفتو بنيه واگعه بضيق أوگفلها ساندها كونلها أخو تره عندك منها بالبيت
واذا دخلت گلبك دك بابها لتخليها عرضه للجامعه بگعداتكم
من دون رابط أسري او شرعي

4~علي

هواي أكو مثل علي
أحب أوجهلكم كلمه من بنيه تگلك لا وأنت متمسك بيها روح لبيت أهلها لا تظل تحجي عليها لان رفضتك لا تشوه سمعتها
وخلي نظراتك الها نظرات أخ لأخته لا تفصلها تفصال

5~ أحمد

مثل أحمد موجودين بس القله القليل
كلمه أوجهلكم ديروا بالكم على نفسكم
أهل الشر إضعاف أضعافكم وما يردولكم الزين

6~ الصداقه

لكل شخص
الصداقة نوعين صداقه تهدك وصداقه تقويك
حاذر من إلي يهدوك وحافظ على إلي يقووك
وإذا دخل الحب بحياتكم فصلو عن أصدقائكم
لا تربطوهن مع بعض وتخسرون واحد منهم

7~ العشائر

لكل أم لكل أب من أنت بمجتمع عشائري
مهما يصير وياك لا تبيع بنتك على حساب موقف عشائري
تره محد ينكسر غير گلب بنتك
لا تظلمها
ونفسك أنت يا أبن العشائر من أبنك يحب لا توگف بطريقه حتى لو كانت من العشيره الفلانيه المضاده لعشيرتكم
أجمعهم تره الله محلل الحب ويمكن بجمعتهم ينحل نزاع عشائري

8 ~النصيب

حبو وأستمتعو بحبكم ولا تضيعون لحظه حلوه منه
لان بساعة من أي يوم راح يسرقكم النصيب
يمكن للحبيب ويمكن لا
لان مو كل من حب صار حبه نصيبه

9~ الماديات

الزواج عموده التفاهم مو الفلوس
عموده الحب مو الفلوس
عموده الوفه مو الفلوس
شوكت يا أهل تتوقفون عن بيع بناتكم
شوكت يا أهل متكسرون الشاب لان ما عنده
شوكت يا أهل الولد من تخطبون حبيبة أبنكم متستصغروها لأنها أقل منه ماديا
تره عمرها الماديات ماجابت السعاده

10~الصبر

الدنيا ليست سوى عباره عن سكة قطار تؤدي بنا الى حياة أبديه نحو النعيم الدائم بقرب الله عز وجل فقط أصبروا

الكاتبه💖💖 هنادي
💕💕 احبكم💕💕

.............................................................

تابعوا حسابي حتى تطلعلكم خواطري كل ما أنشر

وانتظروني بقصة جديدة
أيضا حقيقيه وواقعية بكل تفاصيلها

وأرجو المعذره على كل خطأ صادفكم بالقصه
ان كان إملائي او نحوي