مساء الورد .. قصتي الجديده #زوجتي_الريفيه اتمنى ان تنال اعجابكم… .
بدايه القصه…
أجبرت على الزواج بها ..
ولا أعرف كيف سيكون مصيري ومصيرها
لأنني أكرهها ولاأحبها…
ولم اخطط لمستقبلي معها…
بيئتي غير بيئتها .. وثقافتي غير ثقافتها
فلا يمكن ان يبنى عشقا من العدم 💔
البارت الاول… .
#زوجتي_الريفية
#بقلمي_شمس
مرحبا اسمي علي مدرس لغه انگليزيه تعينت بعد ماتخرجت مباشرة لان طلعت الاول ع دفعتي .. بس تعيينت بالارياف ..
هوايه گلولي اتعين معيد والعميد صديق الوالد .. بس اني رفضت لان مالي خلگ البنات وسوالفهن .. اني كنت طالب مخلصان منهن كل ساعه وحده لازگتلي #شمس
حالتنا الماديه زينه احنا اثنين ولد واثنين اخوات حيدر اكبر مني متزوج وعندي اخت بالجامعه اسمها رسل مخطوبه واختي الثانيه بالاعداديه اسمها رفل ..
امي ربة بيت .. بيتنا بالكراده ابويه عنده محلات مال ملابس يشتغل هو واخويه بيهن .. تعينت خارج بغداد بقريه .. فكان لازم اخذ سيارة والدي حتى اگدر اروح وارجع بيها .. #شمس
وكنت كل يوم اروح وارجع .. ويوم من الايام وبطريق الرجعه للبيت اجه قطيع مال اغنام گبالي فردت اتجاوزهم دورت السياره واذا بيه ادعم بنيه .. عبالي دعمت خروف نزلت اتباوع . ياربي هاي شسويت بالحظه مااحس الا الدنيا انگلبت القريه كلها اجت حتى اذا عندي نيه انهزم ماكو .. هذا الي يعيط عليه وهذا الي يگولي ماتشوف اعمه .. والاظبط من هذا اجه ابوها واخوها للبنيه لزموني ويجروني بيه مثل الخروف .. وكتفوني بالحبل حتى ماانهزم واني اريد احجي او ابرر ماكو ياالهي شنو هذي المصيبه الي وگعت بيهه شلون انهزم وشيخلصني منهم .. گلتلهم زين خلي نشوف البنيه خاف بيها شي ناخذهه للمستشفى اقتنعوا هدوني صعدت للسياره وخلو البنيه بالورى واجت امها وابوها واخوها هم راحو ..
اني اصلا ماانتبهت ع البنيه ولا شفتهه عبالي طفله .. وصلنا المركز صحي قريب ع القريه .. نزلناهه واخوها لازمني ويجر بيه .. #شمس
يمعود .. اديه وخر ملابسي شگگتها مو ..
اخوها .. ههههه قابل اني زعطوط تضحك عليه حتى تنزهم لا ماكو مااهدك لمن يطلع ابوي ونشوف شيكول .
علي .. اهووو. شلون بلوه هذا
گلت ماكو غير اتصل بأهلي يجون ..
اتصلت وخبرتهم وگلتلهم ع الي صار ..
لشويه اجه ابويه وعمامي واخويه .. الولد من شافهم اجو اشو گام يعيط .. #شمس
بويه بويه الحگ .. يردون ياخذوه مني ..
ابويه .. عمي منو ياخذه منك .. الزمه حيل لا يطير من ايدك .. احنه اجينا نشوف الوضعيه شنو واختك شلونهه ..
الولد .. شلونها غير ابنك كسر عظامها ووجهه كله دم ..
ابويه .. لك علي ويامن وگعتنا متگلي وشلون هيج تدعم بنيه متشوف انت ..
علي .. بويه والله ماادري عبالي خروف لان اجه قطيع مال خرفان ودرت للجهه الثانيه لا ادعمهم لو اسوي حادث اني ادري هاي منين طلعتلي ..
اشو هذا اخوها .. گام يعيط ولك لتگول خروف اسمها فرح .. وتدري ليش ابوي سماهه فرح لان من اجت للدنيا ابوي استلم ورث بيت وبستان .. ومن ذاك اليوم ابوي مفضلها علينا ويگول هاي عزيزتي شيخلصك منه اليوم .
ابويه .. ههههه هاك استلم وگعتنا وي هذا الخبل وابوه بعد شيخلصنا ..
#شمس
شويه وطلع ابوها اجه يهدد ويتوعد .. اذا صار شي على فرحه شيخلصك مني . الدكتور يگول رجليها مكسوره وخيطو راسها .. امشينا للمركز مااهدك اليوم وجايب عصابه وجاي لا اني خابرت القريه كلها جايه ..
عمي رافد الكبير .. لك ابو حيدر استلم طلع الابو اضرب من الولد😂
صدوگ شويه واجو اهله وناس من القريه .. وخبصوا المركز .. ويهددون تالي طلع الدكتور گال عندها كسر برجلها ورضوض بجسمها وجرح براسهه وخيطناه وان شاء الله ماكو شي ..
علي .. ارتاحيت حيل همزين ماماتت وابتليت بيها ..
ابويه گللهم .. #شمس عمي شترون اني حاظر مصاريف المستشفى وعلاجها الى ان تطيب اني حاظر ..
اشو ابوها وعمامهه .. هدوا علينا عبالكم تخلص هيج تحلمون .. هاي فرحه مو اي بنيه
علي .. ويعني شنو فرحه قابل حوريه
ابوها .. انت اخر واحد يحجي اذا مااخليك بالسجون واريد اشوف منو يطلعك ..
حيدر يضحك عليه .. گال ولك منين جبتلنا هاي المصيبه شلون نحلها ..
بقينا للعصر هم يجرون منا وعمامي يجرون منا بالحجي .. اخر شي گال ابوها اني اروح اشتكي والقانون ياخذ مجراه .. وصدوگ راح واشتكى عليه المركز قريب مااحس الا اجو اخذوني ..
ابويه من شاف الوضع جدي صار گام يقنع بيهم ويسايرهم ..
ابوها .. رفض وگال تردون ابنكم يطلع ونتازل عنه تجيب عمامك وتجون البيتي ونتفاوض .. #شمس
اوووف ياربي اني عندي دوام ونفسي عزيزه اذا مو بفراشي مااعرف انام .. وهسا اليوم حبقى هنا ..
للصبح اني منايم ..
تالي الصبح اجه ابويه وعمي طلعوني بكفاله ..
وگالوا لازم اليوم العصر نروح ونشوف حتى اذا يردون فصل ننطيهم ونخلص ..
علي .. اي يابه بس خلصني للصبح اني منايم ..
رجعنا للبيت . #شمس
تلگتني امي .. گلتلي محضرتلك الحمام .. دخلت سبحت وارتاحيت عبالك سنه مسابح ..
تالي نزلت اتريگ حتى انام .. ميت تعب تلگني رسل ورفل يتمضحكن .. ويگللي شلون صارت فرحه .. 😂
علي .. امشن منا لااطلع ضيم فرحه بيجن 👊 هو اني حتى شكلها ماشفته عبالي خروف اندعم ..
اهلي 😂😂😂😂 لگولهم سالفه يضحكون عليها .. شربت الجاي وصعدت الغرفتي ميت تعب .. #شمس
للعصر گعدتني امي .. ماما علي گوم يلا ابوك وعمامك منتضرين مو عساس ترحون البيت البنيه ..
علي .. اووووف يمه ميصير مااروح
امي .. يلا ياعيني لتخلي ابوك يعيط اگضوها اليوم وخلصوا .. احسن مما تصير طويله ومحاكم ..
علي .. هم صدوگ خلي اگوم خمس دقايق وانزل
بدلت واتأنقت وخليت جل الشعري وصففته عبالك رايح اخطب مو افصل .. 😂😂
#شمس
يتبع… غير محلل نشر القصه من دون اسمي😍
