كـــبريــائـــي يمنعـــني

الجزء الاول

المقدمه ـ احببتهو جدا ولكن هو جرحني في صميم قلبي
واتى دوري لكي ارد اعتباري حتى ولو كان على حساب قلبي..

اسمي سالي-
اني بنيه  حلوه  طويله بيضه عيوني عسليه كبار ضعيفه من عائله محترمه جدا عندي اخوه ثلاثه واني بس البنيه الوحيدة وامي عايشه والدي جان  قبل عسكري فخفنه يبقه بالعراق فسافر لااحد الدول  العربيه
وبهاي الفترة اخوتي يداومون كليه واخويه صغير واني جنت صف خامس اعدادي طبعا مستوايه  بالدراسه جيد جدا طبعا بعد مسافر والدي مرينا بظروف جدا صعبه مجنه نملك غير بيت  والبيت جان بااحد المناطق الي خطر نتواجد ييها فااجرنا بيت صغير بمنطقه جيدة وكعدنا بيه طبعا جدا تاذينه بهاي الفترة لان احنا متعلمين على نمط حياة مختلفه وفجاءه حياتنه نكلبت وظروفنه الماديه تعبت  يوم عدنا ويوم لا
ومرت هاي السنه والسنه الي بعدها بيوم امي تبيع من ذهبها بيوم تبيع من اثاث البيت يوم تاخذ من اهلها وطبعا والدي هم جان وضعه تعبان  واخوتي خطيه مجانو يلكون شغل وهما مامتعلمين على البهذله وبهاي السنه اني  جنت سادس وجانت صديقتي ميس  الي صارلها سنتين صديقتي وعلاقتنه
كلش قويه عبالك خوات تحبني واحبها ومر السادس وامتحنت ونجحت وطلعلي هندسه الحمدلله بس شلت هم شلون رح ادبرها بالمصاريف وهاي كليه يحتاج ملابس يحتاج صرف يحتاج خط شلون
دخت بهاي السالفه وظليت شلون مشلون المهم خابرت ميس كالتلي ولج سالي جايبتلج خبر رح اطيرين من الفرح ووممكن تموتين كتلها اي ولج دكولي كالت تذكرين من جنت اكلج اني وظيفتي مظمونه بس اخلص سادس وحتى يصير عندي راتب واصرف على الهدوم كتلها اي اذكر كالت والحمدلله هسه رح اتوظف وانتي هم ويايه كتله لاوالله صدك كالت بالله كالت ابن خالتي فهد مدير شركه كتلها اي وكالت البارحه شفته هو جان  من قبل يكلي بس اصير عندج شهادة مال سادس اوظفج يمي كتله اي كالت البارحه من شفته كلتله وكلي عليج هم اول شي مقبل بس بعدين لحيت وجان يقبل وكال يريد السيفي مالتنا وكالتلي على الشغلات الي لازم احضرها وفعلا اني ثاني يوم الصبح حضرت كل الشغلات الي كلتلي عليه ميس
وكلت ل امي مصدكت نفسها كالت بلكي الله
والله وره اسبوع خابرتني ميس كالتلي باجر تحضري نمرعليج اني وبابا دنروح نقابل بالشركه  كتلها اي
ميخالف مصدكت نفسي منمت من الفرحه لان صراحه هاي رح تخفف عن اهلي شويه وايضا رح اكدر ادخل للكليه ومااشيل هم المصاريف وطلع الضوه يله شويه غفيت وكعدت ساعه بالسبعه عالسريع غسلت ولبست تنورة طويله سودة وسترة مارونيه وجواها قميص ابيض ولبست حذاء فلات ماروني وجنطه مارونيه  اني محجبه ولبست حجاب ماروني وبي اسود طبعا ماعندي هدوم هوايه هي كم قطعه
المهم بثمانيه وشويه جان تجي ميس وابوها ودكولي هورن
وطلعتلهم وخليت وصعدت
وياهم والله وصلنه ودخلنا لفد شركه جبيرة وطول مدنصعد  اباوع على الموظفين شلون مرتبين وشلون لبسهم رسمي والالوان كلها لون اسود لو رصاصي لو نيلي لوبيجي
المهم وصلنه لمكتب  المديرفهد والسكرتيرة كلتله وجان دكول النا تفضلو ودخلنا بسرعه جتي عيني بعينه طويل وجسم رشيق وابيض  وشعرة جوزي مسحوب ليورة وعيونه سود واللحيه
ضايفتله فد هيبه  ولابس قاط اسود والقميص احمر وملابس رباط وهاي الدكم مال القميص نصهن مفتحات
ولابس  زنجيل ومبين مغرور
المهم ابو ميس سلم وميس واني هم كلت السلام عليكم وشويه وجان يكول اني شفت على السيفي مالتكم
واني قررت اوظفكم وكال طبعا الراتب خمسميه  وبعدين يبدي يزيد...يتبع                          
#الكاتبة #روجمان