المهم كال من الاحد تباشرون طبعا يحجي ويانه بس ميباوع علينه خشمه عالي بكوة يتحجه كله يصيحو دكتور
ماادري لويش
المهم رجعت للبيت وكتلها ل امي ومصدكت نفسها وكلش فرحت لان هم رح اساعد اهلي وهم اساعد نفسي حتى لو الراتب قليل بس يشيل شويه وفعلا بديت اباشر بالدوام واني حاليا عطله وكلت الله كريم على دوامي بس مبدئين عرفت انو اني رح اداوم مسائي وصارلي اسبوعين داداوم وبهل الاسبوعين تعرفت على صديقه بالدائرة وصارت ميس وصبا صديقتي صبا تشتغل مذخر مال ادويه من ساعه بالاربعه لحد الثمانيه وكالت ينطوني اربعميه بالشهر ليش متجين تشتغلين ويايه كتلها الله ويدج اشتغل علواه كالت لعد هسه اشوفلج المسئووله لان حسب مسمعت يريدون وحدة ويانه وثاني يوم رجعتلي خبر كالت اليوم بالاربعه تعاي
للمذخر كتلها وين ماوين طبعا صبا كاعدة بمنطقتنه بس ابعد علينا شويه بي المذخر مال ادويه هم بمنطقتنه
رحت العصر وشفت المديرة المسئووله عنهم واقتنعت بيه وكالتلي يله لعد ابدي من هسه وفعلا خلصت ساعه بالثمانيه ميته من التعب بس ردت ارجع ارتاح
وكتلها ل امي كتلها الحمدلله صار عندي راتبين على الاقل انطيكم راتب كامل اكدر بالشهر لمصاريف البيت والايجار
ومر اول شهر واستلمت اول راتب استلمت مليون وخمسه وعشرين طبعا ماعندي دوام بس كلت اضم للكليه خاف
كلشي يصير واحتاج شي واشتريلي فد قطعتين هدوم
لان كمت استحي ماعندي هدوم ورحت العصر اشتريت هدوم واليوم امي طايرة بالراتب خطيه سودة عليه وضعنه كلش تعبان هذا رح ينتشلنه لان التلفزيون مالنه عطل الثلاجه اذب مي فراش بي خير ماكو المهم ام المذخر من داومت ثاني يوم كلتلي تريدين تجين من الثنتين لحد الثمانيه وانطيج سبعميه كتلها اي ميخالف بحيث كمت اطلع من الدوام اروح للمذخر ارجع ارتاح شويه واساعد امي وانام لان صرت قتيله بعد مابيه حيل
ألمهم بدة الدوام وصراحه شفتها كلش صعبه
اداوم لان ماعندي واحنا هسه بالراتب مالي شويه بدينه نرتب امورنه وبدت شويه امي ترتاح لان خطيه جان التفكير والقلق كاتلها انو شلون ادبر عيشتنه المهم
قررت هالسنه مااداوم كلت خلي يصير عدنا فلوس وشويه وضعنه يستقر لان ابو الايجار زيد علينا الايجار وكهرباء
ومصاريف البيت واني اخذ مليون ومتين وخمسه وعشرين
واخوتي كليه وحتى بهاي الفترة شكد تقدمولي بس اني ماقبلت لان من رح ازوج رح يبقون اهلي بلى فلوس فقررت هالسنه اني اضحي لحد مااخوتي يتوظفون والله يفرجها علينا...يتبع
#الكاتبة #روجمان
أنت تقرأ
كـــبريــائـــي يمنعـــني
Roman d'amourكبريائنا يمنعنى من ان نضحي او نتنازل بااي شيء ولكن الى متى نستمر بخداع انفسنا
