طبعا متحملت اخذت اجازة ثلاثة ايام لان اني جان عندي اجازات يحقلي اخذ فااخذت وصادف عطله و اخذت اجازة ومداومت لحد الاحد
وبهاي الفترة تقدملي واحد خوش ولد وخريج كليه وشكله زين وبي مواصفات حلوة طبعا حجيت ويااامي وياميس وقررت انو بعد مااسئلها عن فهد ابد وبعد تفكير قررت انو
اقبل بهذا المتقدملي ورة كم يوم اجتي امه واخته شافوني وصار قبول وثااني اسبوع اجوي زلم وقرو الفاتحه وطلعت اشتريت ذهب ولبست حلقه وداومت وجان هذا اخر اسبوع الي بالشركه لان راح تخلص الست اشهر الي اتفقنا عليها
ولمن دخلت للمكتب مال المدير وانطيت الفايل ل فهد وشاف الحلقه بيدي حسيته اختنك باوعت عليه شفته عبالك طير مذبوح مكدر حتى يوقع الاوراق كلي عالخير كتله خير الي يصيبك كلي لا رح يصيبج الج ويصيب خطيبج كتله ان شاءالله مفتهمت شيقصد بس غلست
كلي تذكرين من كلتلج محد يزوجج غيري كلي هسه رح اشوفج شلون رح اوفي بكلامي كتله دكتور فهد اني بس هالجم يوم اداوم يمك وانت خطبت واني نخطبت وخلص ااحنا مابينا شي كلي لا بينا
بينا انو اني احبج وانو انتي هم تحبيني بس دتكابرين واضطريتيني اروح اخطب
كتله اسفه دكتور لهنا وخلص اني ماعندي شي وياك
وطلعت اني مااستغرب الا على نفسي ليش داعذبه بهالشكل اني مااحس نفسي عايشه الابوجودة مااحس نفسي اتنفس الا باانفاسه اني بدونه اموت شلون قبلت انخطب وظلمت محمد ويايه شلون رح ازوج واحد وكلبي وياغيرة شلون شرح اسوي اني داحس نفسي داموت بس
شلون بكبريائي معقوله اتخلى عن عزت نفسي وانسى علاقته بنورس وسوالفه لو هسه من راح خطب وبعد هذا الكلام كله وخلص دوامي وصارلي شهر مااعرف شي عن فهد وجنت كلش باردة ويه محمد ومافكرت اتقرب منه ولمن كال نعقد بالمحكمه ماقبلت كتله خلي انئجل الموضوع لبعد فترة
ومرة اجتني ميس وجايبتلي بيدها بطاقه مال دعوة مال عقد قران فهد كالتلي فهد دزها الج ويتمنى تجين هذا الكلام عن لسانه
كالتلي ميس انتي تعرفين مامضطرة تروحين كلت لا اروح
ليش لا وفعلا ماحبيت ابين انو اني ضايجه ومقهورة قررت اروح يوم الحفله ورحت وشفت هوايه من الموظفين مالتنا بالشركه لان حفله جانت مختلطه وشفت علي صديق فهد وسلم عليه ولو حسيت بنظراته علامة استفهام
يريد يعرف ليش مزوجنه اني وفهد بس ميكدر يسئل
وبعدين رحت داسلم على العروسه والعريس وجانت
العروسه حلوة وجتي عيني على فهد وجان يباوعلي بعصبيه كتله مبروك دكتور شايف كل الخير كلي اشكرج
بس من شفته هيج كاعد وجان مبين ضايج وعرفت انو حبي الى لازم ينتهي لهنا خلص ردت اروح لمكان وحدي حسيت وجه الناس تعاتبني حسيت بخنكه تمشيت رحت للحديقه الي برة سمعت انفاس
انداريت شفت فهد ظل ساكت واني هم ساكته
بعدين كلي اتصورت متجين اتصورت مراح ادكدرين اشوفيني واني دازوج وحدة غيرج من بعد ماجنت اريدج
وانتي ترفضيني وضحك كلي زين ليش واكفه وحدج اختنكتي ها جاوبي اني ساكته مسيطرة على دموعي خفت احجي وبعد دموعي متوكف كلي لويش ساكته
كلي ظلي ساكته سالي اني احبج واني هم مخنوك
وعافني ومشه وظليت احس الدنيا تاكلني وبعد حفلة فهد
بفترة عقدت بالمحكمه ومردت حتى اسوي حفله بس اصرو عليه وامي كالت شنو انتي ارمله مسوين حفله واني اريد افرح بيج قبلت وسويت حفله بس مجنت مثل اي عروسه فرحانه صحيح اني جنت حرة بااختياري ومامجبورة على شي بس جان كبريائي يمنعني من انو اتنازل
مااعرف ليش حبيت اعاند نفسي بس جنت دائما اكول اني اذا رح اخضع ل فهد راح يفقد احترامه الي ويمكن راح اصير شي اعتيادي بالنسبه اله بس مجنت مصورة ثمن الكبرياء غالي بهالشكل
وبعد فترة بدى دوامي بالكليه وقررت اداوم وسمعت انو فهد ازوج وطول هاي الفترة مكدرت اتقبل خطيبي محمد مع العلم هو انسان جيد بس مكدرت محبيته او بالاحرى محاولت او مااردت احاول لان متاكدة محاولاتي رح تبوء بالفشل وجنت امشي وقت بس ولكن مااعرف شنو الامل فهد ازوج وبعد خلص ورة اسبوع حجه ويايه محمد على الزواج وشوكت نزوج طبعا اني حاليا ماعندي شغل لان شركة الادويه راحو لمنطقه بعيدة والشركه من زمان تركتها فعندي بس دوام الكليه المهم محمد كلي لازم نزوج احنا طولنه واني اريد نزوج واسافر طبعا حتى مسئلته وين نسافر
المهم قررنا انو بعد اسبوعين الحنه والزواج ولكن قبل اسبوع من الحنه تلفون محمد نغلق وخابرنه على امه جانت تبجي ودكول اجوي قوات امنيه نص الليل اعتقلت محمد جرو وتعيط وتبجي وتصيح الولد راح وكمنه نتخابر وياامه يوميه كالو ماعرفنه عنه شي مندري وينه وبعد خمس تيام العصر اندكت الباب وطلع محمد امي سلمت عليه وكالتله الحمدلله على السلامه واني طلعت هم بس هو جان يحجي برود وكلي اريد احجي وياج كتله اي تفضل ودخل لغرفة الصاله اول مكعد كال اني ماافيدج الله يوفقج وتشوفين السعادة ويا غيري كتله شنو الموضوع شنو الي بدر مني صحيح اني مجنت مهتمه اذا عافني ولا لا بس ردت اعرف شنو السبب لويش اني ماسويت شي ل محمد كلي مابدر منج شي وانتي خوش بنيه والله يوفقج بس اني ماافيدج وكام وطلع ظليت افر براسي يعني معقوله قبل اسبوع اتفقنا نسوي الزواج وهو ديريد يسافر شنوالي تغير
كلت ل امي كالت والله بتي سالفه تعجب معقوله لان اعتقلو كتلها وشعليه بموضوع الزواج وهو كله مابقه يمهم اربع ايام
امي كالت اخابر امه خلي نشوف شنو السالفه كامت اتصلت باامه كالتله ام محمد شنو الموضوع ابنج هيج وهيج حجه كالت والله ياام مصطفى ماادري هسه سمعت منج عد امي كلتلها عالعموم سو الي يعجبكم وخلي ننهي باقي الامور
عد امي كالت الحمدلله ماعزمنه العالم ونفضحنه وكل هذا واني مامهتمه لان صراحه كلما جنت احس الزواج ديقرب اني جنت اخاف وجنت ناويه اني اتركه ل محمد لان ماردت ازوج انسان ماله ذنب واخدعه بحبي واني كلبي ويا غيرة ماردت ابني حياتي على كذبه وعلى مشاعر زائفه...يتبع #الكاتبه #روجمان
أنت تقرأ
كـــبريــائـــي يمنعـــني
Storie d'amoreكبريائنا يمنعنى من ان نضحي او نتنازل بااي شيء ولكن الى متى نستمر بخداع انفسنا
