كـــبريــائـــي يمنعـــني

الجزء السابع

طبعا عدت مرات اجه صديق الدكتور فهد علي ودورات يبقه ويطلع وحدة ودورات يطلع ويه دكتور فهد ومرة اجه ويه ولد  وكلما يجي يوكف ويسلم عليه

ورة اسبوع اجه كلي سالي اني اريد احجي وياج بموضوع كتله اي تفضل كلي اني شفتج كلش خوش بنيه وصراحه سئلت عنج وسئلت والكل مدحو بيج
كتله اي كلي اني اريد اخطبج ل اخويه طبعا هو مرة شافج مرة اجه ويايه اني اذكرت مرة جاب واحد وياه
كتله بس استاذ علي تعرف هذا مو المكان المناسب كلي اي صحيح كلي بس اني اريد اعرف رائيج
كتله والله يااستاذ علي  مادري شكلك كلي لدكولين شي فكري ويوم الاحد رديلي جواب كتله الله كريم
كلي واذا قبلتي ان شاءالله اهلي يجون
هزيت براسي لان انحرجت ماكدرت اكله ممفكرة بالزواج
سكتت المهم رحت سولفت ل امي كالتلي والله يابنتي يكيفج اني احس ظلمتج صرتي ضحيتنه سنتين راحت منج وسنتين اصرفين على البيت فمعليه هاي حياتج وانتي قرري واذا شفتي مناسب فبراحتج
كتلها لا اني ماافكر بالزواج كلتلي لويش بنتي كل بنيه مصيرها الزواج والاستقرار
عد سكتت امي كالتلي لاعبالج اني محاسه بيج ومااعرف شكو بكلبج بس مافكرت فد يوم اكلج اواحذرج لان اعرفج انتي متغلطين  وموعيب ياامي اذا صار عدنا مشاعر
بس العيب من نركض ورا ناس ميقدرون حبنا
ياماما انتي غاليه لتخلين احد يرخصج دائما خليج قويه لتضعفين الي يحبج يسوي المستحيل علمودج بس الي ميحبج عمرج لتفكرين تباعين عليه لوتهتميله والوقت كفيل باانو ينسيج وباجر عكبه من يصير عندج بيت واطفال يصيرون هما حبج وهما حياتج وراح ارجع واكلك اني وياج بااي قرار تتاخذي اني ربيتكم على انكم دائما تختارون الشي الصح لهذا السبب لاول مرة رح اكلج الي يريدة كلبج سوي بس بلا متغلطين واني متاكدة انج مرح تغلطين
من امي حجت هيجي حسيت نفسي اقوى وفرحت لان عندي هيج ام
اما بخصوص قراري كلت لا
وقررت من اشوف علي اكله اسفه ماكو قسمه
وخلص
وداومت  وجنت كاعدة على المكتب وشفت فهد اجه كلي تعاي
كمت دخلت للمكتب كتله نعم دكتور كلي مبروك كتله على شنو كلي على الخطوبه عد اني سكتت كلت خلي العب بااعصابه لان شفته ضايج كلتله الله يبارك بيك اشكرك يوم زواجك اشو هذا نكلب كلي يعني وافقتي كتله اسفه دكتور بي اصور هذا شي ميعنيك كلي لاوالله كتله اي والله
كلي شوفي اكلج من يجي علي راح ترفضين سمعتيني كتله لويش كلي لان اخو علي موخوش ولد وياذيج كتله وانت شنو دخلك بالموضوع
اجه عليه وجان يجرني من يدي كلي متزوجين كتله لويش كلي لان اني اريدج
حسيت كلبي رح يطك كلت معقوله  كلتله رجاءا دكتور اترك يدي عد جان بسرعه جر يدة كلي اني اريد اخطبج ماادري شلون طلعت كلمت لا من حلكي جان يندار عليه كلي ليش لازم عندج واحد اني من كلي هيج تخبلت كتله هذا الشي ميعنيك واني مااريد ازوج وبالذات انت
لوتموت ماازوجك وديريد يحجي وجان اخلي واطلع بسرعه
من الغرفه كعدت على مكتبي جسمي كله يرجف كلت اني شسويت بروحي  رحت بسرعه غسلت وشربت مي ورجعت للمكتب خفت لايطلع كلت بكلبي ساعه السودة على هالوظيفه الكشرة شلعب بيه لعب وتالي  شلون رح تكضي
وبس ردت اطلع من الدوام
صراحه تفاجئت بلي صار لان مجنت متوقعه فهد يريد يزوجني لان دائما جانت معاملته محلوة ويايه
المهم عاالاساس علي الي يريد يخطبني الاخوة ديجي بس مااجه اظاهر فهد كله شي يجوز كله اني اريدها
بس همزين مااجه لان مالي واهس اكعد ابرر اله
قبل مديخلص الدوام بشويه جان اشوف نورس اجتي دخلت يم المدير وشويه وشفته فهد طلع من الغرفه مال مكتب وحدة وسد الباب كلي لطلعين انتظريني اريد احجي وياج بموضوع اني مجاوبته ظليت ساكته عد طلعت نورس
وجان يصيحني ودخلتله كلي كعدي كعدت كلي اني قبل شويه انفعلت جدا وهسه رح احجي وياج بكل هدوء اسمعيني كتله اي كلي اول شي اني صارلي فترة معجب بيج شلون مشلون ماادري وجنت دائما احب اضوجج برغم اعجابي بيج وثاني شي اني اريد اخطبج
وخلص هذا كل الامر سكتت معرفت شجاوب كتله لويش اني كلي ماادري كتله اصور هذا الكلام والامور الي دصير بينه مو لائقه انت مديري واني موظفه يمك
فخلي علاقتنه اصير على كد الشغل وبس اني بنيه اخاف على سمعتي مااريد احد يجي يحجي عليه  لان اذا راح  تضطرني اعوف الشغل
صار عصبي كلي مجاوبتيني وين فريتي الموضوع اني معجب بيج واريد اخطبج شنو جوابج  سكتت كتله اسفه دكتور مااكدر اقبل انت موملائم الي واني ايضا مو ملائمه الك  كلي لويش كتله بدون لويش كلي اها
كلي اوكي براحتج اني احترم قرارج كتله اشكرك بس لمن طلعت من عندة حسيت بكلبي نار ومشتعله كل هاي الفترة واني معجبه بي وهو مدايرلي بال جنت اتمنى كلمه وبعدها كمت اشوفه لمن نورس تنتقدني هو يضحك ويحاول دائما يحرجني كبريائي منعني اكول اي واقبل ازوجك...يتبع                                                                                             #الكاتبه #روجمان