كـــبريــائـــي يمنعـــني

الجزء الثامن

ورة شويه رحت للبيت جانت نفسيتي كلش تعبانه وكلبي مكسور ومجيت شي وياامي ولاكدرت اكل وحتى مكدرت اروح لشركة الادويه لان مااريد اشوف احد
بس خابرت ميس وكتلها تعالي ضروري والله البنيه هم جتي
ورة شويه كلتلي شكو سولفتلها كالتلي ولج ليش كلتي لا
كتله لان هو بالبدايه جان يحتقرني احسه وجان يحاول دائما ينتقص مني ولان هو مغرور يستاهل احد يكله لا
بس ياميس اني كلبي مجروح اني احبه من يدخل للمكتب مالتي يفرفح انتظرة يجي حتى اشتم عطرى من يفوت اني
احبه كلش حتى واهسي بالدراسه راح من يوم الي شفته
اني لوادري هيج يصير من اتوظف بالشركه جان رحت جديت بالشوارع ولاتوظفت يمه اني شسوي كوليلي ودموعي تجري بحيث شفت ميس عيونها غوركت عليه
وكلش انقهرت حضنتي كلتلي انتي موكتيله لا بعد خلص وبعد لداوومين وفضت راحت وجم يوم وتنسين كتله لا لازم اداوم اني موانهزاميه وحتى ليكول اني كسرتها وهيا تحبني ودسوي هيج كلتلي والله ياسالي انتي بعد بكيفج بس اني داشوفج كلش نفسيتج تعبتنه وكلبج مكسور عوفي واشتري راحت بالج كتلها لا هيا ست اشهر الي اتفقنا عليها اخلصها وبعد كافي اطلعه من حياتي واعتبر هاي السنتين درس الي حتى بعد لااصير غبيه واحب واحد مثل فهد عد بوستني ميس وكالتلي لديرين بال وراحت واني من التعب والتفكير والقهر لفيت راسي ونمت
حسيت الفجر حسيت انو اني محتاجه اتوجه لرب العالمين محتاجته يوكف ويايه محتاجه يسامحني اذا داغلط
محتاجه اوكف واني اطلب الرحمه وتوظيت وكعدت على السجادة وصليت وطول مااصلي اني ابجي
عجيب الشعور الي عندي انو اني بااستطاعي اوصل ل فهد واني مانعه نفسي عنه وعجيب شلون ينبت الحب بكلوبنه حتى اذا الي نحبه ميحبنه صحيح يكول يكلون الحب مذله بس اني ماااقبل انذل خلي يتعذب مثل معذبني
المهم بعد ماكدرت انام وظليت كاعدة وبعدين كمت غسلت وبدلت ورحت للدوام وصارت ساعه بالعشرة وهو ماكو مااجاي وخلص الدوام واليوم هو ماكو صراحه ظلت عيني على الباب كلسع اكول هسه يجي فدشويه يجي ومامنه جيه المهم خليت وطلعت للدوام الثاني
رجعت للبيت وشويه ارتاحيت وساعدت امي ونمت وثاني يوم رحت للدوام دخل ورايه بساعه جان يجي كال صباح الخير ودخل ورة ساعه صاحني رحتله عينه بالاوراق وقع وكال راح اطلع عندي شغل وشويه وجان يطلع ومارجع
وظلينا فترة علاقتنه رسميه كلش لحد مافديوم اجه علي صديق فهد ودخل يم فهد وبعد شويه اني دخلت جان يظل يباوع عليه فعلي كلي ست سالي عود بس اريد احجي وياج بموضوع اذا سمحتي جان هو من يمه كلي شبيك علي متحجي ليش مستحي منه جان يكله لا بس مااريد اسبب احراج لست سالي شفت فهد ديريد جواب بعد عداني كتله تفضل احجي دكتور فهد موغريب ردت بس اتلافه الموضوع لان فهد عصبي خفت لصير مشكله بينهم
بسببي عد جان يكلي اني اسف ست سالي على موضوع الخطوبه ماادري اني بالموضوع كتله ياموضوع جان يعني انتي وفهد كتله شبينه فهد ولامهتم يباوع عليه ويباوع على علي كلي اني فهد كلي اني معجب بيها وطلبت اخطبها
كتله شنو كلي هذا السمعته جان يااشرلي فهد يعني سكتي كله اي علي الي سمعته صحيح المهم انت شلونك وجان يغير الموضوع بس اني تخبلت عود ليش ديريد يشوه صورتي هيجي زين هسه ميكول هذا الولد هاي شعدها وياة وهاي متستحي مسويه علاقه ويه مديرها شكد عيب تمنيت الكاع تنشك وتبلعني من المستحاة والخجل
يعني يوم عن يوم داثبت لنفسي غلطت استمراري بالابقاء بهاي الشركه ورة شويه خابرتني مديرة الشركه مال ادويه كلتلي من باجر رح ننقل مكان الشركه وفد منطقه بعيدة كلش وهم ضجت بالزايد
ورة شويه طلع علي من غرفة المكتب مال فهد واني دخلت كتله انت شلون دكله للولد هيج كلي اي هذا الي صار وكمت احجي وصرت عصبي كلي لتعيطين رح اكلج شي ول اخر مرة اني اريد ازوجج تقبلين لولا كتله لا
كلي زين
كلي اني هم رح اخليج مثل البيت الوقف لاانتي طايله السما ولاانتي طايله الكاع والي اريدة اني ميصير الغيري سمعتيني
ومو محبتن بيج داسوي هيج بس حتى لتتحديني لان مااحب احد يتحداني سمعتيني
وشاله السترة مالته وطلع
وستمرينا على هاي الحاله يوم برود يوم احسه كلش يحبني احس نظراته تلاحكني بكل مكان ونوبات احسه عبالك يريد ينتقم مني على شي طبعا نورس كامت كلش قليل تجي ودورات من جنت افوت للمكتب هي موجودة هي اكاعدة وهو ويلعب بلابتوب مالته يعني مدايرلها بال
بس اظاهر هيا لزكه
ومابقه من الست ً اشهر غير شهر
ومرة اجه فهد للدوام كلش ضايج واني دخلت بلا مااقصد وكعت الاوراق من يدي وهذا كام يعيط ويصيح يمكن الشركه سمعته اني لاارادين نزلت دموعي شفت بعيونه نظرة عمري ماانساها نظرت حب بسرعه كام واجه عليه كلي اني اسف موقصدي اخليج تبجين بس اني شويه عصبي لتبجين حبابه ترة كلبي يوجعني
هسه من داشوف دموعج احس كلبي رح يوكف رح يطك
باوعت عليه وحسيت نفسي مثل الطفل الي تبجي ويجي ابوها يراضيها وترضه بسرعه كلتله لويش هيجي اسوي ويايه ترة اني ممسويتلك شي كلي اعرف بس موبيدي
ونداريت وداطلع وصلت للباب كلي سالي نداريت كلي مرح تزوجين غيري خليها بالج
صراحه لمن طلعت ضحكت وكلت لنفسي عندي هيج انسان يحبني وصراحه يمكن بديت افكر اغير قراري
ولكن الصدمه انو بعد خمس ايام سمعت فهد خاطب وحدة كرايبه حسيت الدنيا هوايه ظلمتني وفوك الظلم كل يوم ظلم جديد وكلت لعد حجيه ومتزوجين غيري وانتي الي
وهالسوالف الي سواها شنو يلعب بيه معقوله اكو ناس هيج يكدرون يلعبون بعواطف الانسان ويضحكون عليه
ويعيشو بدنيا وبعدين يخلو يصحه على دنيا ثانيه...يتبع #الكاتبه #روجمان