طولت عليكم لبنات؟؟
عبالي طولت..مي والله راني نكتب فلحكايات لوخرين راسي رايح يطرطڨ..(معنداك راني عجزانة😂)صرالي مشكل فتابلات تاعي صافي طولت عليكم..مي راني جبتلكم شابيتخ جديددد😀استمتعوا ياأعزائي😂(زعما فصحى زعما😂)
اييه اسمعوا لبنات..لي مزال ماشافتش حكايتي BEST COUPLES تروح تشوفها بزاف هايلة😈هههه نشاله تعجبكم😊😊وعندي حكاية هذا وين راني كاتبة برك الشخصيات والبارت لول وسمها Unexpected..ونشاله تعجبكم😊
هيا طولت عليكم..اقراااو😆😆😛
_______________________________________________
خرج جيمين هو لول ملمطار..مي غير خرج عاود ولا يصوطي وحدو للداخل...
رابمون بخلعة😨:"وشنو هذا؟؟"
جين ينحي لvيستا تاعو😥:"ياجدك هاذي سخانة ولا شاليمو؟؟"
رابمون😧:"يا يما مازال مخرجتش تشويت"
تايهيونغ😳:"وشبيكم ياجماعة..هاذي سخانة برك..هيا امشي نروحو هيااا ياودي..نتوما مازال ماشفتوش الزين تاع هاذ البلاد"
شوڨا😪:"اووه هيا تايهيونغ امشي امشي اديني نروحوا لبلاسة نرقد فيها"
الموهيم ماجاو يخرجوا ملمطار حتى شابوا لتما..كي خرجو ووك بدا ينحي فهذاك البرنوص سخوون بزاف يايما..تايهيونغ وشوڨا يمشوا ملقدام تايهيونغ يتأمل المناظر الخلابة وشوڨا حاط راسو على كتف تايهيونغ وراقد..
رابمون وجين يمشو ويروحوا بيديهم باش كاشما يجيهم شوية برد..مي والوا شريكي..
جيمين وجايهوب وجونغكوك يضحكوا..جونغكوك يحكيلهم على الماكلة وجيمين يحكيلهم على هاذاك البيبي لي لقاوه موقبيل وجايهوب يبتسم و يخزر فيهم..
*********
الموظف تع الفندق:"اتفضلوا..اذا كاش ماخصكم راني هنا"
رابمون:"يعطيك الصحة حبيبي"
راح هذاك الموظف يمشي ويخزر فيهم مابيد هو راهو يخزر فيهم لحق لدروج وماشافوش..صافي طاح ترڨرڨب مدروج..تايهيونغ و جونغكوك طرطڨوا بضحك ومعلاباليش كيفاش زاد فطن شوڨا و تمرغ بالضحك معاهم.
رابمون يسيي يسكتهم مي مقدرش راح جيمين وجين عند هذاك السيد يرفدوه..رفدوه عاونوه وعاودوا ولاو لبلاستهم.
أنت تقرأ
『 Trip To Algeria 🇩🇿 』 → BTS✔️.متوقفة مؤقتا
Fanfiction"مغامرات و تجارب بانقتان في الجزائر". .. BTS. Girls. .. كل الحقوق محفوظة لصاحبة الرواية©️.
