البيت يعود لعائلة عراقية قديمة وهالعائلة غادرت العراق ومحد سكن هالبيت ولا انباع وبقى هالبيت مسجل بأسم هذه العائلة وبقى ع هالحالة 10 سنوات متروك مااحد سكنة وفي عام 2012 رجعت العائلة العراقية وشافت البيت ع حالة فرجعو سكنو بي مرة ثانية بس لما سكنوا بي شافو ان البيت في حالة مزرية وبنائة على الطراز القديم فقرروا يجددون البيت من ناحية الصبغ الديكور والاثاث بعد ماعمرو البيت گالو انهم ميگدرون ينامون في البيت لانهم يسمعون اصوات انين وبكاء وصوت امرأة تصرخ وطفل يبكي واصوات مخيفة في انحاء البيت وقت الليل وبعد تطورت هذه الحالة وصارو يسمعون ناس تكلمهم وهذا الشي زاد الرعب بالعائلة وقررو انهم يتركون البيت ويبيعونة بس ماتكلمو عن السر الي داخل البيت ولا اي احد والعائلة العراقية الثانية اشترت المنزل وتركتة بسرعة كبيرة لانهم عانو من نفس الشي واكدوا ان الجن والارواح استوطنت البيت لانه ترك فاضي لمدة 10 سنوات ومحد سكن فيه واصوات الانين والبكاء والطفل والمرأة والكلام تخلي اي احد يهرب من البيت ويگولون بعض المارة انهم لما يمرون قرب البيت في الليل يشوفون اطياف بيضا تمر داخل البيت من الزجاج وهم يسمعون اصوات الانين والبكاء وتحديدا بكاء طفل وصراخ امرأة هذا اكثر شي انشهر بي هالبيت وحتى سكان المنطقة نفسها يشتكون انهم حتى ببيوتهم ميگدرون ينامون بسبب اصوات بكاء الطفل وصراخ المرأة جدا عالي
طيب ليش يسمعون اصوات بكاء طفل وصراخ امرأة بالتحديد ??
شنو قصتهم ??
الي يعرف يشاركنا 💭🌸
