تبدأ القصة في جزيرة في فلوريدا سنة 1904 كان في هذه الجزيرة منزل لعائلة جدا غنية هالعائلة تتكون من اب وام وطفلهم روبرت يوجين كانو الاهل دائما يسافرون وكان ابنهم تحت رعاية واهتمام مربية كانت هالمربية دائما ويا لدرجة ان ابنهم تعلق بهالمربية بس بيوم من الايام الام فقدت اعصابهة وتعاركت مع هالمربية وطردتهة لكن مع الحاح شديد من الابن روبرت طلب انها تبقى لاخر الشهر وهم المربية طلبت تبقى لاخر الشهر حتى تحضر اغراضهة وامورهة وتستعد انها تسافر
الام بعد الحاح ابنها وافقت انها تبقى لاخر الشهر وخلال هالفترة المربية كانت في غرفتهة وماتطلع منها الا نادرا وبقت بغرفتهة الى ان حان موعد رحيلهة الي هوا اخر الشهر وفعلا طلعت من غرفتهة حظرت جنطتهة وكل شي وكانت رايحة بس كانت في ايدهة دمية او لعبة وقبل متروح راحت لروبرت وگالتلة هذه الدمية هدية مني الك انا صنعتهة واسمها روبرت سميتهة على اسمك طبعا الولد طار من الفرح وكان دائما يگعد وياهة ويسولف وياهة ويلعب وياهة ولما ياكل ياخذهة ويا وبكل مكان كانت ويا تعلق بهالدمية بشكل فظيع وكان دائما يهتم بهالدمية وكانو اهلة من يمرون من غرفتة يسمعونة يتكلم وياهة ويلعب شي عادي موشي مخيف كل الاطفال يسوو هالشي لكن الغريب انه في يوم من الايام الاهل مرو من غرفتة كان روبرت يسولف مع اللعبة ويسمعون صوت شخص يرد علي الصوت كان خشن مستحيل طفل بعمرة يسوي هالصوت بس لمن دخلو للغرفة الصوت اختفى تماما ومالگو شي بس كان صوت روبرت فالاهل گالو يمكن روبرت غير صوتة يمكن يسولف مع اللعبة ويسوي صوا غير صوتة عالاساس يرد عاللعبة المهم طنشو عالموضوع وبيوم من اليوم الاهل كانو نايمين وسمعو صوت صرخة عالية بسرعة گامو من نومهم وتوجهو لغرفة روبرت حتى يطمنون علي خاف صايرلة شي شافو روبرت متكور بزاوية الغرفة ومبين على وجهة انه خايف والعروسة الي هي روبرت كانت جالسة عالكرسي وهي تباع ع روبرت يعني مقابيل روبرت بس مانتبهو عالدمية وراحو ع ابنهم وسألو شنو الشالفة شصاير منين هالصرخة گاللهم الدمية روبرت هي الي بدأت العراك وياي طبعا اهلة خافو گالو يمكن يتخيل اشياء يمكن هالحالة لانه المربية سافرت يعني ماصدگو ان الدمية هي الي صرخت ومن هاليوم گامت تصير اشياء جدا غريبة بالبيت مثلا الكتب الي بالمكتبة تتطاير الصحون تتكسر بدون سبب اشياء تنشال من مكانهة وتختفي وكل هذا كان الاهل عبالهم ان روبرت هو الي يسوي هالمشاكل فكانو يصرخون علي ويعاقبو وكان روبرت ردة مو انا الدمية روبرت هو الي كل هذا طبعا اهلة عصبو علي لكن واحد من الخدم گاللهم انا شفت الدمية روبرت بالليل تركض في انحاء الممرات ومن حاولت اني الحگهة راحت وركضت على السقف وكانت تضحك بطريقة جدا تخوف طبعا الاهل من سمعو هالكلام كانو جدا مستغربين وگاللهم انا من زمان شايف هالشي بس كنت خايف اني اگول وتطردوني مثل ماطردتو الي قبلي طبعا الاهل طنشو عن الخادم بس الي خوفهم ان واحد من الجيران الي مايدري عن السالفة گاللهم انا كنت جالس اشوف العلية او السطح وكانت هناك غرفة فالنافذة موجودة في السطح فشفت شي صغير يتحرك من الشباك فرحت اشوف شنو هالشي الصغير الي حتة حجمة موحجم طفل حتى يركض فلما لبست النظارة وشفت الدمية تتحرك في السقف في الاعلى لما سمعو هالكلام خافو بس ماسوو شي گالو يمكن هالجار سمع شي من الخدم
يگولون القشة التي قسمت ظهر البعير ان الاهل كانو نايمين سمعو صوت صرخة بس هالمرة صوت صرخة ابنهم روبرت بسرعة گامو من فراشهم وراحو ع غرفة روبرت لگوهة فوگ تحت شافو الاثاث والطاولات والمجرات كلهة فوگ سرير روبرت فكانت الاغراض جدا ثقيلة مستحيل طفل بعمرة يشيلهم ويحطهم عالسرير فالطفل روبرت ضل يصرخ ويگول مو انا الدمية روبرت هي الي سوت كل هذا طبعا الاهل مااستحملو گالو خلاص لازم ناخذ الدمية نحرگهة او نگطعهة فأاحد الخدم وگفهم وگاللهم لتسوون شي هالعبة ملعونة ماانتبهتو ان الخدامة الي نطتة اللعبة ساحرة من الي يمارسون السحر وهالحركة سوتهة حتى تنتقم من الام لانها طردتهة فگاللهم ان الحل الوحيد ان نخلي الدمية روبرت بعيدة عن الكل واقترح الاب ان يحطون الدمية روبرت في صندوق ويحطونة في السطح ونقفل الباب وممنوع منعا باتا احد يصعد السطح لاي سبب وبعدهة توقفت الاحداث ومصار شي ونسو السالفة وكبر روبرت وتزوج وعاش في نفس البيت الي عاش بي مع اهلة
وفي سنة 1972 توفا روبرت واضطرت زوجتة انها تبيع البيت لناس ثانيين ويوم سكنو البيت كانو يكتشفون انحاء البيت ولانهم مايدرون شنو السالفة صعدو السطح ولگو الصندوق مترب ومن فتحو الصندوق شافو في الصندوق لعبة نظيفة كأنها جديدة ولسوء حظ هالاسرة كان عدهم بنت عمرها 10 سنوات فأنطوهة هاللعبة وتكررت نفس الاحداث والاشياء الي صارت بروبرت وعائلتة كانو يسمعون البنت تسولف مع اللعبة وتضحك وتبكي كانو كلما يدخلون غرفة البنت يشوفوها تلعب مع الدمية وبيوم من الايام الطفلة ركضت لاهلهة وگالتلهم ان اللعبة روبرت حاولت تقتلني گالولهة روبرت !!منو روبرت ?? گالتلهم الدمية اسمهة روبرت على اسم صاحب البيت للي عايش بي قبلنة طبعا مكانو يدرون ان صاحب البيت اسمة روبرت لانهم اشترو البيت من امرأة فماكان عدهم اي معلومة عن اسم صاحب البيت وان اسمة روبرت وفعلا راحو وسألو وعرفو اسم صاحب البيت اسمة روبرت اول معرفو هالشي قررو يتخلصون من هاللعبة نهائيا وواحد من القصاوصة الي في الكنيسة گاللهم افضل حل مناسب انكم تحطون هاللعبة بمتحف وفعلا حطو هاللعبة بمتحف Fort East Martello Museum بس هل على بالكم خلصت اللعنة ?? لا
الناس الي يشتغلون في المتحف هم عانو من الدمية وگالو انهم شافوها تركض في انحاء المتحف طبعا كلهم انجنو كيف لعبة تتحرك وتركض وقررو يحطوهة بصندوق زجاج والي يجي للمتحف لما يشوف هاللعبة يطلبون انه مايصور الا بعد مايستأذن من الدمية لانه اذا مااستأذن احتمال يصيرلة حادث بس هواي سواح وناس كانو لما يستأذنون ويصوروهة بعد فترة لما يشوفون الصور يشوفون ان الدمية بغير وضعية عن الوضعية الي صوروهة بالحقيقة فكانو جدا مستغربين من هالشي
