الاسطورة تحكي عن سيدة يابانية قام زوجها بقتلها ويقولون انها كانت شديدة الجمال بس بنفس الوقت مغرورة بجمالهة ويقولون ان زوجها شق فمها من الفم الى الاذن بعد ماماتت رجعت مرة ثانية على شكل روح خبيثة وتغطي فمها بكمامة حتى الناس يفكرونها مريضة لهسبب تحط كمامة لانه في اليابان لما يكون الشخص مريض بزكام او گحة لما يطلع يحط كمامة فكانت تطلع بهالشكل حتى يفكروها مريضة مكانو يعرفون ان خلف هالقناع فم مشوه وقالو انها كانت تطلع للاطفال وتسأل الطفل هل انا جميلة ?!! وتنتظر ردة فعل الطفل فاذا جاوب بـلا تقوم بتقطيعه بالمقصات الي عندها وقتلة بس اذا الطفل جاوب بـنعم كانت تنزع الكمامة وترجع تسألة مرة ثانية هل انا جميلة ?!! وتشوف ردة فعل الطفل اذا جاوب بـلا -طبعا انصدم من الشكل الي خلف الكمامة- تقوم بقتلة واذا جاوب بـنعم تقوم بأخذ المقص وتشوه وجهة مثل وجههة بس بدون متقتلة فيگولون ان الحل الوحيد حتى تتجنبوهة انكم تعطوهة اجابة مومباشرة ( نعم او لا ) تجاوبوهة أنتي متوسطة الجمال او عادية بهالطريقة هي رح تحتار وتتركم
انتشرت هذه الاسطورة في محافظة في اليابان وسببت هلع شديد في المحافظة وكانت الناس في اليابان يصدقون وجود هذه المرأة وماكانو يعتقدون انها اسطورة بالعكس كانو يأمنون بهالاشياء خاصة في اليابان اكثر الناس يأمنون بهالسوالف
بعدها انتشرت القصة في اليابان كلهة موبس بالمحافظة وسببت رعب شديد في اليابان واضطرت اليابان انها تكثف دوريات الشرطة حتى تهدي الناس لان الناس كانو فعلا معتقدين انها موجودة وهذا كان في اواخر السبعينات بعد ماانتشرت حوادث كثيرة والاطفال گالو ان سبب هالحوادث هذه السيدة المخيفة وبعدها انتشر امر من الحكومة اليابانية في تلك الفترة ان الاطفال يرجعون من المدارس لبيوتهم فورا الا اذا كان معهم شخص كبير بس اذا كانو وحدهم ماكو اي شخص وياهم يرجعون بسرعة لبيوتهم
السؤال ليش تجي للاطفال تقتلهم شنو ذنبهم?? ليش متنتقم من زوجهة ??
