قصص فردوس عبد اللطيف:
#قصه_الغيرة_القاتله#
الجزء_الاول
للكاتبع فردوس عبد اللطيف
بسم الله الرحمن الرحيم
حبايبى هذة القصه حقيقيه ومن ملفات الشرطه لجريمه بشعه نفذتهه امراءة وارجو من اصحاب القلوب الضعيفه عدم قراءتها والتعليق
#بطلتنه اسمهه فخريه تروى لنا قصتها
انا فخريه بيضاء طويله شعرى اسود سرح عيونى وساع اسكن بقضاء الشطرة تقدم لى خطاب كثير ولكن كنت احب ابن جيرانه فاضل اهله شيوخ ومن عشيرة عريقه وحبيته من كل قلبي وهو هم كان يتمنى منى ولو نظرة.. دز اهله لخطوبتى واهلى هم عشيرة كبيرة ولى اخوان 4 لازم اخوانى واولاد عمامى يوافقون
لحد ما الكل وافق انى كنت على اعصابي وفاضل كلسع يدز اخته تسال
ولج فخريه هذا خبلنى كلسع يكلى روحى شوفى الاخبار..وانى اطير من الفرح ما مصدكه تمت الخطوبه والزواج خلال شهر لانه كان متنفذ ماديا اهله اغنياء وما عدهم شي صعب
عشت احلى ايام عمرى سعادة ودلال مرت سنه اشو ما صار الحمل وهو عشيرته يحبون الاطفال يعنى لازم يصير عندة اقل شي 6 ولد
ودانى للدكتورة انطتنى علاج والله ورة 2 شهر حبلت فرحنه هواى حبيبتى فخريه لاتعبين نفسج هذا عزيز من العزيزة
املك صوت جميل وارد عليه بشعر لانى من هواه الشعر والمواليد انشد اى مولود بصوتى يطرب النساء وحبيبي فاضل يطرب على صوتى من اغنيله حياتى صارت فرح وسعادة بعد 9 اشهر ولدت ابنى عباس حبيبي يشبه ابو طار من الفرح بي واحتار شيذبحله وعزايم كل هذا فرحه بالولد الاول...احلى شعور من تنحرم من شي وبعدين يجيلك واحلى شعور الامومه حسيت بامى اشلون تعذبت بولادتنه واشلون كانت تخاف علينه ما كنت اعرف هذا الشعور الا من صار عندى الضنا اشترى ارض وبناها بيت كبير وسط بستان كال اريد 10 ولد وكلهم ابنيلهم بالبستان افتهمتى فخريه.. انى ما هتمين واثقه من نفسي اجيبله شكد ما يريد مرت 3 سنين وفاضل خيرة يزيد والله فتحها عليه بالرزق لكن هم تاخرت بالحمل
هم ودانى للدكتورة انطتنى علاج ورة العلاج حبلت.. بس احس تعب صحتى تعبت بس لازم اتحمل واجيبله يريد ولد لو شما يكون الثمن قبل الولادة تعبت صحتى ونمت مستشفى لحد ما سوتلى عمليه قيصريه لان وظعى خطر جبت الولد الثانى حمد سميته..فدوة لعمرة يخبل يسوى العمليه
والحجى ماشايلته الكاع فرحان بالولد
مرت على الايام والسنين واولادى يكبرون كدام عينى وفاضل حبه يكبر بكلبي ويه العشرة ..ها فخريه والله انت احلى فخريه بالدنيا
وانى ارد عليه بشعر اخليى يضحك ويحس بروحه ملك
جانت حياتى سعيده وما ناقصهه شي حبي لبيتى ولاولادى ولفاضل ملى كلبي
للحكايه بقيه
