قصص فردوس عبد اللطيف:
#قصه_الغيرة_القاتله#
الجزء(4)
للكاتبه فردوس عبد اللطيف
كبت بي نار الغيرة مو كانى امراءه ب 50 وحاجه بيت الله بس اريد طريقه اخلص منهه ومن جهالهه
عمرى ما تخيلت انى افكر بهيجى موضوع بس هو خلانى بهالموقف وشعل نار بكلبي ما تنطفى شرطت عليه ليله يمى وليله يمهه بس ليلتى يجى ضايج وينام ويسوى نفسه تعبان ومن تصر ليلتهه اشو هذا يغنى ويسبح ويتعطر ويجى من وكت جنه عريس شاب هيجى غيرتك يا حبيب عمرى خوب من تصير ليلتهه ما انام واحاول اصعد بالليل على كيفى واتسنط ورة الباب واسمع ضحكهم وسوالفهم اشو وياى من الغبشه تنام يا مصخم الوجه واكضى الليل بجى منين جتنى شهله ساعه السوده عليهه
فكرت بميه طريقه كلت اتهمهه ويه واحد وابليهه كلت لا تالى تقنعه ويرجع الهه زين اكثر من مرة اسويلهم سحر وهم ينكلب على والحجى يكرهنى وميباوع بوجهة مابقت طريقه حيله اسويلهه غير اقتلهه واخلص من العذاب
بديت التخطيط للجريمه اشلون اخلص منهه بطريقه موت طبيعى او قدر
رحت للعطار اشتريت سم جريدي اخلى الهه بالاكل واخلص زين الطريقه اشلون
اول شي غيرت اسلوبي وياها سويت نفسي فقيرة ومستسلمه للوضعيه بس بداخلى بركان غيرة وحقد عليهه.. كانت ذيج الليله ليلتى كلت خوش خلى اسوى حلوة السمسميه (هى عبارة عن سمسم يحمس على النار بدون دهن ويوضع عليه دبس ومن يبرد نسوى كرات اسمى سمسميه)
سويتهه و قسم منه خليت بي السم وكمتلته (سويته كرات) وخليته بصحن ورحت بايدي اودى الهه
بس شنو اعصابي كلهه ترجف لكن الحقد والغل خلونى اهدا واتمالك اعصابي صعدت الدرج وكلبي يرجف يعنى معقوله ورة ما تاكل راح يرجعلى فاضل يالى لعد خلى اسويهه وشيصير خلى يصير
دكيت باب الغرفه
منو
انى فخريه
تفضلى حجيه ياعينى جايبته بايدج
ميخالف حبيبتى ماكو فرق
تنغصتلج انت والجهال اشو عجبنى اسويهه اليوم
مافكرت بالنتاءج بس فكرت اشلون اخلص من عدوتى.. نعم اعتبرتهه عدوتى
اخذت منى الصحن دارت على الثلاجه الى بغرفتهه فتحت باب الثلاجه وكع الصحن من ايدهه وانكسر
انى جفلت كلت الله كاتبلهه عيشه بعد الهه عيشه دنكت تلم السمسميه والماعون اخذته من ايدهه كلت لا واحد من الجهال ياكل وانكشف اخذته منهه وانى انزل لاكيت الحجة جاى يصعد الدرج
ها حجى الله يساعدك يمته جيت
تونى ماتشوفنى هسه دخلت
اى زين وين صاعد الليله ليلتى
لا اليله انام فوك
صفنت وحمدت الله كلت لو ما مكسور الصحن جان الحجى اكل وياهم وتسمم وراح من ايدى
لالا اعوذ بالله من الشيطان الرجيم
خلى ابطل هالنيه بلكى الله ما كاتبلهه اشلون
بقيت دايخه اشلون انكسر الصحن يعنى من رب العالمين
فكرت اشيل الموضوع من راسي لكن الغيرة الى بكلبي ما ترحمنى
للحكايه بقيه
