قصص فردوس عبد اللطيف:
#قصه_الغيرة_القاتله#
(الجزء_5)
للكاتبه فردوس عبد اللطيف
مرشهر وانى افكر بميه خطه وبعدين اخاف واتراجع بس براسي شي يخلينى لازم اخلص منهه وازيحهه من حياة الحجى كضيتهه اتزاور بين الصديقات والاقارب ومن ارجع للبيت واشوفهه اغلى بداخلى واضم بكلبي ما اعرف راح من كلبي الرحمه مايهمنى غير انى اخلص منهه باى طريقه بس كون ما انكشف
بدا التخطيط للجريمه
بالليل الحجى كال اريد اطلع لبغداد باجر الصبح اكو فاتحه اخت صديقى يوم واحد وارجع
وكظه الليل يمهه وانى بقيت كاعده للصبح افكر ..هاى خوش فرصه اخلص منهه هى وجهالهه واسمع ضحكهم
اى .اى حجى هاى تاليتهه بعتنى بالرخيص
طلع من الصبح
كعدت الخاتونه تنظف البيت وطبخت تشتغل بواهس هى ام البيت منو مثلهه
وانى اباوع عليهه وساكته وضامه الحقد بكلبي اى اليوم لازم اخلص منج باى طريقه هاى فرصتى
كل الى فى بالى اسوى الجريمه ومحد راح يعرف والحجى يرجعلى .. بس كل جريمه لازم تصير بيهه ثغرة من رب العالمين يكشف بيهه الحقيقه او تحدث حدث وقت تنفيذ الجريمه تكشف المجرم..ولو انى اعتبرت نفسي ادافع عن زوجى وحبي اله...
تغدينه وصبتلى جاى
ها حجيه تردين منى شي
لا عينى سلامتج
زين راح اسبح الجهال واسبح وياهم
روحى عينى روحى
الحمام ماكو كيزرات لان الكهرباء مو زينه ما تشغله كنا نستخدم عين غاز ونخلى عليهه جدر ماء كبير للسبح والقنينه داخل الحمام
دخلت واسمعهه من ورة الباب تسبح الجهال وهى هم خلعت ملابسهه تطمنت انو هى بوظع متكدر تطلع لانهه بدون ملابس (عفوا) دفعت باب الحمام وقطعت صوندة الغاز جريتهه للصوندة وكبت النار من القنينه وطلعت كبل
للشارع.. اصيح لحكونه حريق حريق والطم وعود خايفه على شهله وجهال الحجة دخلو الناس اكثر من 20 شخص
بالنسبه لشهله جهالهه احتركو بنفس الوقت وماتو وهى ماتدرى تنقذ جهالهه لو تستر نفسهه وتطلع والنار داخل الحمام بكل مكان عبالى ماتت وخلصت بس رب العالمين اله حكمه خله بيهه نفس
اخذو بطانيات ناس تطفى النار بالحمام وناس شالوهه لفوهه بطانيه وطلعوهه بره
نطقت كالت الحجيه دخلت علينه بالحمام وجرت صونده الغاز واكبت علينه جانو 20 شخص كلهم الله خلاهم شاهدين على جريمتى وكشفنى امام زوجى وامام القانون ورة ما نطقت هذا الكلام توفت بس الله راد يفضحنى شكد خططت وشكد حاولت ان اجعلهه جريمه متكامله لكن الله بالمرصاد الاطفال ماتو بنفس الوقت .. وهى جانت حامل يعنى 4 اشخاص ماتو على ايدي بسبب الغيرة والحقد الى بداخلى وبسبب حبي لفاضل خسرت فاضل وخسرت دنيتى وخسرت اخرتى
ماكنت مجرمه ولا فد يوم فكرت اجرم لكن الغيرة خلتنى اكون مجرمه
اجتى الشرطه بعد افاده الشهود والقو القبض على
ورحلونى الى بغداد للتحقيق
للحكايه بقيه
