قصص فردوس عبد اللطيف:
#قصه_الغيرة_القاتله#
الجزء الثانى
للكاتبه فردوس عبد اللطيف
مرت السنين وكانهه ايام الولد بدو يكبرون
جدهم ابو فاضل توفى كان هو شيخ العشيرة ويحل مشاكل الناس ويروح بين المحافظات من يتطلب الامر
عباس صار عمرة 18 سنه كال اريد بنت عمى خطبناله بنت عمه وسويناله حفله جبيرة وبقينا اسبوع الخطاطير والناس تجى تباركلنه
فاضلظل يلح على اريد جهال زين انى ماكو ماجاى يصير عندى منين اجيبلك ظل يحوس
امه وخواته 2 منغوليات جابهم عدنه بالبيت هم يرادلهم خدمه والبيت جبير
كان عدنه عزيمه جبيرة واخته المنغوليه طلعت من الباب محد حس بيهه لان ملتهين بالطبخ وذبت روحهه على سيارة وانسحكت وماتت
مانسمع الا صريخ وعياط وينكم عنهه اجه فاضل يصيح على
خطيه الى سحكهه ظل يلطم على راسه لان سمع بعشيرة رجلى ما يقنعون بفصل ديه
اخذو عطوة وراحو
احنا هم التهينه بالفاتحه والناس تجيلنه وصارت هوسه وكل واحد يفتى بكيفه...ورة اسبوع اجتمعو واتفقو يجيبولنه مكان المنغوليه مرة ..
كلت ميخالف اخليهه تخدم بالبيت وتساعدنى انى هم كبرت وتعبت مابي على شغل البيت والبيت جبير وخطاطير الحجى هواى
جابو البنيه عمرها 15 سنه
حلوة طويله اسمهه شهله من منطقه الكحلاء شاطرة وتتعلم الشغل بسرعه بس انى كلبي ما مرتاح
ولو هى زغيرة عالحجى بكد ولدة وهو دايما بالمضيف مايجى جوة الا وكت النوم
وانى فرضت عليهه تلبس حجاب وملابس طويله وعريضه...
صحيح فادتنى شهله بشغل البيت جنت اعاملهه مثل الخدامه واحتقرها وانطيهه الملابس القديمه يعنى جنت ذالتهه على ابو فصليه
بقت يمنه 4 سنوات خادمتنه
رحنه لبيت الله انى والحجى بعد ما زوجنه حمد لبنت عمه
وصار عدنه احفاد والحجى بعدة يريد ولد منين اجيبلك
اشو من جينه من الحج شفته يباوع على شهله وصافن
ها حجى اشو صافن
ها هيج اشو هاى كبرانه
شهله...جاى انظف المضيف ودخل الحجى وشافنى ظل صافن جان شعرى شايته بقراصه ودشداشه حلوة ما حجه شي
تخربطت الحجيه وداها للمشفى رحت وياهم هذا الحجى يباوع بالمرايه على عيونى
هذا اشبي هسه انى وين خدامه عدهم معقوله يباوع على
بس بينى وبينكم كل ما اشوفه كلبي يدك سريع ياربي شسوى معقوله حبيته
حجى فاضل اشو هاى البنيه حلوة وعندى بالبيت واكدر اتزوجهه وانى محروم من خلفه الولد شنو المانع
عالجو الحجيه لازم بهريز لان ضغط وسكر
ها حجيه كبرتى بعد عجزتى
انطينى مفكه وخلينى اتزوج
اشو هاى عاطت بي
كتلهه عمى اتشاقى وياج
لازم احاجي شهلاء واشوف حل اشو هاى البنيه حبيتهه وبعدهه زغيرة ترجعلى شبابي
رجعو للبيت من المستشفى
شهلاء
نعم حجى
روحى نظفى المضيف
حاظر عمى
راحت شهله تنظف واجاها
شوفى يابنت الناس انى رجال بعدنى بحيلي والحجيه بعد ما تخلف وانى اريد جهال وانت عشتى بيتنا ورايدج بالحلال
شهله يمه يمه يمه
والحجيه اشلون عمى
معليج بالحجيه راح اخذج على اساس ارجعلج لاهلج وهناك نمهر واخذلج بيت يمهم
يمه ما شالتنى الكاع صدك عمى تحجى
ولج ياعمى كولى ابو عباس
فاضل شنو عمى انى حبيتج
دنكت شهله من الخجل وطلعت راحت للمطبخ
بس ما مصدكه فرحانه هم تروح يم اهلهه وهم تتزوج الشيخ معقوله بعد المذله والبهذله
فاضل.. حجيه هاى شهله راح ارجعهه لاهلهه خطيه مقهور عليهه
انى هم جنت خايفه من وجودهه بالبيت يالى بعد احسن ولو جانت فايدتنى
اخذ شهله لاهلهه تفاجؤ اهلهه هاى حجى شمسويه بتنه لاعمى ما مسويه شي بس جاى اخطبهه على سنه الله ورسوله انى رجال خايف الله وما اريد ابقيهه بالبيت حتى لا تزعل الحجيه
بكيفك شيخنا
اجرلهه بيت يم اهلهه وتزوجهه والحجيه ماتدرى بس ولدة يعرفون
للحكايه بقيه
