قصص فردوس عبد اللطيف:
#قصه_الغيرة_القاتله_
(جزء_6والاخير)
للكاتبه فردوس عبد اللطيف
بيتنا انهجم الكل تفاجىء ولدى جيرانى كرايبي الكل ما متوقعين حجيه فخريه ترتكب هكذا جريمه بشعه وبحق اقرب الناس الى هو حبيبها فاضل
فاضل بجيته من بغداد وشاف الهوسه بالبيت وحبيبته شهلاء واطفاله محروقين وما باقى منهم غير مجموعه عظام لان اللحم مال الاطفال ذاب بالنار مابقى لحم والزوجه عبارة عن كتله سوده مفحمه اى منظر بشع من الصدمه بقى يباوع ودموعه تنزل ومنو السبب زوجته الى عاشت وياه احلى سنين ظل ياكل بروحه لو مخليهه يم اهلهه جان ماصار الى صار لو مكعدهه بيت وحدهه جان وجان وجان الملامه تاكل بكلبه بس عكب ما صار الى صار زين وفخريه هم عشرة العمر تطلع مجرمه اشلون جان مغفل وعايش وياها كرهه وكرة كل سنين عمرة وياها
صار بي جلطه من القهر ولازم الفراش مده 3 اشهر
حجيه فخريه
اخوهه للضابط دخلت
تفضلى حجيه احجيلي
انى ساكته اولا نكرت بس الشهود هواى كلهم شهدو
مو انت حجيه ورايحه لبيت الله اشلون تسويهه
انى ما اكدر احجى عوفنى
جنت بس اباوع بعيونى تفكيري مشلول حتى الكلمه الى اريد احجيهه ما اعرف شنو اكول
دزنى لغرفه التوقيف بس خلى على مراقبه تراقبنى لا انتحر جانو متوقعين انى راح انتحر
بس انى قويه وجان اكو مخطط براسي اريد اسوى
يوم ثالث توقيف ساعه 9 مساءا اجتى شرطيه اخذتنى للضابط تحقيق دخلت عليه كان جالس ويمه الكاتب الى يكتب
تفضلى حجيه
ارتاحيتى يمنه هسه خلى نسولف اعتقد انطيناج مهله
اى عينى راح احجيلك القصه من اول للتالى
حجيتله حتى على السم الى بالسمسميه كلت هى موته وحده خلى احجى
يمه انت ما حبيت تقبل حبيبتك يجى واحد ياخذهه عالحاضر ..انى دافعت عن حبي
ضحك حجيه ياحب تكتلين 4 ارواح ودكولين اكو بكلبج حب لعد شخليتى للشباب مو انتى حاجه بيت الله
ما جاويته شكله بعد الله فضحنى لو ميته بالحمام جان انى هسه يم الحجى
كملو تحقيق وثبتت على القضيه جريمه مع سبق الاصرار والترصد... بقى النطق بالحكم
ودونى للمحكمه
القاضي بدون ما ياجل صدر قرار الاعدام شنقا
كل قضايا الاعدام تتاخر 6 اشهر اكو سنه لكن انا بسرعه ورة 3 اشهر لازم تنفيذ
المحكومين بالاعدام يكلولهم شتطلبون
طلبت اشوف فاضل رفض يجينى ردت اودعه بس هو ما رادنى
ولدى اجو الاثنين زيارة المحكومين بالاعدام
والثلاثاء يتم ترحيلهم الى سجن ابو غريب لتنفيذ الحكم
اتفقت ويه ولدى واخوانى
ينتظرون سيارة السجن بالباب ويجيبون سلاح وياهم حتى ينقذونى
اجو الولد ولحكو السيارة وجان ويانه لجنه كامله للتسليم
ورمو على سيارة السجن واللجنه هم ردو عليهم بالرمى واشتغلت مواجهه مده ربع ساعه وراهه اجتى مساعدة سيارات شرطه مدرى داخليه انهزمو ولدى وانى بالسيارة مصفحه ما اكدر انهزم كملو طريقهم لسجن ابو غريب
تم تنفيذ اعدام حجيه فخريه يوم الاربعاء فجرا
بس اريد اكول شكد نخطط بحياتنه ونرسم لنفسنه مستقبل لكن الى كاتبه الله نشوفه
ارجو ان تكون قصتى عبرة لكل من يفكر بجريمه كامله ان الله بالمرصاد
انتهت
ترقبونى بقصه جديده من واقعنا المرير
الكاتبه فردوس عبد اللطيف
