قصص فردوس عبد اللطيف:
#قصه_الغيرة_القاتله#
جزء 3
للكاتبه فردوس عبد اللطيف
حجى فاضل
حجيه حضرى ملابسي باجر مسافر لبغداد
اشو الحجى سفراته كثرت وهاملنى واشوفه راجع شباب وفرحان متونس شغلته مو خاليه لازم افتهم شنو سالفته...وحدة من جناتى تحب تفتن ونقل الحجى لزمتهه دلال نعم عمه
حمد ما يحجيلج شي
على شنو عمه
ولج ليش تفرين وتدورين
شنو سالفه عمج
والله عمه اخاف احجيلج وتنكلب على
لا تخافين ما اكول سمعت منج
زين عمه ..ترى عمى متزوج شهله ومخليهه بيت وحدهه يم اهلهه وهسه حامل
يبووووى دكيت لطمت حجى فاضل تالى عمرى يتزوج على ويجيبلى ضرة
ومتزوج الخدامه الى جانت تخدمنى ويلي ويلي عليج ابو عباس
كبت نار بكلبي اشتعلت الغيرة اشلون شسوى بقيت تعبانه لحد ما اجه من السفر
ها حجيه اشلونج
بخير حبيبي اشلون الى جيت منهم
شنو قصدج
الخدامه مالتى تالى عمرك تتزوجهه وظليت الطم على وجهى وابجى وانهارت اعصابي
عاط بي هذا حقى انت ما خلفتى غير ولدين وانى اريد عزوة وتعرفين هذا الشي
وما لكيت غير الخدامه
شهله مو خدامه وانت سويتيهه خدامه هى فصليه اخذناها على اساس ابنج يمهر عليهه وحمد ماقبل لان يحب بنت عمه وبقت البنيه تخدم امى واختى المنغوليه وما حجت وهى انسانه مثلنه..وهسه هى حامل
وتتقبلين الوضع مثل ما هو والا الباب مفتوح والله وياج
هاى تاليتهه حجى
بس ولا كلمه ما اريد اسمع حجى زايد
بلعتهه وسكتت بس نار مشتعله بكلبي شنو يتزوج هذا الى احبه واموت عليه هيجى يحجى وياى اشلون
شسوى بقيت اصبر بروحى
بعد الحجى كام ما يدير بال من عرفت يكولهه علنا رايح لبيتى الثانى
وصرت الزوجه القديمه اى طبعا هاى شابه وحلوة
الصدمه خلتنى بس افكر اشلون ارجع رجلى الى
جابت شهله ولد والحجى جنه ما مخلف وماشايف جهال تخبل وطار بيهه وظل على طول يروح يمهه
مرت سنتين على هالوضع انى بديت اتقبل الموضوع بس اكو نار بداخلى تغلى حبلت شهله طفل ثانى وجابت بنيه والحجى وما جان عندة بنيه وهم طار بيهه
اجانى فاضل
حجيه عندى حجى وياج
كول حجى
اريد اجيب شهله والجهال بالغرفه الفوك راح اجيب اثاث وثلاجه واخليهه بالطابق الفوك البيت جبير وواسع وانى مليت من الروحه والجيه وبعدين من اسافر يظل بالى يمهم
انى شحجى وشكول ما اكدر اخالف اوامرة
دز عمال ينظفون الغرفه وصبغهه وجابلهه غرفه نوم وحظر كلشي
حتى ثلاجه وتلفزيون ورتبلهه الحمام ..
كل هذا يصير وانه كاعدة بيتى وحبيبي فاضل راح من ايدي خذته شهله
وين جنت وين صرت
جاب شهله وجهالهه ومخشخشه بالذهب وكاشخه صاريرة تخبل جنهه ممثلات التلفزيون يا اشوفه متخبل فضيلو اثارى خبلته الخدامه.. انا الك اله احرمك منهه
اشو هذا صارت روحه معلكه يمهه يجى كبل عليهه مو جنه عمرة بالخمسين يصعد مثل الغزال يا كله علمود الخدامه
اشلون بيك ياكلبي شيصبرنى..نزلت الصبح مبدله ومكيجه ولابسه دشداشه مزركشه زين هذا اشوفه متخبل والذهب اثارى مشتريلهه كومه ذهب
يما كل ما اشوفهه ارجف وودى اخذ اى حاجه واكتلهه بيهه اشلون بي..بدا الشيطان يوسوس براسي.. يعنى اذا احظر فد طريق اخلص منهه
رحت للساحر اخذ منى كومه فلوس واشو الحجى كام يحبهه اكثر ادور حبلت بالطفل الثالث
للحكايه بقيه
فردوس عبد اللطيف
