☆ شــيــاطـيـن الانــس ☆

الــبــارت " ³ الــثــالــث ³ "

عبدالمعين : بديت اجهز للعرس حددنا موعد العرس اسبوع الجاي و كولشي ماشي تمام ..
و خطب رزاق و الحمدلله خلصت من سالفة سعاد ..

ابو قاسم : ها ابني ان شاء الله عرسك الخميس

عبدالمعين : اي يابة باذن الله

ابو قاسم : الله يسهل و يسعدكم

رزاق : طبيت لكيت معين و ابوية كاعدين بالهول يسولفون ع الزفه .. مصدك روحه يزف كبلي ...؟

يابةة ..

ابو قاسم : ،هلاا وليدي .. سلم كول شي .. اشبيك ابني

رزاق : اسف يابة ..

بسته من راسه ..انغثيت مـن معين حتى مسلمت ..

ابو قاسم : اكعد رزاق .. شبيك ضايج عيوني

رزاق : يابة علمود عرسي ..؟

ابو قاسم : اشبي ابني ..؟

رزاق : بعدني ممتجهز كامل يعني راح اتاخر بالتحضيرات

ابو قاسم : الله يسهل ابني شكد متريد وكت اخذه بالتحضيرات

رزاق : بس معين راح يزف

ابو قاسم : اي معين كمل كلشي ان شاء الله الخميس يزف ..

رزاق : اني خطبت بعد ليش يزف قبلي و اني اكبر منه..؟!

ابو قاسم : ابني انت قبلت و بعدين عيب من الناس صار الاتفاق و خلص ..

رزاق : من قبلت جنت مخاطب بعدني

عبد المعين : زين رزاق و المطلوب هسة ..؟

رزاق : تنتظر لحد ما ازف و تزف وراي

عبد المعين : بس البنية حددت موعد عرسنا عيب اكللها الغي

رزاق : والله هاي مشكلتكم تنتظر وراية زززين

ابو قاسم : رزااق .. لتعلي صوتك ع اخوك و اني كاعد

رزاق : يابة معين ميزف قبلي .. اتفق ماتفق .. يلغي

ابو قاسم : صح امشي بالعادات و تهمني و ماريد اكسرها .. بس اعرف العيب و عيب نلغي اتفاق و نكسر وعد رزاق

رزاق : يعني شنوو ..؟

ابو قاسم : عرس معين هذا الخميس .. و انتهى

رزاق : اني اعرف تحبه اكثر من عدنا ليش اصلا اجي اكولك .. اعرف جوابك يابة

ابو قاسم : كلكم احبكم و مافضل واحد ع واحد ..

معين لا تلغي عرسك و لا تغير موعده زين

عبد المعين : صار يابة

جنت اعرف رزاق راح يطلعله بسالفه .. موافقته جانت تخوف و هاي النتائج .. الله يستر

رزاق : عفتهم و طلعت .. اعرف ابوية راح يردني شنوو ميلغي العرس و ليش يكسر العادات .. اني قبلت قبل لا اخطب .. هين يا معين