☆ شــيــاطـيـن الانــس ☆

الـــبـــارت "²⁴ الــرابــع و الـعــشــرون ²⁴"

مراد : عملية ..؟؟

وخرت البطانية عني اريد انزل ...

رجلي ...؟؟؟ ررررررجلي وووووووين ...؟؟ يمةةةةةة وينهاااااا ...؟هااااي شنوووووو ...؟

سجاد : اهدااا .. اهداااا ..

طبت الممرضه ركض انطته ابره بالمغذي .. دقايق و نام

حفصة : والله و عاشت ايدهاا حتى يتعلمون بعد ميندكون بيها ..

ام سيف : يمةة اذا هيج سوت بيهم مراح يعوفوها بحالها

سيف : ادري يمة اني همين خايف ليرجعون و يكررون الصار قبل

حفصة : ابقى يمها هم شمدريهم زواج مفبرك .. من يشوفوك اكيد ميكدرون يتقربون عليها .. يعرفون وراها ظهر

سيف : و اشلون اعوفجن وحدجن هنا ..

ام سيف : يمةة اني اخذ حفص و اروح لبيت خالك ..

سيف : و لشوكت يمةة لشوكت نبقى هيج

ام سيف : لحد ما الله يفرجها .. من تأمن ع البنية و يستقر حالها ارجع ..

سيف : و نعم بالله ..

سما : للعصر كلت لسيف يروح لاهله ميصير يعوفهن وحدهن .. بقيت وحدي بالبيت قفلت كل البوب .. نظفت البيت و كعدت بغرفة ابوية .. كمت اخاف وحدي .. استغفرالله

شكد عيب .. شلون هيج افقد بحضنه .. مادري بروحي من القهر ردت اي شي يسكن وجعي .. لو حاضني عدو همين مارده .. حسيت روحي طلعت من الوجع
... ميهم اكيد ينسى .. هففف .. خلي اكوم ارتب الغرفه الافكار مردت راسي .. راح ابجي شكد غبية .. ثولة .. معرفتي تسكتين الا تبجين بحضنه .. ثووول

عيووني .. يابةة ..

طلعت هدومه ارتبهن .. ريحته بعدها بيهن .. عيوووني انت و روحي .. حضنت دشداشته و نمت بالكاع .. محسيت الا ع دكة الفون .. سيف ..؟

الوو ..

سيف : بالبيت. .؟

سما : اي

سيف : ساعه ادك بالباب ماكوو .. قلقت عبالي صاير شي ..

سما : لاا .. دقايق اجي افتحها ..

سيف : تمام ..

نشف دمي و اني ادك بالباب و ماكو .. ردت اطب ع بيت عمها اتعارك .. كولشي اجا براسي افكار سودة. .

سما : طلعت فتحت الباب و طبب سيارته ..

اسفة .. اخذتني غفوة

سيف : و لاا ايهمج .. اهم شي بخير

جبت مسواك .. اكيد ماكو اكل بالبيت

سما : اي ماكو .. عاشت ايدك .. ماريد اتعبك اكثر انت ارجع لاهلك

سيف : لاا باقي هنا لحد ما يستقر وضعج