☆ شــيــاطـيـن الانــس ☆

الـــبـــارت " ₁₅ الــخــامــس عـــــشــــر ₁₅ "

سما : عافتني و طلعت سدت الباب .. اني تخبلت .. تخبلت .. باوعت ع روحي ملبساتني ثوب داخلي فاضح .. كعدت بالكاع كمت اعيط من البجي ..

ياااارب شلوووون .. شنووو هالورطةةةة امووووووت و مانطي نفسي تفتهم شنوو امووووت اني داكوووولك هااا ..
شنوو يعني انطي نفسي حتى اعيش .. امووت جوع و مانطي نفسي ربي .. 

رفيف : هاا تسواهن انتفضت بوجهج مو هههههه

تسواهن : عادي اتعودت عليجن اول متطبن هنا تستشرفن و هسه تصيرن ملخ ع الرجال اليجي ..

رفيف : اصبري عليها لتكوم اتدخل اثنين اثنين لغرفتها .. هسة اعمرلج نركيلة تكعد مخج وزن .. و تعدل مزاجج

يا بناااات يلله خلي نبدي السهره خلي نحضر الشرب و الحبشكلات هههههه

سما : اسمع ضحكهن و تفاهتهن لوين واصله .. هذني شلوون هيج عايشات .. لااا مستحيل اصير مثلهن مستحيل ..

لاا .. بعدني بنية اي بعدني عذراء .. حتى اذا اغتصبوني .. بعدني عذراء مدام اخذوني غصب  بعدني عذراء .. من انطي روحي برضاي بهذاك الوكت اصير فاسده و ينكسر شرفي

منا البداية سعاد .. هسة راح ابدي احارب حتى اطلع اخذ ثاري .. اذا يعذبوني عاادي جلدي اتعود ع التعذيب ..

سما ابد ملازم تضعفين .. الدنيا ميعيش بيها بس القوي .. و القوي يحتاج الله سند له .. بقالي شرفي و ثاري .. علمودهن احارب اسرائيل مو بس تسواهن و مراد ..

باوعت ع الغرفة .. مرتبه بيها حمام داخلي .. كمت ادور بالكنتور ع ملابس بيها خير فتحته كله هدوم داخلية .. دورت لكيت ثوب احمر قصير قماشة تول كله فتحات ..!!!

يلله مهما يكون استر من الباقيات .. طلعته و طبيت سبحت و لبسته .. كعدت بالكاع و اني اسمعهن سكرن و يحجن خرابيط انوب ماكدر اقفل الباب من الداخل

ربي نجني من القوم الظالمين .. تعب دماغي اريد اعيط .. اريد مهرب .. اريد ارتاح ..

كمت توضيت و صليت صار هواي ممصلية و لا فرض .. اريد كل همومي توكع بالسجده .. بقيت كاعده الليل كله اناجي الله ايعيني .. مو الله اليتخلى عن عبيده .. هن هواهن وصلهن لهذا المكان .. ابليس يمنيهن ..
متت خوف كمت اسمع الزلم يطبون .. رحت كعدت ورا الباب .. يااارب عبدك الضعيف اني ..

صفنت ع اصواتهن اسمع ضحكات ابليس بنصهن .. كمت اميز صوته .. شلت راسي

هااا ابليس بديت التحدي موو ..بدت الحرب .. راح تشوف بنت ادم شلون تذلك يا ملعون ... جبتني هنا عبالك اضعف و استسلم الك .. غلطان ؟؟

لازم انت نسيت الله موجود بكل مكان ..!

مر اسبوع ع وجودي بهذا البيت .. طلعت المغرب استطلع بلكي الكي مهرب ..
صالة دائرية و حولها غرف طابقين .. مفاتيح الابواب كلها بيد تسواهن ..!!؟