☆ شــيــاطـيـن الانــس ☆

الـــبــــارت " ¹ الــاول ¹ "

مرحبا اني " بسمة " عمري 30 سنة بالسادس و بطلت مكملت معهد .. شعري اصفر و عيوني سود .. بيضه .. بعدني مامتزوجه ..! طبعا مستغربين بزمن الثمانينات و بنية بعمري و مامتزوجه ..

ممم حتى بنات خوالي يصيحولي العانس هههه .. بس ماهتم لان سبب بقائي بدون زواج هو احب ابن خالي و هو يحبني .. و دانتظره لحد ما الله يفرجها علينا و نتزوج ..
و ها حبنا كلها تدري بي .. ماكو شي مضموم .. حب عذري نظيف ..

اني الوحيدة لامي و ابوية .. ابوية و امي يحبون عبد المعين (ابن خالي .. حبيبي )

ام بسمة : يمةة بسووم اجا ابن خالج تعالي ..

بسمة : يلله جاية يمةة ..

عبد المعين(.. معلم .. .32 شاب مرتب طويل و اسمر جسمه معدل و روحه اجمل بعد)

: شلونج عمه ..

ام بسمة : بخير مادام اشوفك بخير يمةة

عبدالمعين : الله يخليج ..

بسمة : السلام عليكم .. شلونك عبدالمعين

عبدالمعين : وعليكم السلام .. الحمدلله و انتي ..؟

بسمة : بخير الحمدلله .. يلله دقايق و اجيب الجاي ..

ابو بسمة : هاا بابا منو جاينا

بسمة : يابة هذا معين يمنا ..

ابو بسمة : هلاا زارتنا البركه ..

السلام عليكم ..

عبد المعين : من طب رجل عمتي وكفت رديتله السلام  و بوسته ..

ابو بسمة : هاا ابني مشاكل مو ..

عبد المعين : اي والله يا عمي .. طلعت احسن ما تكبر المشكله ..

ابو بسمة : اتحمل انت عاقل و مهما يكونون اخوتك هم حتى اذا بس من ابوك ..

عبد المعين : والله متحمل و امري لله

ام بسمة : من يوم ماتت امك لليوم دتتعذب .. لو بس افهم سبب كره اخوتك الك ليش ...؟

بسمة : طبيت بصينية الجاي ..

يمةة كرههم له ع كره امهم لامه .. و خالي فقير ميحجي و يحبهم ..

ابو بسمة : لوما اعرفك خوش رجال و نفسك طيبة مانطيك بنتي بس اني ءامن عليها يمك .. مالكي احسن منك ..

عبد المعين : مشكور عمي الله يحفظك ..

ام بسمة : و اخوك الجبير شوكت يتزوج حتى تفك عقدتكم و تتزوجون. .

عبدالمعين : والله مادري عمه .. دانتظر والله كريم .. (مرحبا اني عبد المعين .. ابوية متزوج اثنين و اني ابن الصغيره و عندي اخوان اثنين و اخت وحده من ابوية .. حياتي مشاكل بمشاكل بسبب مرة ابوية و اخواني .. محد بيهم حنين علية .. ابوية يحبني ع حبه لامي و هو سندي بالحياة مادري شيصير بيا اذا غاب عني الله يحفظه الي )