☆ شــيــاطـيـن الانــس ☆

الــــبــــارت "₁₈ الــثــامــن عـــشـــر ₁₈"

سما : بكد ما اذاني كتلهن و كولشي بجسمي ورم و بكد ما عيطت و استنجدت من الالم ..

بس جانت روحي مرتاحه لان الله خلصني من هاي الليلة ..

شرفي غالي .. و حتى احافظ عليه لازم ادفع ثمن ..

مرت اشهر و هي متمل و اتدخل علية زلم و مرة عن مرة احس تزيد رغبتي بالقتل و اذيتهم مخليت شي بالغرفه مكسرته عليهم و ورا كل خلاص الي من رجال ادخل بمرحلة تعذيب تسواهن ..

تسواهن : رفيف فرغتن غرفتهااا حتى الكلوب و الشمعات شيلنهن هااااي بيها رس اجرام خلن بس كنتور و جرباية و طلعي المراية من الحمام

رفيف : مخليت شي بغرفتها .. بس كتلج ميفيد بيها لو تبيعيها افضل

تسواهن : لاا شكد تريد تصمد سنة ..؟ سنتين ...؟ مو يم تسواهن .. الااا اخليها تتوسلني ع رجال . ..

رفيف : افففف تعبنا ترا ..

تسواهن : اني الكاسر ظهري ماريد جسمها يتشوه لان دافعه بيها فلوس و الا جان علكتها و جلدتها لحد متموت ..

رفيف : و الرجال الـ ديطب عليها يشرد .. همين مجايز من روحه جاي يرتاح لو يدخل معركه ...؟

تسواهن : شوفها شكد تتحمل الجوع ..؟ صار شكد كاطعه الاكل عنها ..؟

رفيف : 3 ايام .. بس فكي عنها ترا بهيج راح تضعف و جسمها يخرب

دائما اهدئ غضب تسواهن ع سما .. مادري ليش تمنيت لو ثبتت اكثر مثلها و ما استسلمت للحرام .. جنت صغيرة من شمروني نفس شمرتها هناا بس مكدرت اقاوم شهر .. احس اريد اخلصها منا باي طريقه .. بس تسواهن عنااد اعرفها متستسلم لوحده ابد

فراس : لك ضلعي دخذلك نفس. .. هااك

سيف : ماريد يمعوود اصبر عندي هجوم

حسام : بعدك ع الكلان..؟

سيف : اي ..

فراس : حسام معرفت سالفة البنية يم تسواهن البارحه هم صار صياح .. مداخل بيت دعارة داخل فلم رعب شنوو

حسام : سألت البنية البتت عدها البارحة .. يكولك هاي وحده مخبلة شكو رجال يطب عليها لو يشرد لو يطلع مفشخ

فراس : و شمبقيها يم تسواهن .. متشمرها .. ؟

حسام : مادري .. متقبل تنطي نفسها

سيف : و شجايبها بهيج مكان لمن تستشرف ..؟

فراس : وداعتك ضلع مانعرف سالفتها اني اصلا باب غرفتها مافوت من يمه ..

حسام : ماعلينا .. هسة ماقررت تجي ويانا لاربيل لو لا ..؟

سيف : لاا تعرفني مرتبط بشغلي ماكدر

فراس : يابة ارتاحلك اشوي و تعال اتونس اشبيك

سيف : الشغل يتيه .. انتو بالعافية عليكم السفرة