☆ شــيــاطـيـن الانــس ☆

الــبــارت "₂₅ الــخــامــس و الـعـشـريـن ₂₅"

سيف : طبيت للمطبخ و هي دتطلع صارت كدامي .. بقيت اباوع بعيونها .. بيهن سحر ياخذ عقلي .. كفر كل هالمده ماكدر اباوع بيهن .. نزلت عينها .. احس اريد اعيط .. شي ملكي و اخذته مني ..

داتريد تعبر سديت طريقها بيدي و لزمت حايط الباب ..

رجعيهن الي ..

سما : اريد اطلع سد علية الطريق بايده .. وكفت بدون ماشيل عيوني بس احس راح اموت من الخوف .. همس بصوت داافي .. ربكني بالزايد صوته .. مكدرت اتحرك اي حركه و لا ارد عليه. . اصلا اريد احجي ويا عقلي مكدرت .. كولشي بية وكف ..

سيف : سكتت و بدون حركه وكفت ..! ليش تخاف هلكد مني ..؟

اريدهن ..!!  شداحجي ..؟

سما : شي بداخلي يريد يبجي من شنوو مادري ..؟؟ من شنوو .. صوته ديهز كل شي بداخلي .. احس بين علية خوفي و ارتباكي حييل .. كمت اسمع دكات گلبي و سرعتها .. اكتفيت بالسكوت .. لان اصلا ماعرف شاحجي ..!؟

سيف : ممم .. عيونج .. رفعيهن بعيوني

سما : حيلي كام يرجف اريد اشرد .. راح ابجي .. اذا رفعت عيوني اموت بمكاني

سيف : و تالي .. داكول رفعي عيونج ..

سما : اريد اروح .. 

سيف : صوتها يرجف حيل ...!!؟

اريدهن ..

سما : عفية اريد ارووح .. الله يخليك

سيف : كامت تبجي ..  لهاي الدرجه اني اخوف ..؟؟؟
وخرت ايدي .. و طارت الا اشوي ..!!

سما : بس رفع ايده .. روحي احسها طير بقفص و فتحوا قفصه .. ماحسيت ع روحي الا بالغرفه ..

الحمدلله .. الحمدلله ..

اباوع ع حيلي كله يرجف كعدت .. لا ارادي كمت ابجي .. خليت ايدي ع حلكي ماريد يسمعني .. و ماكدر اوكف من البجي و ماعرف ليش دابجي ..

عيووني ربي عيووني عيووني شبيةةة ..؟؟ شبيةة ربي شبيةة ..؟؟

گلبي ديوجعني بس وجع غريب .. احس روحي تحب هذا الوجع .. وجع اول مرة احس بي ..

سيف : رجعت بالهول كعدت حتى نسيت شاريد  .. راح اتخبل .. ليش تخاف مني ..؟ ليش تبتعد هيج ..؟  مابدر مني اذية .. شسوي و اكسب ثقتها .. گلبها .. اكو شي بية يخوف ...؟؟!!  راح تملخني بتصرفاتها .. اتملخت .. 

سما : متعشيت .. و لا طلعت من الغرفه اصلا .. ماخاف منه انو ياذيني او شي .. اخاف من فكره احب و اتعلق بي .. لان تعلقت بحسن قبله و خذلني ..

داحس بشعور من اشوفه ما جنت احس بي ويا حسن ...!  حسن صلة الدم و مشاعره تجاهي خلن شي بداخلي ينمو و اعتمد عليه بوحدتي و اتامل منه يحميني .. صح ما تقربنا من بعض و لا اعترفنا واحد للثاني بمشاعرنا .. بس جنت اعتبره الوحيد الراح يبقالي بعد اهلي ... و نخذلت .. حيل نكسر گلبي حييل .. بس سيف ....!!!!