لبنى..حياتي حلوة لان ماخذة راحتي عالاخر اطلع اوكف ويا شباب المنطقة واتشاقة ويااهم واتكبر عليهم 😁😁يعني كل كلامي ويااهم فشار افشر عليهم وهمة يضحكون بوجهي ويتمنون اكبل ويااهم بس ابد ماانطيهم مجاال...طبعا اني كل لبسي برمودات ضيقة وشعري طويل سرح وكل شي على اخر موديل...
خلصت العطلة الي قبل الامتحانات وبلشت اول اياام امتحان...عندي سيارة 🚗 خاصة تاخذني وين مااريد..
وحتى بالمدرسة كلش متكبرة ودائما ارفع خشمي😁😁..ومااحجي ويا البنات الفقره عندي صديقات اثنين من عائلات راقية اثنيناتهم كل الوكت انقضيها سوالف وضحك ومسخرة على البنات..فد يووم عندة طالبة ويانا بالصف جانت حالتهم المادية ظعيفة كلش قبل يومين من نهاية الامتحانات جان صدريتها تعلق بالرحلة واتمزقت..ثاني يووم اجت ومخيطة الصدرية ومامشترية جديد اني وصديقاتي اليوم كلها كضيناها ظحك عليها..لدرجة اخر مادة ماحظرت امتحان واجلتها..
خلصت الامتحانات واني كالعادة لبسي وترتيبي وشعري وبالمنطقة كلهم يعرفوني وكلهم يتمنون احاجيهم واني طبعا افرح من اشوفهم كاتلين روحهم علية...اتكبر دائما عليهم 😏😏ويفرحني هذا الشعور..
الى ان اجا ذاك اليووم واجوا عائلة جديدة لمنطقتنا 👀👀
العائلة عبارة عن شاب وامة وابو..
طبعا الشاب حلووو وطويل وكشخة وطالب بالجامعة وابو رجال جبير بالعمر ومتقاعد وامة استاذة جامعية..
اني كلش فرحت من شفتهم وكلت بنفسي حلوو معجب جديد ههههه...الا اذلة مثل كل هالشباب ههههه...
جنت اتعمد اطلع بطرقة من اشوفه بس هو ابد ماجان يهتم لامري جان كل همه دوامة ....ومن يصير عندة فراغ يكعد ويه اهله لو يطلعون ويتونسون😭😭
اني كمت ازحفلة 😂😂بس هو ابد ماينتبهلي...
الا ان ظجت كلت لازم اخلي حد لهذا الزعطوط شنو شايف نفسة اني الي كل شباب المنطقة يتمنون احاجيهم هذا جاي هسه يتكبر على راسي😡😡...
الا اخليك تندم يا ادهم....
ادهم؟؟؟
اي صحيح نسيت اعرفكم على نفسي
اسمي ادهم شاب كشخة بمعنى الكلمة عمري ٢٣سنة طالب في كلية القانون..ووقت العطلة اشتغل سكرتير عند محامي اتعلم منه لمااتخرج وافتح مكتب لنفسي بالمستقبل...واني احب بنت خالتي وخاطبتها انتظر اتخرج حتى نتزوج..
ابوية رجال جبير بالعمر متقاعد وكلشي بالنسبة الي بالهالدنية هو الي تعب ووصلني لهذا المستوة
وامي استاذة جامعية مابقالها شي وتطلع تقاعد...
واني احاول قدر طاقتي اخلي راسهم مرفوع واسعدهم باخر عمرهم..
اكو وحدة بالمنطقة اسمها لبنى ابنية كلش متكبرة ولبسها ابد مايعجبني ...وهي ماادري على شنو شايفه نفسها اهواية..
من شافت مااهتم الها كامت تزحف علية😂😂 بس خلي تولي مااحب هيجي نماذج...
يتبع....
------------------------------------
يا ترئ شنو راح تسوي لبنئ حتئ تاخذ اهتمام ادهم 🙊
أنت تقرأ
متكبرة 😎✌
Roman pour Adolescentsتتحدث هذه القصه ع بنيه مراهقه بسبب دلال ابوها الزايد الها توكع بهواي اخطاء تخليها تخسر كولشي واهم شي اهلها وحريتها وبعدها شرفها كل هذا بسبب التكبر والغرور الي عاشت بي القصه هالمرة مو عاطفيه وانما قصه مراهقه وللأسف ما أذت نفسها فقط وانما افراد اسرتها...
