متكبرة 😎✌

البارت الثاني عشر

البارت١٢
لبنى...رفعت راسي شفت نفس ذاك الرجال الي اجا على خطبتي كلت انت شتسوي اهنا؟؟؟ كالي مو اني زوجج  عامر شنو شاسوي اهنا...اني مالزمت نفسي وعيوني صارت تجري غصبا ماعلية 😭😭😭...هذاك اليوم جاان اسوء ايام حياتي  جان رجال جبير متوحش واخذ الي يريدة بعنف وغصبا عني😭😭😭..
المهم بعد مااخذ طلع من الغرفة واني ظليت ابجي واصيح الا ان تعبت من البجي وغفيت...كعدت على صوت وحدة فوم راسي كتلها انتي منو..كالت اني زوجتة عامر الاولى وعندي ٦ اطغال كومي اشتغلي يالله..جيتي وخربتي بيتي...صيحت وكلت فوكاها عندة زوجة واطفال كالتلي واشعبالج لعد الا اخليج تندمين عالساعة السودة الي قبلتي بي تتزوجين عامر...
لبنى...كمت ابجي واصيح بس ماكو بيدي شي رجعت نفس الحالة خدامة لزوجة عامر وجهالها وامه...وفوكاها بس افتح حلكي عامر يشبعني كتل...بقيت على هالحال شهرين الى الى ان اجت امي تزورني اجت شافت حالي وشافت وجهي وجسمي عليه اثار ضرب تخربطت واجا اخوية اخذها عالمستشفى واني عامر مايقبل اروح ازورها...ظليت ابجي واتوسل هو قفل ابد مايخليني وفوكاها بس يضربني.. بعد ٥ ساعات اخوية خابر كالت امج ماتت😱😱😱
واني راسا فقدت وصرت اصيح واعيط الجيران التموا واخذوني بيت اهلي غصبا على عامر..بقيت بيت اخوية الى ان خلص العزاء واني بس ابجي واالطم..اجت زوجتة اخوية كالت اليوم قبل مايجي اخوج تطلعين منا بعد اشعندج باقية حتى امج ماتت.. كتلها ليش ليش هيجي تسوين بيه.  كالت نسيتي اشلون افتريتي علية وخليتي ابوج يطردنا من البيت😞😖 عبالج ناسية كل هاي. 
كلت اوكي راح اروح...فعلا اخذا تكسي ورحت بيت عامر...عامر اول مازصلت لزمني كتل كلي فشلتيني كدام الجيران ياعااار عبالج مااعرف سوايتج بالسجن ياخريجة سجون...طلع زوجة اخوية كايلتلة كل شي...بقيت بيت عامر كل يوم كتل بقيت شهر تقريبا بعد وفاة امي كل يوم كتل وفوكاها كل الشغل علية...الا ان اجا فد يوم سكران😳😳😣 وجايب ويا رجال غريب 😢😢😱😱 دخلة على غرفتي كاله هي هاي استلمها اني صيحت لزمني كتل بالكوة طلعت من ايدة وانهزمت واني حلكي ووجهي كله دم.. طلعت اركض بالشارع وهو وراية يكولي ارجعي الا ان تعبت كلش مابقة بي حيل  شفت باب 🚪🚪مفتوح ذبيت روحي بي حتى بس اخلص روحي... شفت بالحوش كاعدة مرة جبيرة دارت وجهها علية شفتها ام ادهم...
يتبع...