#قصه_الصدفه_
للكاتبه فردوس عبد اللطيف
الجزء الاول
القصه حقيقيه
بسم الله الرحمن الرحيم
على مواليد1950 يعيش بالبصرة مع ابوه حسين وامه سليمه واخوانه واخواته اخته انهار مواليد1959وبعدهه محمود مواليد1960وازهار مواليد 1969 وقتيبه مواليد 1972
حالتهم الماديه متوسطه يعتاشون على محل لبيع الادوات الكهرباءيه بالجمله
اكمل على دراسه الاعداديه بمعدل يؤهله لدخول كليه القانون وقدم اوراقه للانسيابيه وكانت امنيته يدخل كليه القانون ويعمل ضابط لكن كون ابوه من التبعيه الايرانيه كان من المستحيل يتعين بهكذا وظيفه بزمن النظام السابق لكن ممكن يكون محامى لذلك بعد تفكير عميق قدم لكليه القانون
بعد ما استلم النتيجه بقبوله كليه القانون بجامعه بغداد
سافر الى بغداد العاصمه بالقطار ونزل بمحطه العلاوى وكانت اول مرة يزور بغداد انبهر بجمال المدينه والازدحامات حيث لاتوجد ازدحامات بمدينته لكن العاصمه كبيرة والى مايندل ويعرف يدوخ ..اخذ تكسي الى الجامعه المستنصريه وقدم اوراقه وقبل مايقدم حاول عدم تبيان لقب وتبعيه والده لايران عسى ولعل يتعين بعد تخرجه ويحقق حلمه
دخل الجامعه ..بقى صافن الله شنو هالبنايه الحلوة اقسام كثيرة
على...الله شكد حلوة الكليه شنو هالبنات الحلوات انى صحيح خجول وما اباوع لكن لفت نظرى البنات غير شكل لبسهم مختلف تحرر اكثر يمكن عدنه لان محافظه صغيرة وعاداتنه تختلف لكن هذا اول يوم
دخلت قسم القانون لكيت مجموعه من الطالبات والطلاب كل واحد يمسك فايله وينتظر لتقديم مستمسكاته للموظفه كانو الطلبه من مختلف المحافظات والبصرة كنا 5 طلاب و4 طالبات قدمنه اوراقنه وتعرفت على زملاء بس 2 كانو جايين بذاك اليوم وكملنه كل الاجراءات والولد كالو يالى مادام كملنه خلى نروح نغير جو ونقضي وقت ممتع باجواء بغداد لكن انى اعتذرت ما اكدر ابقى لان لازم ابات واهلى يقلقون على كتلهم راح ارجع للبصرة
يمعود لاحكين على حر البصرة دخلينه نتونس اشبيك على
عينى انتو كاعدين يم اقاربكم انى وين اروح تالى الليل خلى ارجع عالبصرة من هسه احسن لى
بكيفك السنه طويله ووين تفلت من عدنه
انشاء الله بس اروح للكاظم ازور وبعدين ارجع...مع السلامه
الله وياك علاوى فرصه سعيده
رحت للكاظم زرت واندعيت لاهلى وكملت وراها رحت للكراج وعالبصرة
طريق طويل وممل وصلت نص الليل اهلى اخترعو هاى شرجعك بهالليل كان بقيت للصبح ورجعت
مو تعرفون ما احب الفنادق وما اعرف اغير مكان نومتى جبتلكم دهينه من الكاظم وحلويات تعالو اكلو...وخلونى انام وبعدين احجيلكم على سفرتى
حسين المهم ابنى كملت اوراقك
الحمد لله يابه كملت بقى كم يوم واروح اسو ى فحوصات تعرف اجراءات عاديه
الله يسهلك ابنى ويوفقك واشوفك باعلى المراتب
تسلم يابه هاى دعوتك تكفينى
كملت كلشي ومابقى بس يصير موعد الدوام...
الله يمته يبدى الدوام واروح اداوم مشتاق للكليه واجواءهه احسهه تختلف عن كل مراحل حياتى
اشتريت ملابس للكليه كان بوقتهه زى موحد حضرت كل احتياجاتى وامى خطيه ترتب بالجنطه ودكول خومناسي شي يوم اخاف تتبهذل ببغداد
يوم اذا ترحين لبغداد وتشربين مايهه وتشمين هواهه بعد تشتاقيلهه مدكدرين مدينه حلوة ومرتبه بناياتهه شوارعهه اسواقهه الله يوم كلشي بيهه حلو
ظلت تبجى ام على..بس راح نشتاقلك ومكانك خالى انت يوم واحد غبت عنا بقيت الوب
حظنتهه ...يوم خلينى اشوف مستقبلى ولاتبجين دموعج تاذينى بدل ما تبجين ادعيلي الله يوفقنى
يمه بكل صلاة ادعيلك مودع بالله
للحكايه بقيه f
