#قصه_الصدفه_
للكاتبه فردوس عبد اللطيف
الجزء 11 والاخير
بقو تقريبا ساعه يبجون وهما عالارض والناس ملتمه عليهم تريد تفتهم شنو الموضوع بعد ما هدءو من اثر المفاجاءة بلغو على زوجته جابت ولد راح والدموع بعيونه وبوس زوجته وكله هذا ابنج جابلي احلى بشرى بحياتى شفت اهلى شفت اخوانى ابتسمت ....مبروووك
راح اسمى بشار
لا انى اريد كرار
عود من نرجع نتفاهم
طلع من يمهه وراح على اخوانه ابو بعده ما مبلشين بعمليته كلم الدكتور ووصا على ابو
احجولى امى وين انهار وازهار وين صارو ابوى اشبي ليش عمليه
بقى يسمع منهم ودموعه تنزل بدون توقف لان عرف عايشين حياة بسيطه وفقر بعد ما كانو بخير وعز
هاى تاليتهه ابوى بهالعمر يشتغل ويوكع وتنكسر ايده مع الاسف وانى موجود بعد ما يخلص ابوى عمليته اريد اروح اشوف امى خواتى
كمل ابو العمليه
طلع بغرفه الانعاش وبالبنج بعده فتح عينه شاف واحد يبوس بي ويبجي
منو هذا شنو حلم لو حقيقه لو تاثير البنج
طبعا الاب اثناء العمليه حلم بعلى وشافه بالحلم
فتصور هذه تهيؤات
على يابه الحمد لله على سلامتك
الاب ميكدر يتكلم
لسانه ثكيل ولا يكدر يفتح عينه بس يسمع
ومامصدك
بقى ساكت بعد ماشاف الولد يكلمو على وعلاوى افتهم ان هذه حقيقه وفعلا هذا ابنه علاوى بقى يبجى مد ايده يريد يحظنه دنك عليه علاوى وحظنه بقو يبجون لحد ما اجه الدكتور وكله موزين عالمريض
علاوى نسه زوجته والطفل واحتار باهله
استاذن من ابو يريد يروح لامه يشوفهه
اخذ وياه محمود وبقى قتيبه يم الاب
وصلو لبيتهم شافه بيت قديم بسيط اخذت كله محمود انى ادق الباب
دق الجرس جاوبته منو
انى
الام سمعت هذا صوت ابنى علاوى بس مستحيل شيجيبه يجوز واحد يشبه صوته هى تفكيرهه مشغول بزوجهه وبالمشفى
فتحت الباب شافت علاوى نفس الملامح بس كبران متغير لكن عن كلب امك ما تتغير
بقت صافنه مبهوته
راسا حظنهه يووووووم
يمه علاوى هذا انت اغمى عليهه وكعت بين ايديه جابولهه ماء وعطر لحد ما فتحت عيونهه وجهه اصفر تعبانه متغير شكلهه شعرها ابيض يباوع عليهه على ويبكى شكد تغيرتى يوم وجهه رسمت بي تجاعيد بعد ما كانت جميله ضعفانه
يوم شصاير بيج ليش هيج متغيرة
يمه انت كل هالسنين مانعرف عنك شي نار بكلبي من اذكرك من اكعد اكل اكول وينه وليدي شياكل الان ولك غيابك حرك كلبي بعد يا شكل ياصحه كله فدوة الك يوم انت عايش وجنت اكول خاف اشترك بالحرب ومات ومرة اكول رحت الى لندن وكلشي فكرت
يوم انى بايران 25 سنه ودورت عليكم ماكو
يمه تزوجت اشو لابس ضابط
اى يوم تزوجت وانى ضابط بالحرس
يمه فدوة لطولك تستاهل يارفعه راسي
بقى ساعه ورجع لزوجته وابو بالمشفى
يوم الثانى طلعت زوجته وداها للبيت ورجع على ابوه بقى للعصر وطلع
راح يمهم بقو يسولفون على ضيم السنين الى مرت بيهم
اجوى خواته وازواجهم واطفالهم وهم صارت بجى ومناحه تعرفون هيجي لقاءات الدموع تنزل بدون توقف
اخذ اهله يم زوجته امه وابو
بس اميرة ايرانيه.... بدت تتنحس وتتعارك ويه علاوى لكن هو شخصيته قويه ومع هذا بدت تضايق اهله امه وابو قررو يرجعون لبيتهم
ليش يابه ترجعون زوجتى مضايقتكم
لا ابنى احنا متعودين على جيرانه ومنطقتنه
افتهم علاوى زوجته هى السبب بقى هذا الموقف يحز بنفسه بس هو ماعاف اهله بقى يتواصل وياهم ويساعدهم ماديا تقريبا كل يوم هو يمهم ماعافهم
انى انحرمت منكم كل هالسنين وانتو هم اريد اعوظكم سامحونى ولو مو بيدى كان فراقنا وانت يابه بعد ما تطلع للشغل مصرفكم على
بابا ما اعرف اكعد بالبيت
لا بابا عمرك مو مال شغل
بهالفترة سقطت بغداد وتشكلت حكومه جديده وكلهم يعرفهم علاوى واتصلو بي لتعينه بمنصب بالبرلمان او وزير
احتار مجاوبهم لان هو انسان نزيه وميريد ياذى احد صحيح كره العراق واهله لكن بي ناس طيبه عاش وياهم وحبهم وحبو
دخل النت وصار ممكن التواصل ويه اى شخص
وعلاوى بدء يبحث عن مها حاول يبحث بلندن من خلال اصدقاءة لكن ما موجودة بقى يدور عليهه بالعراق طالما بلندن ما موجوده عمرة مانساها حبهه بكلبه باقى
فد يوم دخل على موقع كليتهم وشاف اسمهه الدكتورة مها
تخبل وده يطير من الكومبيوتر ويدخل يشوفهه... المهم عرف مكانهه
طبعا اميره بتصرفاتهه خلته يكرهه ويفكر بمها اكثر
سنه 2006 تقريبا انقتل زوج منا الدكتور تاذت هواى بقت فترة وبعدين لازم تتحمل المسوؤليه لان عدهه اطفال
بس علاوى ميعرف صدفه يدور باخبار الكليه وشاف النعى وعرف هذا زوج مهاوى صحيح انقهر عليهه بس تقريبا هذا محفز يخلى يروحلهه بس لازم ينطيهه وقت عافهه مده سنه وقرر يسافر للعراق هم يطالب بحقوقهم بيتهم ومحلاتهم وهم يشوف مها لان يتامل يتزوجهه بعده حبهه بكلبه
زوجته اميرة اعترضت ليش تروح انت خلى اخوانك يرحون
انت معليج انى اروح
سافر على الى البصرة اولا كمل معامله اعاده املاك اهله وبعدها سافر الى بغداد بس طول الطريق دموعه تنزل يتذكر ايام شبابه من كان يروح بلهفه لبغداد حتى يشوف حبيبته ..ياترى بعدهم جميله وانيقه مثل ما كانت
وصل لبغداد نزل بفندق وراح للكاظم زار وصلى
اليوم الثانى الصبح كعد نشيط بدل وتعطر اليوم اروح للكليه واشوفج مهاوى حبيبه كلبي وعمرى
اخذ تكسي للجامعه دخل سال على مكتب الدكتورة
غرفتهه مقفوله يعنى عدهه محاظرة ميخالف انتظرهه ...انتظرج العمر كله مهاوى
يباوع عالطلاب ويتذكر ايامهم الحلوة مرت بسرعه بس شاف العراق متغير ماكو تطور بالنسبه لايران بلد انهكته الحروب عبارة عن خرايب بعد ما كانت بغداد اجمل عاصمه
جتى مها من بعيد نفس مشيتهه لابسه اسود ومناظر وحجاب متغيرة كبرانه معقوله هذه مها حبيبتى هيج السنين اخذت من جمالج
جتى ما نتبهتله دخلت لغرفتهه
دك الباب
تفضل
دخل علاوى
مها جالسه عالكرسي بمكتبهه وباوعت تفضل اخى
السلام عليكم بس كالهه بغصه مخنوك دموعه نزلت
مها عرفته من صوته مكدرت تجاوب بلعت ريكهه اشرتله تفضل
نزلت دموعهه نزعت المناظر
علاوى كالتهه بخنكه وكوة طلعت الكلمه
باوعت على ايده لابس المحبس ولابس حلقه
هو باوع شاف القلاده لابستهه يعنى بعدهه عالعهد
اشلونج مها
زينه الحمد لله انت اشلونك وين كنت
اوووو قصه طويله ورحله عذاب سنين وفراك حتى اهلى ما التقيت بيهم الا بعد 25 سنه تخيلي شحجيلج وانت شخبارج
انى ابوى توفى امى مريضه وعندى بالبيت وانى حاليا بيت اهلى
عندى بنات اثنين وولد
الله يخليهم
زوجى انقتل قبل سنه انت اشلون عرفت انى هنا
ضحك دورت بالنت
انى هم تزوجت ايرانيه وعندى ولد 2
الله يحفظهم الك
بقو يسولفون تقريبا ساعتين
بس مها عدهه محاظرة
كلهه ممكن نلتقى
تفضل عدنه اعرفك على عاءلتى
اجاهم العصر والتقى باطفالهه كبرو ابنهه شاب وبناتهه سن مراهقه وحده منهم تشبه مها بشبابهه
على...مها عندى كلام وياج
ماما روحي شوفى الاكل بالمطبخ
بقو وحدهم
مها انى بعدنى احبج واريد نتزوج وهذا حقنا
ابتسمت مها ...علاوى انى كا انكر انت حبي الوحيد بس الان ما ممكن هذا قدرنا حبينا بعض بشبابنه وتفرقنا لاسباب ما النه يد بيهه وصدكنى انى مرت على ايام كرهت حتى نفسي كنت اشوف الدنيا بيك وبلياك اعتبرهه مو دنيا لكن الان فات الاوان احنا كبرنه وعندى مسؤليه اطفالى كبرو خسرو ابوهم وانى الان امهم وابوهم وهذه امانه ولازم اصونهه مو افكر بنفسي اعتذر منك وخلينه اصدقاء نسال على بعض بالايميل وتبقى انت اعز انسان بحياتى
علاوى بقى ساكت دقايق بعدهه كلهه انى احترم رايج ويبقى عرض الزواج مفتوح طول عمرى وانى باى وقت تحتاجينى بس اتصلى بي واذا غيرتى رايج انطينى خبر وانطاها ارقام تلفوناته وطلع سلم عليه ودع كلبه يمهه لان حياته بدون مها خاويه مابيهه حلاوة بس هذا قدرهم حبو بعض لكن ماكانو لبعض رجع لايران
وبقى يتواصل ويه مها لكن بحدود علاقتهم مجرد واحد يتطمن عالثانى
اهل علاوى اخذو حقوقهم واملاكهم واشترو بيت باصفهان حلو واخوانه فتحو محل بالفلوس الباقين وابوهم بقى بالبيت معزز مكرم وولده يصرفون عليه
علاوى مانسى مها وهذه القصيده يهديهه لمها
مو ذنبنا يضيع حبنا
القدر والناس ضدنا
جنه روحين بنبض
وكلنا ابد ما نختلف
جانت الايام حلوه
وروحي لروحك فدوه
بسرعه كلبت علينه
دنيه غداره ولئيمه
حسره نشتم الهوه
وحلم نلتم سوه
بقت بس ذكرى
حزينه
حبايبي ارجو ان تكونو استمتعتو بهذه القصه وابطالهه موجودين وحصلت بالفعل مع تغيير الاسماء للخصوصيه
ترقبونى بقصه جديده
الكاتبه فردوس عبد اللطيف f
النهايه
