#قصه_الصدفه_
للكاتبه فردوس عبد اللطيف
جزء 9
مرت سنتين على علاوى كانهه عشرين سنه نفسيته تعبت يحسب الايام ويتمنى تخلص ماكو ومحد يزورة لان ماعنده احد بس عهود وزوجهه وهم ميعرفون مااكدر اوصفلكم شعورة يمكن الانسان من يسجن يزورو اهله يخفف عليه ويبقى ينتظر الزيارة الثانيه لكن علاوى شينتظر وميعرف مصيره
اهله تقريبا استقرو بمدينه اصفهان بس الولد خسرو مدارسهم واشتغلو عمال بالاجرة بعد ما كانو اصحاب محلات بس مانسو علاوى ودايما يراجعون مكتب الاغاثه بلكى يشوفون اسم علاوى جاى بقو بحسرة شوفته كل ما يجلسون على سفرة الطعام يتذكرونه والاكلات الى يحبها تبقى امه تبجى وتنتظر جيته
كملت فترة السجن السنتين وسلمو الامانات الى هى مبلغ من المال والمحبس الى هدته اله مها اخذو بسيارة ومن حدود ديالى سفرو الى مدينه كرمنشاه الايرانيه
هناك استقبلو عالحدود وسجلو اسمه ووضع فى مركز ايواء المسفرين
مدينه كرمنشاه جبليه وجميله بس عيونه ماتشوف هذا الجمال لان قلبه حزين فقدان الاحبه والمصير المجهول ولو كان اخطاء ممكن يكول هذا عقابي مرات يسال نفسه ليش الى صار بي لكن يرجع يستفغر ربه ويكول هذا اختبار ولازم اصبر ان مع العسر يسرا
بقى بمركز الايواء مده سته اشهر الجو بارد مامتعود على هيج جو تمرض فترة وبعدين جسمه تعود تم نقله الى طهران هناك اشتغل وسكن بمجمع بي المسفرين (مخيم) وعلاوى عنده طموح دخل كورس لغه وتعلم اللغه الايرانيه خلال 3 اشهر وصار يترجم مابين اى شخص ياتى للمخيم ومابين العراقيين بالمركز
اجتى فتاة صحفيه تعرفت عليه وطلبت منه يترجملهه مقابلاتهه مع العوائل ومشاكلهم
كان اسمها افسانه معنا بالعربي (احلام) انسانه رقيقه وتحب تساعد الناس وتنقل معاناتهم
فسالت على عن احتياجاته واى مساعده ممكن تقدمهه اله
كلهه اريد ادرس القانون الايرانى واريد اصير ضابط
ابتسمت وليش ضابط
كلهه هذا حلمى من طفولتى
قدمتله عالجامعه بطهران
وانقبل وبدا يدرس القانون
بدت الحرب العراقيه الايرانيه وتازمت الاوضاع غير القصف بوقتهه لكن على مستمر بدراسته بالكليه تعرف على شابه اسمهه اميرة كانت جميله وتعلقت بي بس هو كلبه ويه مها
اميرة ابوهه ضابط كبير بالجيش وخلال حديثهم عرفت طموح على يصير ضابط
اميرة ..انى ممكن اساعدك واكلف بابا يسويك ضابط بعد التخرج
فرح طار من الفرح ...صحيح كان حلم لكن ممكن يتحقق بيوم من الايام مهما مرت علينا ظروف صعبه
اميرة بس خلى اكلم ابوى
بعد ماكلمت ابوها ..
سال كالو ميصير عراقي لازم عنده جنسيه ايرانيه
من سمع انقهر بس الحل موجود الا اذا يتزوج ايرانيه..وبالفعل خطب اميرة وعقدو وقدم عالجنسيه الايرانيه وبمساعدة ابوهه وعلاقاته حصل علاوى عالجنسيه الايرانيه
تخرجو من الجامعه وتم زواجه من اميرة
هو صحيح كلبه متعلق بمها لكن مها حتى بالحلم بعيده واميرة تعلقت بي وحبته لذلك كان مرتاح
مها كملت دكتوراه وتعينت استاذه بالجامعه
بغداد وبنفس الجامعه الى كانو يدرسون بيهه
تقدملهه اكثر من شخص كانت ترفض بس بالاخير ايست من علاوى وعرفت تسفرو بس هو وين متعرف اخر شي وافقت تتزوج استاذ وياها دكتور كان متزوج اجنبيه وطبعا ما قبلت تجى للعراق عافهه وتقدم لمها وتمت خطوبتهه وتزوجت بعد 6 اشهر...بس مانست علاوى وحبه الى بكلبهه
نحن مسيرين وليس مخيرين مهما كانت احلامنه وامنياتنه لكن طريقنه يسير بارادة الله وليس بايدينا
اخوان علاوى كبرو وتزوجو باصفهان حتى اخته تزوجت
علاوى بعد ما استلم الجنسيه قدم على الجيش (الحرس) وبمساعده ابو اميرة تمت الموافقه على تعينه كضابط بالحرس
للحكايه بقيه f
