#قصه_الصدفه_
للكاتبه فردوس عبد اللطيف
الجزء 6
رجع على للقسم يغنى وفرحان اسعد انسان بالدنيا باجر التقي ويه حبيبتي وحبيبه عمرى ويغنى حا ابالو بكرة اصدقاءة محضرين شنطهم ويردون يرجعون لاهلهم وينتظرون على
فتحو حلوكهم وصفنو هذا اشبي وين كنت اشو اختفيت ماشفناك من طلعنه
بوسهم كنت مع حبيبتى
منووووو مها
اى اشبيكم
ولك يرادلهه كعده وعزيمه يالى امشي غدينه وسولفلنه
تستاهلون الغدا
راحو يتغدون وفرحو لفرح علاوى
عدنان زبن احنا نروح وانت براحتك ابقى
اى باجر نلتقى وراها يمكن ارجع للبصرة
سافرو اصدقاءة وهو بقى حضر ملابس انيقه وكواها ويغنى لحد ما صارت بالعشرة الصبح
كان واكف ينتظرهه بالزوراء بالباب
مها
رجعت للبيت اسعد انسانه بالدنيا ..بيبي احبج مشتاقتلج
يمه حبيبتى وين كانت هالضحكه الحلوة
جوعانه ميته جوع
يمه بنيتى تعالى اصبلج خوش باميا
يالى بيبي ابدل واجى
كملت راحت تباوع شتلبس بكرة اللقاء مع الحبيب
حضرت كلشي ملابس اكسسوارات
نامت اول مرة تنام مرتاحه البال
صار الصبح
كعدت بدلت وكشخت وطلعت وصلت بالموعد شافت علاوى ينتظر بباب الزوراء
هلو حبببي
هلو حبيبتى اشلونج
مشتاقتلك
خلى ندخل
دخلو يتمشون ويسولفون
على....مها لازم تدرسين حتى تمتحنين دور ثانى وتنجحين ويانه للثالث
اى على لعد مراح اسافر راح ابقى ادرس واريدك تساعدنى راح اكل لبيبيتى اذا وافقت تجى تدرسنى
ميخالف بس انى ما اكدر ابقى هوايه ببغداد اريد اشوف اهلى مشتاقلهم اجى بالشهر مرة اسمعلج المنهاج واشرحلج الى مفاهمته
اوكى..ولو كان ودى تجى يوميه واشوفك بس راح اقرى حتى انجح واصير وياك بنفس الشعبه
صارت 12 ظهر
على يالى حبيبتى امشى نروح مطعم نتغدى
تغدو وكملو
وصلهه بالتكسي لبيت بيبيتهه عرف المكان بالاعظميه واندل البيت واخذ ارقام تلفون بيبيتهه وتلفون بيت اهلهه وتلفون بيتهم بلندن اخذ كل الارقام
ورجع للبصرة
بقت مها تدرس حتى تعوض الى فاتهه وتسجل ملاحظات الى مفاهمته
رجع على لبيتهم هالمرة غير شكل مرتاح وكلبه مشغول بحب مها وتعرفون لما الشاب يحب يصفن ويسمع اغانى ويعيش اللحظه
كان يتصل بمها يوميا ويسولفون على كل تفاصيل حياتهم
الا شي واحد مها ماتعرفه عن على ...هو من اصول التبعيه يخاف يكللهه وتتخلى عنه ميريد يخسرهه
ورة فترة راح لبغداد زارهم بالبيت وكعد يدرسهه بعض المواد والمهم انهم يتشاوفون لان حبهم وتعلقهم ببعض لازم يلتقون
كملت العطله وامتحنت مها ونجحت
سافرت لاهلهه اسبوع واحد شافتهم ورجعت
بدء الدوام الدراسي للصف الثالث وعلى ومها مايتفرقون كبر حبهم وتعلقو ببعض والزملاء كلهم يعرفون بحب مها وعلى بس هما مايخجلون من هذه العلاقه لانهه كانت طاهرة وشريفه من كثر حبه الهه مافكر يوم يمسك ايدهه لانه متربي على الالتزام بالدين بس شي واحد شاغل تفكيرة هو اخاف ابوها ميوافق لانه تبعيه هذا الموضوع مارقه وميكدر يصارحهه بي
مرت السنه عليهم بسرعه وبدون مشاكل لان حبهم مبني على اساس التفاهم
وراها بالمرحله الاخيرة السنه الرابعه وعلاقتهم وحبهم يكبر وياهم
على....حبيبتى هالسنه نتخرج وراها لازم اخدم عسكريه شوكت اخطبج
حبيبي..بالعطله ورة حفله التخرج اهلى راح يجون وانت جيب اهلك خلى يخطبونى
معقوله علاوى نتزوج ونجتمع بيت واحد
ليش لا اكلج خلى نتفق على اسماء اطفالنه
الولد انى اسميهم
والبنات عليج...شدكولين
ميخالف انى اسمى بنتى سوسن وسراب...
اصدمنى باسماء الولد
الولد اسمى احمد...الله ابو احمد وانت ام احمد شكد حلو
والثانى امير
الله حلوة الاسماء
بنهايه السنه اشترالهه هديه كلاده بيهه قلب
على...حبيبتى هاى الكلاده ابد ماتنزعيهه طول حياتج
تدلل عمرى حياتى وياك
هى هم جابتله محبس فضه وبي فص عقيق يمانى لونه احمر اريدك ماتنزعه طول عمرك
صار حبيبتى
تخرجو من الكليه بعد بقت مها تنتظر اهلهه يجون لبغداد حتى يتقدملهه حبيب كلبهه على
على.... يوم عندى كلام وياج
كول يمه
انى قررت اخطب
اى فرحنى يابعد امك كلووووووش
يامعوده فضحتينه
شنو فضحتك هذا يوم الهنا منو هالسعيده هاى
وحده وياي بالكليه
خلى افرح ابوك
حجت ويه الاب هم فرح وصاحه لعلى تعال ابنى احجيلي منو هاذى الى اخذت كلبك
يابه زميلتى بالكليه بس ترى ابوها سفير
شنو شجابك عليهه
يابه زميلتي وحبيتهه
يا ابنى انت تعرف احنا تبعيه يعنى نعتبر عجم تعتقد اهلهه راح يوافقون
والله يابه ما اعرف
احنا نحاول والى كاتبه الله يصير بعدين ترى بس خطوبه لحد ما اكمل العسكريه
ميخالف ابنى ولو انى متوقع الجواب بس راح اسايرك والى كاتبه الله يصير
اجوى اهل مها ومر اسبوع
مها....ماما عندى موضوع
كولى يوم اشبيج
اكو زميل وياي بالكليه يريد يتقدملى
منو هذا اهله منو ابو شيشتغل
ماما خلى يجون وافتهمو
خلى اشوف ابوج يحدد موعد
حددو موعد
سافرو اهل على لبغداد
كان يوم جمعه العصر
تحضرت مها
على وامه وابو
خطبوهه وابوهه اخذ الاسم حتى يسال
كلههم احنا نردلكم خبر
ابو مها علاقاته واسعه
خلال شهر حصل على كل المعلومات بس ما حجه خلاهه سكته لان افتهم مها تحب على واذا يعترض راح تص
ير مشكله
ابو مها...يالى حضرو جنطكم حجزت بعد يومين نطلع لندن
مها اصفر وجهه
راحت لغرفتهه
صاحت لامهه
ماما اشو بابا ما جاوب اهل على
ما ادرى يوم يجوز بعده ما محصل معلومات
زين ليش نسافر
يكول مخابرى شغل مهم ولازم نروح
ماما خلينى ابقى
قبل كان عندج دراسه هسه ماكو حجه يالى حضرى ملابسج
اتصلت بعلى اهله كلولهه التحق بالخدمه العسكريه والان بمركز تدريب الحله
اضطرت تسمع كلام ابوهه وتحضر نفسهه للسفر
للحكايه بقيه f
