#قصه_الصدفه_
للكاتبه فردوس عبد اللطيف
جزء 8
على يداوم بالوحده العسكريه كلشي ميعرف بس كلبه مقبوض ميعرف خسر حبيبته لو قلق على اهله اجازته الشهريه 7 ايام نزل وسافر للبصرة
وصل لبيتهم الصبح وصل يم الباب شاف مشمع شمع احمر ماصدك ظل يدك بالباب لحد ما سمعه جيرانهم طلعله ابو جعفر
صباح الخير عمو علاوى الحمد لله عالسلامه
الا علاوى وجهه احمر ودموعه تنزل وميريد يسمع الخبر بقى يدق بالباب
عمو ماكو احد اهلك سفروهم طبعا ابو جعفر نزلت دموعه واختنك من حجاهه لان جيران عمر وياهم
ظل يلطم ويبجى كعد عالارض اهلى وين راحو اشلون اشوفهم
عمو لايجون عليك تعال ادخل يمنه وارتاح وافهمك
دخل على لبيت ابو جعفر غسل وجهه بس هو بموقف صعب فقد اهله وميعرف مصيرهم وهو جندى ميكدر يتصرف اى تصرف بقى في بيت ابو جعفر بغرفه الضيوف وكله عمو هذا بيتك كل اجازة تعال هنا احنا اهل وعشرة عمر بينه
علاوى ساكت ولا كلمه بس دموعه تنزل واذا يريد يتكلم يختنك
شرحله ابو جعفر الى صار واشلون جرجروهم وصعدوهم بالسيارة وهما يبجون موقف مؤلم
وعلى ساكت ويبجي
بقى يوم واحد بعدين راح لبيت عهود بنت عمه بوقت زوجهه موجود بالبيت سلم عليه وانطا مبلغ كان ابوعلى مخلى لعلاوى حاسب حسابه وسلم على عهود بعدين زوجهه انشغل بمكالمه
باوع عليهه عهود انى اسف
على شنو ابن عمى
انى تخليت عنج خو ما كارهتنى
بالعكس علاوى صحيح احنا اخوان وتربينا سويه وانى عايشه ويه انسان راقي يحبنى واحبه ومدللنى بالعكس اشكرك
الحمد لله هسه ارتاحيت ربي يسعدج
اشكرك خوى
سلم عليهم وطلع
زوج عهود...علاوى امانه اى شي تحتاج انى بالخدمه
اشكرك ياطيب
راح شاف اصدقاءة صلاح وعدنان قضى وياهم يومين حتى ينسى
لكن شينسى ينسى اهل عاش وياهم عمرة كله ام اب خوات اخوان منو بقاله بالدنيا وين راح يلكاهم بعد
خلصت اجازته والتحق بوحدته العسكريه
بس مابلغهم كال بلكى ميعرفون بقى كم شهر من ينزل يروح لبغداد بالكاظم ويبقى بالفندق وراها يلتحق تغيرت حياته تغيرت فقد حبيبته وفقد اهله خلال كم شهر وهو مهدد باى لحظه بالتهجير انشل تفكيرة وين يروح يثق بمن ويحجيله الى صار وهو شيسوي بقى محتار وخايف متوقع باى لحظه ينكشف
طبعا اسمه موجود بالتهجير لكن بوقتهه كان بالخدمه المنظمه الحزبيه بالمنطقه ارسلت اسمه لوزارة الداخليه والداخليه ارسلت الاسم للدفاع وعلما عرفو اسمه تقريبا 4 اشهر عاش بيهم رعب وخوف
وصل كتاب الى الاستخبارات العسكريه باسمه
اجوى قبضو عليه الاستخبارات واخذو للتحقيق
فتحو تحقيق وسوال عن السبب الى خلا ما بلغهم كان المفروض يبلغهم بتسفير عاءلته اعتبرو جريمه وصدر حكم بسجنه 2 سنه بالاستخبارات
دخل السجن وهو مو مجرم شحجيلكم على ايام السجن الى كظاها سجن عسكرى هى الخدمه العسكريه بيهه عذاب شحال سجن عسكرى غرفه ظلمه اكل مو صحى معامله سيءة العذاب بعينه بس بقى عايش عالذكريات مرة يتذكر اخوانه وضحكهم ولعبهم مرة يتذكر امه وحظنهه الدافىء مرة يذكر ابوة وبس بيجى
ومن يتذكر مها ينسى همومه بس يعرف من المستحيل راح يكدر يتزوجهه
نرجع لاهل علاوى
مراكز الايواء كانت قذرة وسخه وهما متعلمين بيتهم نظيف اكلهم مرتب ونظيف ...فكرو يشترون بيت بالفلوس الى عدهم
دورو حصلو بيت قديم بمنطقه شعبيه وصغير...المهم ميدفعون ايجار
اشترو البيت وخلصت كل فلوسهم لازم يشتغلون الاب وولده بعد لا دراسه ولا مستقبل كلشي ضاع حتى الوطن ضاع
عايشي ببلد مايربطهم بي الا اصلهم لا لغه ولا عاداتهم كل هذا بعيد عليهم بس لازم يعيشون
بدء ابو على يبحث عن عمل والولد كذلك
طبعا بايران الوظيفه الحكوميه بس للايرانى يعنى هما يعتبروهم عرب فلازم يشتغلون عمال
والرواتب ما تسد عيشتهم اشتغلو عمال بورش السيارات والاب بمعمل تورنه
ورة فترة تزوجو البنات خواته انهار وازهار تزوجو من اشخاص مثلهم مسفرين وهم وظعهم تعبان بس حتى يخف الحمل عن الاب
مها بقت فترة محبوسه بالبيت بعدها امهه كلمتهه
ماما لحد يمته تبقين محبوسه
شتردينى اسو ى
كملى دراسه
فكرت مها شافت كلام امهه معقول..قدمت على ماجستير وبدت تدرس بالجامعه بعد ما اخذت كورس لغه وعدهه طموح تكمل دكتوراة
نرجع لعلاوى ..بالغرفه الظلمه حتى الشمس ميشوفهه الا مرتين بالاسبوع يطلعوهم بالشمس يتمشون قلق ميعرف بعد ما يطلع من السجن شراح يصير وين يودو اذا سفرو وين يلكى اهله
شتتوقعون يسفرو
للحكايه بقيه f
