#قصه_الصدفه_
للكاتبه فردوس عبد اللطيف
جزء 4
خلصت العطله الصيفيه كظيتهه بالمحل ويه ابوى اساعده بالشغل والعصر مابين اهلى واصدقاءى تعرفون وقت الدراسه انى بعيد عنهم ومتعود اتشاقى والعب ويه اخوتى احبهم كثير
خلصت العطله وحضرت ملابس جديده واكو كتب ارجعلهه بالقانون اخذتهه وياي تفيدنى حضرت امورى وبدت الوالده تتكاب ها يوم اشبيج اشو ضايجه
لا يمه مابي شي بس من تروح ينقبض كلبي مامتعوده على فراكك
يمه خلصت سنه بعد 3 وتاليتنى مكابلج وكاعد على كلبج
يمه فدوة اروحلك افرشلك كلبي واخى وساده الك
تسلميلي يا الغاليه
هم سويتلك كليجه وفطاءر وخبز عروق
يمه هم حملتينى موكلشي اكو هناك كلشي موجود
ميخالف يمه تاخذه من البيت اطيب
يالى اروح جوى الولد مع السلامه حظنتهه وبقت تبجى وسلمت على الوالد واخوتى ورحت
بس هالمرة احس فرحان يمكن لان راح اشوف مها ما اعرف انى كنت ما اكدر افارك اهلى يوم واحد وهسه رايح واشو كلبي مفرفح كون عاد تجى اول يوم مهاوى مشتاقلج
مها... بابا اريد احجز باجر دوام
وليش مستعجله اصلا بالبدايه ماكو شي
زين باباتى ليش ما تبقين هنا وادخلج جامعه وتدرسين هنا يمنه شكو رايحه
لا بابا عفيه هناك صديقاتى تعودت عليهم وكليتى وبيبي لا عفيه احجزلى الله يخليك
حجزت مهاوى واخذت شنطه وحده والباقى دزتهم بالشحن
داومو اول يوم على يفتر يدور ماكو مها ..شاف صديقاتهه وحدهم عرف ماكو بعدهه مجايه وما راد يسال عليهه
جتى ورة يومين الا علاوى كلبه مقبوض وضايج كانه مضيع شي
كاشخه وشم العطر من مسافه على عرف مهاوى وراه واكيد جاى تباوع عليه حاول ما يلتفت خلاها هى تجى تسلم
صباح الخير
صديقاتهه هلووووو هاى شنو ما عرفناج حليانه هى تباوع على علاوى بس رد صباح النور
لكن وجهه احمر وارتبك بس مسيطر
راحت قدمت طلب نقلهه لشعبه علاوى حتى تصير نفس الشعبه
بدت المحاضرة تفاجىء شافهه جتى وكعدت يمه
ظل كلبه يدك سريع
بعدين كال لازم اسيطر على نفسي
كلهه شجابج لشعبتنه
هههه مفاجءة نقلت يمكم
هى ما تشيل عينهه منه
صح اول محاضرة كلشي ما افتهم منهه لكن بعدين صار تعويد بدت العلاقه تتطور صارو يكعدون وحدهم يسولفون بدو صديقاتهه ..يسمعوهه كلام ها وين الرهن
هى متنطى بروحهه
اصبرو بعد وانى اخليكم تتفرجون
بس هى بداخلهه تحبه ومتكدر ماتشوفه اصلا رجعت علموده كان بامكانهه تبقى وتدرس بلندن لكن حبهه لعلاوى خلاهه ترجع
تعلقو واحد بالاخر طلعاتهم طباتهم سويه
بس كل هذا ما اثر على مستوى علاوى الدراسي
استمر بشطارته
مرت السنه كانهه ايام صحيح على ما صارحهه بحبه بس تصرفاته تدل على انو هو يحبهه ويغار عليهه
وهى كذلك تعلقت بي وتحبه وتغار عليه
لكن صديقاتهه ضاجو رادو يخربون بينهم
وحده منهم حجت لصديقه عدنان كلتله مها متراهنه ويانه توكع على وشوفهه وكعته
عدنان انقهر حيل واحتار اشلون يصارح على صعبه يعوفه وهو جاى ينضحك عليه
صاح لصلاح حجاله كله ترى مها متراهنه على علاوى اشلون نفهمه
بقو محتارين بالليل كعدو سويه
عدنان....علاوى انت تحبهه لمها
ليش هذا السوال
صلاح ..لا مو قصده شي بس اكو حجايه سمعناها ومانكدر نضمهه عليك انت اخونه وابن ولايتنه وصرنه اخوة بهذا القسم
خرعتونى شكو ماتحجون ليش المقدمات
سمعنا مها متراهنه توكعك بحبهه
على ...فتح عيونه تفاجىء شنو
اى اخوى ترى هيج سمعنه من العام هى متراهنه تخليك تعترف بحبك الهه
ها تدرون كنت مقرر اعترفلهه بحبي خلال هالاسبوع..لكن الله فضح مؤمرتهم يضحكون على شنو انى مضحكه لو مشاعرى لعبه
انقهر ذيج الليله مانام بقى يتكلب يفكر شيسوى
كعدو الصبح يالى كوم علاوى دوام
لا مابي انتو روحو انى تعبان مانايم
بقى يفكر... بدل ملابسه وسافر للبصرة بدون ما يخبر اصدقاءة
اصدقاءة داومو بقت مها محتارة تسالهم لا
بعدين هلو صباح الخير
هلو صباح النور
لعد وينه علاوى
اليوم ماعنده خلك ما داوم
ها مريض
لا بس تعبان البارحه سهر
رجعو اصدقاءة تفاجؤ مالكو سالو كلهم المنظف شفته بدل واخذ جنطه سفر صغيرة وطلع
علاوى وصل للبصرة بس طول الطريق ساكت ودموعه تنزل بدون توقف ليش هيج مها مو حبيتج من كل كلبي اشلون راح انساج شراح اسوى ربي ساعدنى
وصل لبيتهم عيونه حمر من البجى تفاجءت امه يمه اشبيك سلامات خو ماكو شي
لا ماكو شي
ليش عيونك حمر
لا هاى تراب دخل بيهم من الطريق
خلى اصبلك غدا لو تنتظر ابوك
لا يمه ما اشتهى
بقى على بالبيت مده اسبوع بس نايم بالسرير يفكر صحيح الكلام يعنى مها ما تحبنى بس مخليتنى اضحوكه لصديقاتهه
قرر ويه نفسه لازم يصير قوى ويواجه هاى المشكله مهما كانت النتيجه
مع انه بقى اسبوع اكل قليل وطريح الفراش
لكن قوة الاراده خلته يصير اقوى من الموقف وقرر يواجه مها امام زميلاتهه بعد ما يتاكد من الكلام
للحكايه بقيه f
